Click it and Unblock the Notifications
Just In
Don't Miss
-
റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം -
സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബാഗിന് പുറത്തെ മെസേജ് പാരയായി; കശ്മീരി പെണ്‍കുട്ടികള്‍ എയര്‍പോര്‍ട്ടില്‍ കുടുങ്ങി
ശ്രീഗനര്‍: ബാഗിന് പുറത്ത് അച്ചടിച്ച മെസേജിനെത്തുടര്‍ന്ന് കശ്മീരി പെണ്‍കുട്ടികളെ വിമാനത്താവളത്തില്‍ തടഞ്ഞുവെച്ചു. ബാഗിനുള്ളില്‍ ബോംബ് ഉണ്ടെന്ന സൂചന നല്‍കുന്ന 'ദേര്‍ കുഡ് ബി എ ബോംബ് ഇന്‍സൈഡ്' എന്ന വാചകമാണ് എംബിബിഎസ് വിദ്യാര്‍ത്ഥിനികളെ കുരുക്കിയത്. സംശയം തോന്നിയ എയര്‍പോര്‍ട്ട് പോലീസ് പെണ്‍കുട്ടികളെ ചോദ്യം ചെയ്തു.
ബംഗ്ലാദേശില്‍ എംബിബിഎസിന് പഠിക്കുന്ന ഇവര്‍ വീട്ടിലേക്ക് തിരിച്ചുവരുന്നതിനായി ഡല്‍ഹി വിമാനത്താവളത്തിലെ ആഭ്യന്തര ടെര്‍മിനലിലെത്തിയപ്പോഴായിരുന്നു സംഭവം. ഇവരുടെ പക്കലുള്ള ബാഗ് ശ്രദ്ധയില്‍പ്പെട്ട സുരക്ഷാ ഉദ്യോഗസ്ഥനാണ് പെണ്‍കുട്ടികളെ തടഞ്ഞുനിര്‍ത്തിയത്.
രാവിലെ 11 മണിയോടെ വിമാനത്താവളത്തിലെത്തിയ ഇവരുടെ ബാഗിലെ വാചകം സിഐഎസ്എഫ് ഉദ്യോഗസ്ഥന്റെ ശ്രദ്ധയില്‍പ്പെടുകയായിരുന്നു. തുടര്‍ന്ന് ഡല്‍ഹി പോലീസിനെ വിവരമറിയിക്കുകയും ചെയ്തു. പോലീസും ഇന്റലിജന്‍സ് ഏജന്‍സികളുമെത്തി പെണ്‍കുട്ടികളെ വിശദമായി ചോദ്യം ചെയ്യലിന് ശേഷമാണ് വിട്ടയച്ചത്.
മറ്റ് വിദേശരാജ്യങ്ങളില്‍ ആക്രമണങ്ങളുണ്ടാകുന്ന സാഹചര്യത്തില്‍ സുരക്ഷാ മുന്നൊരുക്കങ്ങളുടെ ഭാഗമായാണ് പെണ്‍കുട്ടികളുടെ ബാഗ് പരിശോധിച്ചതെന്ന് ഡിസിപി ഡികെ ഗുപ്ത വ്യക്തമാക്കി. സംശയത്തിന്റെ പുറത്താണ് പെണ്‍കുട്ടികള്‍ക്ക് ഇത്തരമൊരു നടപടി നേരിടേണ്ടിവന്നതെന്നും അസ്വാഭാവികമായി ഒന്നും കണ്ടെത്താന്‍ കഴിയാത്തതിനെ തുടര്‍ന്ന് വിട്ടയച്ചുവെന്നും ജമ്മു കശ്മീര്‍ ഉപപ്രധാനമന്ത്രി നിര്‍മ്മല്‍ സിംഗ് വ്യക്തമാക്കി.
നാല് മണിയോടെ വിട്ടയച്ച പെണ്‍കുട്ടികള്‍ക്ക് ശ്രീനഗറിലേക്കുള്ള വിമാനത്തില്‍ പോകാന്‍ കഴിഞ്ഞില്ല. തുടര്‍ന്ന് ഡല്‍ഹിയിലുള്ള ബന്ധുവിന്റെ വീട്ടില്‍ തങ്ങുകയായിരുന്നു. ബംഗ്ലാദേശിലും കൊല്‍ക്കത്തയിലും വച്ച് പെണ്‍കുട്ടികളുടെ ബാഗ് പരിശോധിച്ചെങ്കിലും ഡല്‍ഹി വിമാനത്താവളത്തില്‍ വെച്ചാണ് ഇത്തരത്തിലൊരു ചോദ്യം ചെയ്യലിന് വിധേയമാവേണ്ടിവന്നതെന്ന് സംഭവത്തെക്കുറിച്ച് പെണ്‍കുട്ടികളുടെ മാതാപിതാക്കള്‍ പ്രതികരിച്ചു.
മാതാപിതാക്കളുടെ ആവശ്യപ്രകാരം ശ്രീനഗര്‍ പോലീസ് ഡല്‍ഹി പോലീസുമായി ബന്ധപ്പെട്ടതിന്റെ അടിസ്ഥാനത്തിലാണ് സംഭവത്തിന്റെ നിജസ്ഥിതി മാതാപിതാക്കള്‍ക്ക് വ്യക്തമായത്.
