നാളെ വിശ്വാസവോട്ടെടുപ്പ്? കോണ്ഗ്രസിന് സമ്മതം.. സമയം വേണമെന്ന് ബിജെപി, സുപ്രീം കോടതിയിൽ പൊട്ടിച്ചിരി
Recommended Video
ബെംഗളൂരു: ഭൂരിപക്ഷം ഉണ്ടെന്ന് അവകാശവാദമുന്നയിച്ച് ബിഎസ് യെദ്യൂരപ്പ ഗവര്ണര്ക്ക് നല്കിയ കത്ത് സുപ്രീം കോടതി ഇന്ന് പരിശോധിക്കും. കത്ത് ഇന്ന് പത്തരയോടെ സുപ്രീം കോടതിയില് ഹാജരാക്കണമെന്നാണ് മൂന്നംഗ ബെഞ്ച് ആവശ്യപ്പെട്ടത്. രാജ്യം ഉറ്റുനോക്കുന്ന വിധിയായതിനാല് വന് സുരക്ഷാ സന്നാഹങ്ങളാണ് കോടതി പരിസരത്ത് ഒരുക്കിയിരിക്കുന്നത്. കത്തിന്റെ ഉള്ളടക്കം സുപ്രീം കോടതിക്ക് മുന്നാകെ ബോധ്യപ്പെടുത്താന് ആയില്ലേങ്കില് യെദ്യൂരപ്പയുടെ സര്ക്കാര് താഴെവീഴും.
കത്തില് സര്ക്കാര് രൂപീകരിക്കാന് തക്ക ഭൂരിപക്ഷം ഉണ്ടായിരുന്നില്ലെന്ന് സുപ്രീം കോടതി കണ്ടെത്തുകയാണെങ്കില് മൂന്ന് സാധ്യകളാകും പിന്നീട് കോടതി പരിഗണിക്കുക.
1. ഭൂരിപക്ഷം തെളിയിക്കാന് യെദ്യൂരപ്പ സര്ക്കാരിന് കോടതി നിശ്ചിത സമയം അനുവദിക്കും.
2. നേരത്തേ ഗവര്ണര് ഭൂരിപക്ഷം തെളിയിക്കാന് യെദ്യൂരപ്പ സര്ക്കാരിന് അനുവദിച്ച 15 ദിവസം എന്ന ദിവസപരിധി കുറച്ച് ഒന്നോ രണ്ടോ ദിവസത്തിനകം എന്ന നിര്ദ്ദേശം നല്കിയേക്കും.
3.117 പേരുടെ പിന്തുണ ഉണ്ടെന്ന് ഗവര്ണര്ക്ക് ആദ്യം കത്ത് നല്കിയ കോണ്-ജെഡിഎസ് സഖ്യത്തിന് കോടതി സര്ക്കാര് രൂപീകരിക്കാന് അവസരം നല്കിയേക്കും.