• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

നിർഭയ കേസ്; പ്രതികളെ മാർച്ച് മൂന്നിന് തൂക്കിലേറ്റും!! പുതിയ വാറണ്ട് പുറപ്പെടുവിച്ച് ദില്ലി കോടതി

  • By Aami Madhu

ദില്ലി: നിര്‍ഭയ കേസിലെ നാല് പ്രതികളേയും മാര്‍ച്ച് മൂന്നിന് തൂക്കിലേറ്റും. രാവിലെ ആറിനാണ് നാണ് വധശിക്ഷ നടപ്പാക്കുക. ദില്ലി പാട്യാല ഹൗസ് കോടതിയാണ് ഇത് സംബന്ധിച്ച് പുതിയ ഉത്തരവ് പുറത്തിറക്കിയത്. മറണ വാറണ്ട് പുറപ്പെടുവിക്കാന്‍ ആവശ്യപ്പെട്ട് നിര്‍ഭയയുടെ മാതാപിതാക്കളും ദില്ലി സര്‍ക്കാരും നല്‍കിയ ഹര്‍ജിയിലാണ് കോടതി വിധി പറഞ്ഞത്.

നേരത്തേ രണ്ട് തവണ പ്രതികളെ തൂക്കിലേറ്റാന്‍ കോടതി മരണവാറണ്ട് പുറപ്പെടുവിച്ചിരുന്നു. ആദ്യം ജനവരി 22 നായിരുന്നു മരണ വാറണ്ട് പുറപ്പെടുവിച്ചത്. പിന്നീട് ഇത് റദ്ദ് ചെയ്ത് ജനവരി 17 ന് മറ്റൊരു വിധി പുറപ്പെടുവിച്ചു. ഫെബ്രുവരി 1 രാവിലെ ആറിന് വധശിക്ഷ നടപ്പാക്കണമെന്നായിരുന്നു രണ്ടാമത്ത വിധി. എന്നാല്‍ പ്രതികള്‍ വിവിധ കാര്യങ്ങള്‍ ചൂണ്ടിക്കാട്ടി കോടതിയെ സമീപിച്ചതോടെ ശിക്ഷ നടപ്പാക്കുന്നത് നീളുകയായിരുന്നു.

തുടര്‍ന്ന് കേസുമായി ബന്ധപ്പെട്ട ​എല്ലാ നടപടികളും ഫെബ്രുവരി 12 നകം പൂര്‍ത്തിയാക്കണമെന്ന് ദില്ലി കോടതി നിര്‍ദ്ദേശിച്ചു. അതിന് ശേഷം പുതിയ ഹര്‍ജികള്‍ ഒന്നും നല്‍കരുതെന്നും കോടതി നിര്‍ദ്ദേശിച്ചിരുന്നു. ഇത് പ്രകാരമാണ് പ്രതികള്‍ നല്‍കിയ ഹര്‍ജികള്‍ തള്ളി കോടതി വിധി പുറപ്പെടുവിച്ചത്. കേസില്‍ ശിക്ഷിക്കപ്പെട്ട നാല് പേരില്‍ പവന്‍ ഗുപ്ത ഒഴികെയുള്ളവര്‍ നിയമപരമായ സാധ്യതകള്‍ എല്ലാം ഉപയോഗിച്ച് കഴിഞ്ഞതാണ്. പവന്‍ ഗുപ്ത ഇനിയും തിരുത്തല്‍ ഹര്‍ജി നല്‍കിയാല്‍ വിധി നീളുമോയെന്ന ആശങ്ക നിലനില്‍ക്കുന്നുണ്ട്.

അതേസമയം തന്റെ പോരാട്ടം ഒടുവിൽ ഫലം കണ്ടതില്‍ സന്തോഷമുണ്ടെന്ന് നിര്‍ഭയയുടെ അമ്മ പ്രതികരിച്ചു. എത്രയും പെട്ടെന്ന് പ്രതികളെ തൂക്കിലേറ്റുന്നത് കേള്‍ക്കാന്‍ കാത്തിരിക്കുകയാണെന്നും അവര്‍ മാധ്യമങ്ങളോട് പറഞ്ഞു.

English summary
Nirbhaya case: All four convicts to be hanged on March 3
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X