ജൽ ജീവൻ മിഷൻ സ്ത്രീകളുടെ പ്രസ്ഥാനമെന്ന് പ്രധാനമന്ത്രി; ആപ് പുറത്തിറക്കി
ദില്ലി; ജല് ജീവന് ദൗത്യമെന്ന ആശയം ജനങ്ങള്ക്ക് വെള്ളം ലഭ്യമാക്കുക മാത്രമല്ല മറിച്ച് വികേന്ദ്രീകരണത്തിന്റെ വലിയൊരു മുന്നേറ്റം കൂടിയാണെന്ന് പ്രധാനമന്ത്രി നരേന്ദ്ര മോദി. ''ഇതൊരു ഗ്രാമീണ-വനിതാ മുന്നേറ്റ പ്രസ്ഥാനമാണ്. ബഹുജനമുന്നേറ്റവും പൊതു പങ്കാളിത്തവുമാണ് അതിന്റെ പ്രധാന അടിത്തറ''- അദ്ദേഹം പറഞ്ഞു. ജലജീവൻ പദ്ധതിയുമായി ബന്ധപ്പെട്ട് വീഡിയോ കോൺഫറൻസിലൂടെ സംസാരിക്കുകയായിരുന്നു പ്രധാനമന്ത്രി.പദ്ധതിയുടെ പങ്കാളികളില് അവബോധം മെച്ചപ്പെടുത്തുന്നതിനും ദൗത്യത്തിനുകീഴിലുള്ള പദ്ധതികളുടെ സുതാര്യതയും ഉത്തരവാദിത്വവും വര്ധിപ്പിക്കുന്നതിനുമായുള്ള ജല് ജീവന് ദൗത്യ ആപ്ലിക്കേഷനും പ്രധാനമന്ത്രി മോദി തുടക്കം കുറിച്ചു.
സ്വാതന്ത്ര്യം കിട്ടിയതു മുതല് 2019 വരെ നമ്മുടെ രാജ്യത്തെ 3 കോടി കുടുംബങ്ങള്ക്ക് മാത്രമാണ് പൈപ്പ് വെള്ളം ലഭ്യമായിരുന്നതെന്ന് പ്രധാനമന്ത്രി പറഞ്ഞു. 2019 ല് ജല് ജീവന് ദൗത്യം ആരംഭിച്ചതിന് ശേഷം, 5 കോടി കുടുംബങ്ങള്ക്കു കുടിവെള്ള കണക്ഷന് ലഭിച്ചിട്ടുണ്ട്. ഇന്ന്, രാജ്യത്തെ 80 ജില്ലകളിലായി 1.25 ലക്ഷം ഗ്രാമങ്ങളിലെ ഓരോ വീട്ടിലും വെള്ളം എത്തുന്നുണ്ട്. വികസനം കാംക്ഷിക്കുന്ന ജില്ലകളില് പൈപ്പ് കണക്ഷനുകളുടെ എണ്ണം 31 ലക്ഷത്തില് നിന്ന് 1.16 കോടിയായി ഉയര്ന്നു.
ഗ്രാമത്തിലെ സ്ത്രീകളും കുട്ടികളും വെള്ളം കൊണ്ടുവരാന് കിലോമീറ്ററുകളോളം നടന്നു. ചിലരുടെ മനസ്സില്, ഗ്രാമത്തിന്റെ പേര് കേള്ക്കുന്നയുടനെ ഈ ചിത്രം ഉയര്ന്നുവരുന്നു. എന്തുകൊണ്ടാണ് കുറച്ച് ആളുകള് ഒരു ചോദ്യത്തെക്കുറിച്ച് ചിന്തിക്കുന്നതെന്ന് പ്രധാനമന്ത്രി ചോദിച്ചു. എന്തുകൊണ്ടാണ് ഈ ആളുകള് എല്ലാ ദിവസവും ഏതെങ്കിലും നദിയിലേക്കോ കുളത്തിലേക്കോ പോകുന്നത്? എന്തുകൊണ്ടാണ് വെള്ളം ഈ ആളുകളിലേക്ക് എത്താത്തത്? ''ദീര്ഘകാലമായി നയരൂപീകരണത്തിന്റെ ഉത്തരവാദിത്തമുള്ളവര് ഈ ചോദ്യം സ്വയം ചോദിക്കണമായിരുന്നു''- പ്രധാനമന്ത്രി അഭിപ്രായപ്പെട്ടു. ജലസമൃദ്ധമായ പ്രദേശങ്ങളില് നിന്ന് വന്നതുകൊണ്ട്, ഒരുപക്ഷേ മുന്കാലങ്ങളിലെ നയരൂപകര്ത്താക്കള് ജലത്തിന്റെ പ്രാധാന്യം തിരിച്ചറിഞ്ഞില്ലായിരിക്കുമെന്ന് പ്രധാനമന്ത്രി പറഞ്ഞു. ''ഗുജറാത്ത് പോലെയുള്ള ഒരു സംസ്ഥാനത്ത് നിന്ന് വന്ന ഞാന് വരള്ച്ച പോലുള്ള അവസ്ഥകള് കാണുകയും ഓരോ തുള്ളി വെള്ളത്തിന്റെയും പ്രാധാന്യം മനസ്സിലാക്കുകയും ചെയ്തു. അതുകൊണ്ടാണ് ഗുജറാത്ത് മുഖ്യമന്ത്രിയെന്ന നിലയില് ജലവും ജലസംരക്ഷണവും എന്റെ പ്രധാന മുന്ഗണനകളില് ഉള്പ്പെടുത്തിയത്''- മോദി പറഞ്ഞു.
