Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
കുതിരക്കച്ചവടമെന്ന് ആക്ഷേപം; അഞ്ജലി ദമാനിയ ആം ആദ്മി പാര്‍ട്ടി വിട്ടു
ദില്ലി: ആം ആദ്മി പാര്‍ട്ടിയുടെ മുതിര്‍ന്ന നേതാവ് അഞ്ജലി ദമാനിയ പാര്‍ട്ടി വിട്ടു. ആം ആദ്മി പാര്‍ട്ടിയുടെ മഹാരാഷ്ട്ര കണ്‍വീനറാണ് അഞ്ജലി. നിലവില്‍ നേതാക്കള്‍ക്കിടയില്‍ നടക്കുന്ന അധികാര വടംവലിയില്‍ അരവിന്ദ് കെജ് രിവാളിനെ കുറ്റപ്പെടുത്തിയാണ് അഞ്ജലി പാര്‍ട്ടി വിട്ടത്. ഇനി ഒരു തിരിച്ചുവരവില്ലെന്ന് അഞ്ജലി പറയുന്നു.
അരവിന്ദ് കെജ് രിവാളിന്റെ തത്വങ്ങളുടെ പേരിലാണ് പാര്‍ട്ടിയെ പിന്തുണച്ചതും പ്രവര്‍ത്തിച്ചതും. എന്നാല്‍ കെജ് രിവാള്‍ കുതിരക്കച്ചവടമാണ് നടത്തിയതെന്നും ട്വിറ്ററില്‍ അഞ്ജലി പറഞ്ഞു. ദില്ലിയില്‍ മുതിര്‍ന്ന നേതാക്കള്‍ തമ്മില്‍ ഗ്രൂപ്പ് പ്രവര്‍ത്തനം നടത്തുന്നതിനിടയിലാണ് അഞ്ജലിയുടെ അപ്രതീക്ഷിത രാജി.
ഒരു ടിവി വാര്‍ത്തയുടെ വീഡിയോയും അഞ്ജലി പോസ്റ്റ് ചെയ്തിട്ടുണ്ട്. കഴിഞ്ഞതവണ ദില്ലിയില്‍ അധികാരത്തിലേറിയപ്പോള്‍ കോണ്‍ഗ്രസ് എംഎല്‍എമാരുടെ പിന്തുണ ഉറപ്പിക്കുന്നതുമായി ബന്ധപ്പെട്ട് ആം ആദ്മി നേതാക്കള്‍ സംസാരിക്കുന്നതാണ് വീഡിയിലുള്ളത്.
70 സീറ്റുകളുള്ള ദില്ലി നിയമസഭാ തെരഞ്ഞെടുപ്പില്‍ 67 സീറ്റുകളുമായാണ് ആം ആദ്മി ഇപ്പോള്‍ അധികാരത്തിലിരിക്കുന്നത്. പാര്‍ട്ടിയുടെ ഒത്തൊരുമയോടെയുള്ള പ്രവര്‍ത്തനമാണ് വിജയത്തിന് അടിസ്ഥാനമായത്. എന്നാല്‍, ഇതിന് പിന്നാലെ ദേശീയ തലത്തില്‍ അധികാരം കേന്ദ്രീകരിക്കപ്പെടുന്നതിനെതിരെ ചില നേതാക്കള്‍ രംഗത്തെത്തിയതോടെ പാര്‍ട്ടിയില്‍ പ്രശ്‌നങ്ങള്‍ സങ്കീര്‍ണമായി. ശരിയായ വിധത്തില്‍ വിഷയങ്ങള്‍ കൈകാര്യം ചെയ്യുന്നതിലുള്ള നേതാക്കളുടെ കഴിവുകേടാണ് ആം ആദ്മി പാര്‍ട്ടിയില്‍ ഇപ്പോള്‍ നടക്കുന്ന വിഴുപ്പലക്കലെന്നാണ് രാഷ്ട്രീയ വിദഗ്ധരുടെ നിരീക്ഷണം.
