ജഗന് റെഡ്ഡി കളംമാറുമോ? പരസ്യ ചാക്കിടലുമായി കേന്ദ്രമന്ത്രി, 20 വര്ഷം കോണ്ഗ്രസിന് ഭരണമില്ല
വിശാഖപട്ടണം: ഒരുകാലത്ത് കോണ്ഗ്രസിന്റെ തട്ടകമായിരുന്നു ആന്ധ്രപ്രദേശ്. ചന്ദ്രബാബു നായിഡുവിന്റെ ടിഡിപിയും കെ ചന്ദ്രശേഖര റാവുവിന്റെ ടിആര്എസും വന്നതോടെയാണ് കോണ്ഗ്രസിന് തിരിച്ചടി കിട്ടിയത്. സംസ്ഥാനം വിഭജിച്ച് തെലങ്കാന കൂടി രൂപീകരിക്കപ്പെട്ടതോടെ മുന് മുഖ്യമന്ത്രി രാജശേഖര റെഡ്ഡിയുടെ മകന് ജഗന് മോഹന് റെഡ്ഡി വൈഎസ്ആര് കോണ്ഗ്രസ് എന്ന പേരില് പുതിയ പാര്ട്ടി രൂപീകരിച്ചു.
പിതാവിനോടുള്ള താല്പ്പര്യം ആന്ധ്രക്കാര് മകനോടും കാണിച്ചു. കഴിഞ്ഞ നിയമസഭാ തിരഞ്ഞെടുപ്പില് ആന്ധ്ര തൂത്തുവാരി ജഗന് റെഡ്ഡി സംസ്ഥാനത്തിന്റെ മുഖ്യമന്ത്രിയായി. എന്ഡിഎയ്ക്കും യുപിഎയ്ക്കും മൂന്നാം മുന്നണിക്കുമൊപ്പം നില്ക്കാത്ത നേതാവാണ് ജഗന്. എന്നാല് കേന്ദ്രമന്ത്രി അദ്ദേഹത്തെ പരസ്യമായി എന്ഡിഎയിലേക്ക് ക്ഷണിച്ചിരിക്കുകയാണ്. ചില പ്രലോഭനങ്ങളോടെ....
ഐക്യ ആന്ധ്രയുടെ ചോദ്യം ചെയ്യപ്പെടാത്ത നേതാവായിരുന്നു കോണ്ഗ്രസ് നേതാവും മുന് മുഖ്യമന്ത്രിയുമായ വൈഎസ്ആര് റെഡ്ഡി. ഹെലികോപ്റ്റര് അപകടത്തില് അദ്ദേഹം വിടപറഞ്ഞതോടെയാണ് മറ്റു പാര്ട്ടികള് ആന്ധ്രയില് ശക്തിപ്പെട്ടത്. സംസ്ഥാനം രണ്ടായി വിഭജിച്ചതോടെ തെലങ്കാനയുടെ ഭരണം ടിആര്എസ് പിടിച്ചു. ആന്ധ്ര പിന്നീട് ജഗന് റെഡ്ഡിയെ സ്വീകരിക്കുകയും ചെയ്തു.
കേന്ദ്രസര്ക്കാരിനെ പലപ്പോഴും പിന്തുണച്ചിട്ടുള്ള പാര്ട്ടിയാണ് ജഗന്റെ വൈഎസ്ആര് കോണ്ഗ്രസ്. പാര്ലമെന്റില് പല ബില്ലുകളും പാസാക്കുമ്പോള് നേരിട്ടും അല്ലാതെയും പിന്തുണച്ചു. പക്ഷേ, ജഗന് എന്ഡിഎയുടെ ഭാഗമല്ല. ജഗന് റെഡ്ഡി എന്ഡിഎയില് ചേരണമെന്ന് ആവശ്യപ്പെട്ടിരിക്കുകയാണ് കേന്ദ്രമന്ത്രി രാംദാസ് അത്തേവാല. വിശാഖപട്ടണത്ത് വിവിധ പദ്ധതികളുടെ ഉദ്ഘാടനത്തിന് എത്തിയതായിരുന്നു അദ്ദേഹം.
ഞങ്ങള് എന്ഡിഎ വിപുലീകരിക്കാന് ആഗ്രഹിക്കുന്നു. ജഗന് റെഡ്ഡി എന്ഡിഎില് ചേരണമെന്ന് ഞാന് അഭ്യര്ഥിക്കുകയാണ്. നിങ്ങള് എന്ഡിഎയില് ചേര്ന്നാല് ആന്ധ്രയ്ക്ക് കൂടുതല് സഹായം ഉറപ്പ് തരുന്നുവെന്നും അത്താവാലെ പറഞ്ഞു. ഇതേ കുറിച്ച് ചിന്തിക്കൂ. നിങ്ങള് റെഡിയാണെങ്കില് ഞാന് ബിജെപി അധ്യക്ഷന് ജെപി നദ്ദയോട് സംസാരിക്കാമെന്നും കേന്ദ്രമന്ത്രി പറഞ്ഞു.
