'എനിക്ക് വേണ്ടി ഒരു വീട് വെച്ചിട്ടില്ല, പാവപ്പെട്ടവർക്കായി 4 കോടി വീടുകള്‍ നല്‍കി...'; മോദി

ഡൽഹി: ആംആദ്മിക്കെതിരെ രൂക്ഷവിമർശവനവുമായി പ്രധാനമന്ത്രി നരേന്ദ്ര മോദി. ജെ ജെ ക്ലസ്റ്റുകൾക്കായുള്ള 1675 ഫ്ലാറ്റുകളും രണ്ട് ന​ഗര പുനർ വികസനം പദ്ധതികളും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഡൽഹി സർക്കർ‌ അഴിമതിയിൽ മുങ്ങിയരിക്കുകയാണെന്നും ജനങ്ങൾക്ക് മെച്ചപ്പെട്ട സൗകര്യങ്ങൾ ഒരുക്കുന്നതിൽ പരാജയപ്പെട്ടെന്നും മോദി പറഞ്ഞു.

" രാജ്യത്തിന് നന്നായി അറിയാം മോദി തനിക്കായി ഒരു വീട് നിർമ്മിച്ചിട്ടില്ലെന്ന്, എന്നാൽ പാവപ്പെട്ടവർക്കായി 4 കോടിയിലധികം വീടുകൾ നിർമിച്ചിട്ടുണ്ട് എന്ന്. എനിക്ക് വേണമെങ്കിൽ ചില്ല് കൊട്ടാരം നിർമിക്കാമായിരുന്നു " അദ്ദേഹം പറഞ്ഞു. ഡൽഹി മുഖ്യമന്ത്രിയുടെ വസതിക്ക് അമിതമായി ചെലവ് നടത്തിയെന്ന ആരോപണങ്ങളെ സൂചിപ്പിച്ചായിരുന്നു പ്രധാനമന്ത്രിയുടെ പ്രസം​ഗം.

ആം ആദ് മി ഡൽഹിയെ ദുരന്തം പോലെ വലയം ചെയ്തിരിക്കുകയാണെന്നും അദ്ദേഹം പറഞ്ഞു. പത്ത് വർഷമായി ഡൽഹിയെ ഒരു ദുരന്തം വലയം ചെയ്തിരിക്കുകയാണെവന്നു ഡൽഹിയെ ദുരിതത്തിലാക്കിയെന്നും പ്രധാനമന്ത്രി പറഞ്ഞു.

ഇന്ന് ഇന്ത്യ രാഷ്ട്രീയവും സാമ്പത്തികവുമായ സ്ഥിരതയുടെ പ്രതീകമായി മാറിയിരിക്കുന്നു. 2025 ഇന്ത്യയുടെ ഈ പങ്ക് കൂടുതൽ ശക്തപ്പെടും ഈ വർഷം ലോകത്തിൽ ഇന്ത്യയുടെ സ്ഥാനം ശക്തിപ്പെടുന്ന വർഷമായിരിക്കും. ലോകത്തിലെ ഏറ്റവും വലിയ ഉൽപ്പാദന കേന്ദ്രമായി ഇന്ത്യയെ മാറ്റുന്ന വർഷമായിരിക്കും ഇത്," അദ്ദേഹം പറഞ്ഞു. ഡൽഹിയുടെ വികസനത്തിന് ഇതൊരു സുപ്രധാന ദിവസമാണെന്ന് പ്രധാനമന്ത്രി മോദി നേരത്തെ പറഞ്ഞിരുന്നു.

അതേ സമയം അനധിക‍ൃത അവ​ഗണിച്ച് ഡൽഹിയിലെ മുഖ്യമന്ത്രിയുടെ ഔദ്യോ​ഗിക വ വസതിയിൽ കെജ്രിവാൾ കോടികൾ ചെലവഴിച്ചുവെന്ന് ബി ജെ പി ആരോപിച്ചിരുന്നു. നരേല ഉുന​ഗരത്തിന്റെ വികസനവുമായി ബന്ധപ്പെട്ട പ്രവർത്തനങ്ങൾ ത്വരപ്പെടുത്തുന്നതിനനുസരിച്ച് പ്രധാനമന്ത്രി ആവാസ് യോജനയ്ക്ക് കീഴിൽ വരും ദിവസങ്ങളിൽ 30000 വീടുകൾ ഡൽഹിയിൽ നിർമിച്ച് പൗരന്മാർക്ക് കൈ മാറുമെന്ന് പ്രധാനമന്ത്രി പറഞ്ഞു,. എ എ പി ഡൽഹി സർക്കാർ ഡൽ​ഹി സ്കൂൾ വിദ്യാഭ്യാസ മേഖലയെ പ്രതികൂലമായി ബാെധിക്കുകയും, കേന്ദ്ര പദ്ധതികൾ നടപ്പാക്കുന്നത് സ്തംഭിപ്പിക്കുകയും ചെയ്യുന്നുവെന്ന് അദ്ദേഹം ആരോപിച്ചു,

അടിയന്തരാവസ്ഥ കാലത്ത് ഡൽഹിയിൽ താമസിച്ച കാര്യവും മോദി അനുസ്മരിച്ചു. ഇന്ദിരാ ​ഗാന്ധി സ്വേച്ഛാധിപത്യത്തിനെതിരെ രാജ്യം പോരാടിയപ്പോൾ താൻ ഉൾപ്പെടെ ആളുകൾ ഒളിച്ച് താമസിച്ച ഇടമാണ് അശോക് വിഹാറെന്ന് അദ്ദേഹം പറഞ്ഞു.