സ്ത്രീകളെ ലൈംഗികമായി പീഡിപ്പിച്ച യുവതിക്ക് 3 വര്ഷം തടവ്
ഇന്ഡോര്: സ്ത്രീകളെ ലൈംഗികമായി പീഡിപ്പിച്ചെന്ന കേസില് പത്തൊന്പതുകാരിയായ യുവതിക്ക് 3 വര്ഷത്തെ തടവും 500 രൂപ പിഴയും വിധിച്ചു. ഇന്ഡോര് ജില്ലാ കോടതിയാണ് കേസില് വിധി പ്രസ്താവിച്ചത്. സ്ത്രീകളെ പീഡിപ്പിച്ചതിന് ഒരു സ്ത്രീയെ തന്നെ ശിക്ഷിക്കുന്നത് അപൂര്വമായ സംഭവമാണ്.
കുറ്റക്കാരിയെന്ന് കണ്ടെത്തിയ സിമ്രാന് അലിയാസ് സ്ത്രീകളെ പീഡിപ്പിച്ചെന്നത് സംശയാതീതമായി തെളിഞ്ഞെന്ന് വിധി പ്രസ്താവിച്ച ജസ്റ്റിസ് ഭരത് സിങ് പറഞ്ഞു. സ്ത്രീകളെ പീഡിപ്പിക്കുന്നത് സ്ത്രീതന്നെ ആണെന്നത് ആശങ്കയുണ്ടാക്കുന്നതാണെന്നും ഇത്തരം കുറ്റവാളികള് ഉള്ളിടത്തോളം സ്ത്രീകള്ക്ക് സുരക്ഷയൊരുക്കുക ബുദ്ധിമുട്ടേറിയ കാരമാണെന്നും അദ്ദേഹം വ്യക്തമാക്കി.
2013ല് ഭോപാല് റെയില്വേ സ്റ്റേഷനില് വെച്ചാണ് സിമ്രാന് അറസ്റ്റിലാകുന്നത്. സംശയാസ്പദമായി കണ്ടെത്തിയ ഇവരെ ചോദ്യം ചെയ്തപ്പോള് പരസ്പര വിരുദ്ധമായ കാര്യങ്ങള് പറഞ്ഞതിനെ തുടര്ന്ന് കസ്റ്റഡിയില് എടുക്കുകയായിരുന്നു. പിന്നീട് ഇന്ഡോറിലെ സ്ത്രീകളുടെ പുനരധിവാസ കേന്ദ്രത്തിലേക്ക് മാറ്റുകയും ചെയ്തു.
2014ല് ഇവരെ താമസിക്കുന്ന പെണ്കുട്ടിയാണ് സിമ്രാന് ലൈംഗികമായി പീഡിപ്പിച്ചെന്ന പരാതി ഉന്നയിക്കുന്നത്. പെണ്കുട്ടിക്ക് പിന്നാലെ സ്ത്രീകളുടെ കേന്ദ്രത്തിലെ പലരും സിമ്രാനെതിരെ പരാതിയുമായി രംഗത്തെത്തി. ഇതോടെ കേസ് രജിസ്റ്റര് ചെയ്ത് അന്വേഷണം ആരംഭിക്കുകയായിരുന്നു. പിന്നീട് അറസ്റ്റ് ചെയ്യപ്പെട്ട സിമ്രാന് കോടതി ജാമ്യം നിഷേധിക്കുകയും ചെയ്തു.