പൂഞ്ച് ഭീകരാക്രമണം: ഭീകര വേട്ടയ്ക്ക് ഡ്രോണുകളും സ്നിഫര് നായ്ക്കളും, 12 പേര് കസ്റ്റഡിയില്
ശ്രീനഗര്: പൂഞ്ച് ഭീകരാക്രമണവുമായി ബന്ധപ്പെട്ട് 12 പേരെ എന് ഐ എ കസ്റ്റഡിയില് എടുത്തു. ആക്രമണത്തില് പങ്കെടുത്തെന്ന് സംശയിക്കുന്ന 12 പേരെയാണ് ഇപ്പോള് കസ്റ്റഡിയില് എടുത്തിരിക്കുന്നത്. സൈനികര് സഞ്ചരിച്ച ട്രെക്കിന് മൂന്ന് വശങ്ങളില് നിന്നും ഭീകരര് വെടിയുതിര്ത്തെന്നാണ് എന് ഐ എ അന്വേഷണത്തില് കണ്ടെത്തിയത്.
കസ്റ്റഡിയിലെടുത്തവര് ഏത് ഭീകര സംഘടനയില്പ്പെട്ടവരാണെന്ന് തിരിച്ചറിയാന് വിവിധ തലങ്ങളില് സുരക്ഷാ സേന ചോദ്യം ചെയ്തു വരികയാണെന്ന് ഉദ്യോഗസ്ഥര് പറഞ്ഞു. മേഖലയില് ഒരു വര്ഷത്തിലേറെയായുള്ളവരെയാണ് ഇപ്പോള് കസ്റ്റഡിയില് എടുത്തിരിക്കുന്നത്. ജമ്മു കശ്മീര് പൊലീസ് ഡയറക്ടര് ജനറല് ദില്ബാഗ് സിംഗ്, പൊലീസ് അഡീഷണല് ഡയറക്ടര് ജനറല് മുകേഷ് സിംഗ് എന്നിവരും അന്വേഷണത്തിന് മേല്നോട്ടം വഹിക്കുന്നതിനായി രജൗരി ജില്ലയില് ക്യാമ്പ് ചെയ്യുന്നുണ്ട്. രണ്ട് പേരും ആക്രമണം നടന്ന സ്ഥലം സന്ദര്ശിച്ചിരുന്നു.
അഞ്ചോളം ഭീകരരുടെ സാന്നിധ്യമുണ്ടെന്നും സൈനിക ട്രക്ക് മൂന്ന് വ്യത്യസ്ത ഭാഗങ്ങളില് നിന്നാണ് ആക്രമണം നടത്തിയതെന്നാണ് പ്രാഥമിക അന്വേഷണത്തില് കണ്ടെത്തിയത്. പിന്നീട് ഒളിച്ചിരുന്ന ഭീകരര് ഗ്രനേഡും ബോംബും ഉപയോഗിച്ച് സൈനിക വാഹനം അഗ്നിക്കിരയാക്കുകയായിരുന്നു. ദേശീയ പാതയില് ഭീംബര് ഗലിക്കും ജറന് വാലി ഗലിക്കും ഇടയില് തുടര്ച്ചയായ രണ്ടാം ദിവസവും വാഹനഗതാഗതം നിര്ത്തിവച്ചിരിക്കുകയാണ്.
ആക്രമണത്തിന് പിന്നില് പ്രവര്ത്തിച്ചവര് ഒരു വര്ഷത്തിലേറെയായി പൂഞ്ചിലും രജൗരിയിലും ഉള്ളവരാണെന്ന് ഉദ്യോഗസ്ഥര് പറഞ്ഞു. നിലവില് നാല് ഭീകരസംഘടനകളുടെ സാന്നിധ്യമാണ് പൂഞ്ചിലും രജൗരിയിലുമുള്ളത്. ഭീകരസംഘടനയായ ജെയ്ഷെ മുഹമ്മദിന്റെ പ്രോക്സി വിഭാഗമായ പീപ്പിള്സ് ആന്റി ഫാസിസ്റ്റ് ഫ്രണ്ട് ആക്രമണത്തിന്റെ ഉത്തരവാദിത്തം ഏറ്റെടുത്തിട്ടുണ്ട്. ലഷ്ക്കര്-ഇ-തൊയ്ബ ആക്രമണത്തില് പങ്കുണ്ടെന്നാണ് സൂചന.
ഭീകരരെ കണ്ടെത്തുന്നതിനായി ഡ്രോണുകളും സ്നിഫര് നായ്ക്കളെയും ഉപയോഗിക്കുന്നുണ്ടെന്നും സൈന്യം ഹെലികോപ്റ്റര് ഉപയോഗിച്ച് പ്രദേശത്ത് പരിശോധന നടത്തിയെന്നും ഉദ്യോഗസ്ഥര് വ്യക്തമാക്കി. ആക്രമണത്തില് അഞ്ച് സൈനികരാണ് വീരമൃത്യു വരിച്ചത്. തീവ്രവാദ വിരുദ്ധ പ്രവര്ത്തനങ്ങള്ക്കായി വിന്യസിച്ചിട്ടുള്ള രാഷ്ട്രീയ റൈഫിള്സ് യൂണിറ്റിലെ സൈനികരാണ് കൊല്ലപ്പെട്ടത്.
ഹവില്ദാര് മന്ദീപ് സിംഗ്, ലാന്സ് നായിക് കുല്വന്ത് സിംഗ്, ശിപായി ഹര്കൃഷന് സിംഗ്, ശിപായി സേവക് സിംഗ് എന്നിവരാണ് കൊല്ലപ്പെട്ടത്. മൃതദേഹം കഴിഞ്ഞ ദിവസം നാട്ടിലേക്ക് എത്തിച്ചിട്ടുണ്ട്. ആക്രമണത്തിന് പിന്നാലെ രജൗരിയിലും പൂഞ്ചിലും കനത്ത സുരക്ഷയാണ് ഏര്പ്പെടുത്തിയിരിക്കുന്നത് .
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google