കഴിഞ്ഞ ഏഴ് പതിറ്റാണ്ടില് ചെയ്തതിനേക്കാള് കൂടുതല് പ്രവര്ത്തനങ്ങള്, ജനങ്ങള്ക്ക് പൈപ്പ് വെള്ളം എത്തിക്കുന്നതിന് രണ്ടുവര്ഷത്തിനുള്ളില് നടത്തിയെന്ന് അദ്ദേഹം പറഞ്ഞു. ജലസമൃദ്ധിയില് ജീവിക്കുന്ന രാജ്യത്തെ എല്ലാ പൗരന്മാരോടും ജലം സംരക്ഷിക്കാന് കൂടുതല് ശ്രമങ്ങള് നടത്തണമെന്ന് അദ്ദേഹം അഭ്യര്ത്ഥിച്ചു. അവരുടെ ശീലങ്ങള് മാറ്റാനും അവരോട് ആഹ്വാനം ചെയ്തു.
Recommended Video
രാജ്യത്തെ പെണ്കുട്ടികളുടെ ആരോഗ്യവും സുരക്ഷയും മെച്ചപ്പെടുത്തുന്നതിനുള്ള നടപടികള് പ്രധാനമന്ത്രി എണ്ണിപ്പറഞ്ഞു. എല്ലാ വീട്ടിലും സ്കൂളിലുമുള്ള ശുചിമുറികള്, കുറഞ്ഞ വിലയ്ക്കുള്ള സാനിറ്ററി പാഡുകള്, ഗര്ഭകാലത്ത് പോഷകാഹാര പിന്തുണ, പ്രതിരോധ കുത്തിവയ്പ്പ് തുടങ്ങിയ നടപടികള് 'മാതൃശക്തി'യെ ശക്തിപ്പെടുത്തിയെന്ന് അദ്ദേഹം അറിയിച്ചു. ഗ്രാമങ്ങളില് നിര്മ്മിച്ച 2.5 കോടി വീടുകളില് ഭൂരിഭാഗവും സ്ത്രീകളുടെ പേരിലാണെന്നും അദ്ദേഹം പറഞ്ഞു. പുകനിറഞ്ഞ ജീവിതസാഹചര്യങ്ങളില് നിന്ന് ഉജ്ജ്വല, സ്ത്രീകളെ മോചിപ്പിച്ചു. സ്വയം സഹായ സംഘങ്ങളിലൂടെ സ്ത്രീകളെ ആത്മനിര്ഭരതാ ദൗത്യവുമായി കൂട്ടിയോജിപ്പിക്കുന്നു. ഈ സംഘങ്ങള് കഴിഞ്ഞ ഏഴ് വര്ഷത്തിനിടെ മൂന്ന് മടങ്ങ് വര്ദ്ധിച്ചു. 2014നു മുന്പുള്ള അഞ്ചുവര്ഷത്തെ അപേക്ഷിച്ച്, കഴിഞ്ഞ ഏഴ് വര്ഷത്തിനിടെ ദേശീയ ഉപജീവന ദൗത്യത്തിനു കീഴില് സ്ത്രീകള്ക്കുള്ള പിന്തുണയില് 13 മടങ്ങ് വര്ദ്ധന ഉണ്ടായിട്ടുണ്ടെന്നും അദ്ദേഹം അറിയിച്ചു.
Click it and Unblock the Notifications
Sign in with Google