റിപബ്ലിക്കന് പാര്ട്ടിയുടെ ദേശീയ അധ്യക്ഷനാണ് രാംദാസ് അത്താവാലെ. ബിജെപിയുടെ നേതൃത്വത്തിലുള്ള എന്ഡിഎയില് ഏറെ കാലമായി ഉറച്ചുനില്ക്കുന്ന നേതാവാണ് ഇദ്ദേഹം. അകാലിദള് ഉള്പ്പെടെയുള്ള കക്ഷികള് സഖ്യം വിട്ടപ്പോഴും ഉറച്ചുനിന്നു മഹാരാഷ്ട്രയില് നിന്നുള്ള അത്താവാലെ. ഇപ്പോള് അദ്ദേഹം ജഗന് റെഡ്ഡിയെ കൂടി എന്ഡിഎയിലെത്തിക്കാനുള്ള ശ്രമത്തിലാണ്.
ലോക്സഭയിലും രാജ്യസഭയിലും കേന്ദ്ര സര്ക്കാരിനെ എപ്പോഴും പിന്തുണയ്ക്കുന്നവരാണ് വൈഎസ്ആര് കോണ്ഗ്രസ് പാര്ട്ടി. അവര് എന്ഡിഎയിലേക്ക് വന്നാല് ആന്ധ്രയ്ക്ക് കൂടുതല് സഹായം നല്കാം. ദേശീയ പാത, ജലസേചന പദ്ധതികള്, ടൂറിസം തുടങ്ങി എല്ലാ മേഖലയിലും സഹായം ലഭിക്കുമെന്നും അത്താവാലെ പറഞ്ഞു. നേരത്തെ ജഗനെ കൂടെ ചേര്ക്കാന് കോണ്ഗ്രസ് ശ്രമിച്ചിരുന്നെങ്കിലും പരാജയപ്പെടുകയാണുണ്ടായത്.
കോണ്ഗ്രസിന് സമീപകാലത്തൊന്നും തിരിച്ചുവരവില്ലെന്ന് അത്താവാലെ പറഞ്ഞു. ഇത് മോദിയുടെ കാലമാണ്. അദ്ദേഹം ഭംഗിയായി ഭരിക്കുന്നുണ്ട്. ഇനിയും ഏറെ കാലം തുടരും. അധികാരത്തിലെത്താന് കോണ്ഗ്രസിന് ചുരുങ്ങിയത് 20 വര്ഷമെങ്കിലും കാത്തിരിക്കേണ്ടി വരും. ആന്ധ്രയ്ക്ക് ഇപ്പോള് തന്നെ കേന്ദ്ര സര്ക്കാര് സഹായം നല്കുന്നുണ്ട്. ജഗന് കൂടെ വന്നാല് കൂടുതല് നല്കും. മൂന്ന് തലസ്ഥാനങ്ങള് എന്ന ആന്ധ്രയിലെ വിഷയത്തില് പ്രതികരിക്കാനില്ലെന്നും അത്താവാലെ പറഞ്ഞു.
എന്തൊരു ഹാപ്പിയാണ്!! ഈ ചിരിക്ക് പിന്നിലുള്ള രഹസ്യം അറിയുമോ? ലെനയുടെ വൈറല് ഫോട്ടോസ്
അടുത്തിടെ നടന്ന തദ്ദേശ തിരഞ്ഞെടുപ്പില് ജഗന്റെ പാര്ട്ടി മികച്ച വിജയമാണ് നേടിയത്. സംസ്ഥാനത്തെ എല്ലാ വിഭാഗം ജനങ്ങള്ക്കിടയിലും ജഗന് ശക്തമായ സ്വാധീനമുണ്ട്. അതാണ് അദ്ദേഹത്തെ അധികാരത്തിലെത്തിച്ചതും. സംസ്ഥാനം നേരിടുന്ന വൈദ്യുതി പ്രതിസന്ധി ഉടന് പരിഹരിക്കണമെന്ന് ജഗന് പ്രധാനമന്ത്രിയോട് ആവശ്യപ്പെട്ടിരുന്നു. ഈ പശ്ചാത്തലത്തില് കൂടിയാണ് കേന്ദ്രമന്ത്രിയുടെ പ്രസ്താവന.
-
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി
Click it and Unblock the Notifications
Sign in with Google