എക്സിറ്റ് പോള് വിശ്വസിക്കേണ്ട; മധ്യപ്രദേശ് ഉറപ്പെന്ന് ബിജെപിയും കോണ്ഗ്രസും
ഭോപ്പാല്: എക്സിറ്റ് പോളുകള് പുറത്ത് വന്നതിന് പിന്നാലെ പ്രതികരണവുമായി മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനും സംസ്ഥാന കോണ്ഗ്രസ് അധ്യക്ഷന് കമല്നാഥും. ബി ജെ പി അധികാരം നിലനിര്ത്തുമെന്നും എക്സിറ്റ് പോളുകള്ക്ക് അപ്പുറത്തേക്കുള്ള വിജയം പാര്ട്ടിക്ക് ലഭിക്കും എന്നും ശിവരാജ് സിംഗ് ചൗഹാന് അവകാശപ്പെട്ടു. സംസ്ഥാനത്ത് ശക്തമായ പോരാട്ടമില്ലെന്നും അദ്ദേഹം വാദിച്ചു.
'മധ്യപ്രദേശില് പോരാട്ടം അടുത്തിട്ടില്ലെന്ന് ഞാന് എപ്പോഴും വാദിക്കുന്നു. ബിജെപി വന് ജനവിധി നേടും. പ്രധാനമന്ത്രി നരേന്ദ്ര മോദിയുടെ സ്നേഹവും മാര്ഗനിര്ദേശവും ആഭ്യന്തര മന്ത്രി അമിത് ഷായുടെ തന്ത്രങ്ങളും ബിജെപി അധ്യക്ഷന് ജെപി നദ്ദയുടെ നേതൃത്വവും ഞങ്ങളുടെ പ്രവര്ത്തകരുടെ പ്രയത്നങ്ങളും നമ്മുടെ സര്ക്കാരിന്റെ പദ്ധതികളും ബി ജെ പിക്ക് സംസ്ഥാനത്ത് ഭൂരിപക്ഷം സമ്മാനിക്കും,' ചൗഹാന് വാര്ത്താ ഏജന്സിയായ എഎന്ഐയോട് പറഞ്ഞു.
അതേസമയം എക്സിറ്റ് പോളുകള് കണ്ട് നിരാശരാകേണ്ട എന്നും കോണ്ഗ്രസിന് അഭിമാനാര്ഹമായ വിജയം ഉറപ്പാണ് എന്നും കമല്നാഥ് പറഞ്ഞു. കോണ്ഗ്രസിന് ജനങ്ങള് വലിയ രീതിയില് വോട്ട് ചെയ്തതായി കമല്നാഥ് പാര്ട്ടി പ്രവര്ത്തകര്ക്ക് ഉറപ്പ് നല്കി. എക്സിറ്റ് പോള് ഫലങ്ങളില് കോണ്ഗ്രസ് പ്രവര്ത്തകര് ശ്രദ്ധ തിരിക്കരുതെന്നും കമല്നാഥ് എക്സില് കുറിച്ചു.
വ്യാഴാഴ്ച പുറത്ത് വന്ന പല എക്സിറ്റ് പോള് ഫലങ്ങളിലും സംസ്ഥാനത്തെ വോട്ടര്മാരുടെ ഇംഗിതം എന്താണ് എന്ന് വ്യക്തമാക്കുന്നില്ല. ചില എക്സിറ്റ് പോളുകള് കോണ്ഗ്രസിന് ഭൂരിപക്ഷം പ്രഖ്യാപിക്കുമ്പോള് മറ്റ് ചിലര് ബി ജെ പിക്കൊപ്പമാണ് ജനങ്ങള് എന്നാണ് പ്രവചിക്കുന്നത്. 230 അംഗ നിയമസഭാ സീറ്റില് കേവലഭൂരിപക്ഷത്തിന് വേണ്ടത് 116 സീറ്റുകളാണ്. ഡിസംബര് മൂന്നിനാണ് സംസ്ഥാനത്ത് വോട്ടെണ്ണല്
ഇന്ത്യാ ടുഡേ-ആക്സിസ് മൈ ഇന്ത്യ, ഉന്ത്യാ ടിവി-സി എന് എക്സ്, ന്യൂസ് 24-ടുഡേയ്സ് ചാണക്യ, റിപ്പബ്ലിക് ടി വി- മാട്രിസ് എന്നിവര് ബി ജെ പിക്ക് സംസ്ഥാനത്ത് ഒറ്റക്ക് ഭരിക്കാനുള്ള ഭൂരിപക്ഷം ലഭിക്കും എന്നാണ് പ്രവചിക്കുന്നത്. അതേസമയം ദൈനിക് ഭാസ്കര്, ജന് കി ബാത്, ടൈംസ് നൗ-ഇ ടി ജി, ടി വി 9 ഭാരത് വര്ഷ്-പോള്സ്ട്രാറ്റ് എന്നിവര് ബി ജെ പിയും കോണ്ഗ്രസും തമ്മില് സംസ്ഥാനത്ത് ശക്തമായ പോരാട്ടമാണ് എന്നാണ് പ്രവചിക്കുന്നത്.
-
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
കേരളത്തില് നാളെ ചെറിയ പെരുന്നാള്; ശവ്വാല് മാസപ്പിറവി ദൃശ്യമായി -
വിജയ് സ്വത്തുക്കള് വിറ്റഴിക്കുന്നു; നടന്റെ നീക്കത്തിന് പിന്നില് എന്ത്? സംഗീതയുടെ വിവാഹ മോചനം ചര്ച്ച -
'അഖിൽ മാരാർക്ക് സീറ്റ് കൊടുത്തത് ആ ഭയം കൊണ്ടാകും, പ്രാക്കും കാർക്കിച്ച് തുപ്പും ഭയന്ന് അവർക്ക് വോട്ട് കിട്ടും' -
' മൂന്നാം ഊഴം എന്ന മുഖ്യമന്ത്രിയുടെ സ്വപ്നം വിഫലമാകും'; നിലപാട് തിരുത്തി ജി സുധാകരൻ, കോണ്ഗ്രസിന് പുകഴ്ത്തൽ -
എൻഡിഎയുടെ 90 സീറ്റ് ഓഫറും മുഖ്യമന്ത്രി പദവിയും വേണ്ട; തമിഴ്നാട്ടിൽ ഒറ്റയ്ക്ക് മത്സരിക്കുമെന്ന് വിജയ് -
ബെംഗളുരുവിന്റെ തലവര മാറ്റുന്ന ബിദാദി ടൗൺഷിപ്പ് പദ്ധതി; 7400 ഏക്കർ ഭൂമി ഏറ്റെടുക്കാൻ നടപടിയുമായി സർക്കാർ -
കേരളത്തിൽ ഏറ്റവും കൂടുതൽ ആസ്തിയുള്ള എംഎൽഎ ഇതാണ്; പകുതിയിലധികം പേരും കോടീശ്വരൻമാർ -
ബിജെപിയുടെ രണ്ടാം സ്ഥാനാർത്ഥി പട്ടികയും പുറത്ത്; കുമ്മനം ആറന്മുളയിൽ, റോബിൻ രാധാകൃഷ്ണൻ കുണ്ടറയിൽ -
'പദവികളല്ല, പ്രവർത്തകരുടെ മനസ്സിലെ സ്ഥാനമാണ് വലുത്, സുധാകരൻ രക്തസാക്ഷികളുടെ നേതാവ്'; രാഹുൽ മാങ്കൂട്ടത്തിൽ
Click it and Unblock the Notifications
Sign in with Google