Click it and Unblock the Notifications
Just In
Don't Miss
-
കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
കേന്ദ്ര വനം- പരിസ്ഥിതി മന്ത്രി അനില്‍ ധാവെ അന്തരിച്ചു..!! സ്വകാര്യ നഷ്ടമെന്ന് പ്രധാനമന്ത്രി..!
ദില്ലി: കേന്ദ്ര പരിസ്ഥിതി മന്ത്രി അനില്‍ ധാവെ അന്തരിച്ചു. 60 വയസ്സായിരുന്നു. ഇന്ന് രാവിലെയായിരുന്നു മരണം. അസുഖബാധിതനായിരുന്ന അദ്ദേഹം കുറച്ച് നാളുകളായി ചികിത്സയിലായിരുന്നുവെന്നാണ് അറിയുന്നത്. സ്വദേശമായ മധ്യപ്രദേശിലെ ബഡ്ഗറിലായിരുന്നു അന്ത്യം. ധാവെയുടെ മരണത്തില്‍ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി.
സുഹൃത്തും സഹപ്രവര്‍ത്തകനുമായ ധാവെയുടെ പൊടുന്നനെയുള്ള മരണത്തില്‍ പ്രധാനമന്ത്രി നരേന്ദ്ര മോദി നടുക്കം രേഖപ്പെടുത്തി. ട്വിറ്ററിലായിരുന്നു പ്രധാനമന്ത്രിയുടെ അനുശോചന സന്ദേശം വന്നത്. ആത്മാര്‍ത്ഥതയുള്ള പൊതു പ്രവര്‍ത്തകന്‍ എന്ന നിലയില്‍ ധാവെ എന്നും ഓര്‍മ്മിക്കപ്പെടുമെന്നും മോദി കുറിച്ചു.
പരിസ്ഥിതി മന്ത്രിയെന്ന നിലയില്‍ പാരിസ്ഥിതിക വിഷയങ്ങളോട് അഭൂതമാം വിധം അനുഭാവം പുലര്‍ത്തിയിരുന്ന മന്ത്രിയായിരുന്നു ധാവെ എന്നും മോദി അനുസ്മരിച്ചു. കഴിഞ്ഞ ദിവസം വൈകുന്നേരം വരെ അദ്ദേഹത്തോടൊപ്പം ചിലവഴിച്ച താന്‍ സുപ്രധാന വിഷയങ്ങള്‍ ചര്‍ച്ച ചെയ്തിരുന്നുവെന്നും മോദി കുറിച്ചു.
അനില്‍ ധാവെയുടെ മരണം തന്നെ സംബന്ധിച്ചിടത്തോളം സ്വകാര്യ നഷ്ടമാണെന്നും നരേന്ദ്ര മോദി അനുശോചന സന്ദേശത്തില്‍ പറഞ്ഞു.മോദി സര്‍ക്കാര്‍ 2016ല്‍ കേന്ദ്ര മന്ത്രിസഭ പുനസംഘടിപ്പിച്ചപ്പോഴാണ് അനില്‍ മാധവ് ധാവെ മന്ത്രിസഭയില്‍ ഇടം പിടിച്ചത്. 2016 ജൂലൈ 5 മുതല്‍ കേന്ദ്ര വനം- പരിസ്ഥിതി-കാലാവസ്ഥാ മന്ത്രിയാണ് ധാവെ.
കേന്ദ്ര മന്ത്രിയായിരുന്ന പ്രകാശ് ജാവദേക്കറിനെ മാനവ വിഭവ മന്ത്രാലയത്തിന്റെ ചുമതലയിലേക്ക് മാറ്റിയതിനെ തുടര്‍ന്നാണ് അനില്‍ ധാവെ സ്വതന്ത്ര ചുമതലയുള്ള മന്ത്രിയായി സ്ഥാനമേറ്റെടുത്തത്. പരിസ്ഥിതി പ്രശ്‌നങ്ങളില്‍ സജീവ സാന്നിധ്യമായിരുന്നു ധാവെ.
വിവിധ പരിസ്ഥിതി സമിതികളില്‍ അംഗമായി പ്രവര്‍ത്തിച്ച ദീര്‍ഘകാല അനുഭവം ധാവെയ്ക്കുണ്ട്. നര്‍്മദാ നദീ സംരക്ഷണ പ്രവര്‍ത്തനങ്ങളിലൂടെയാണ് അനില്‍ ധാവെ ശ്രദ്ധേയനാകുന്നത്. പരിസ്ഥിതി സംബന്ധിച്ച് കൃത്യമായ നിലപാടും ശക്തമായ നടപടികളും ധാവെ സ്വീകരിച്ചിരുന്നു.
1956 ജൂലെ 6ന് മധ്യപ്രദേശിലെ ഉജ്ജൈയിനിലാണ് ജനനം. രാഷ്ട്രീയ പ്രവര്‍ത്തനത്തിലെത്തുന്നത് ആര്‍എസ്എസ്സിലൂടെയാണ്. മധ്യപ്രദേശില്‍ നിന്നാണ് ധാവെ രാജ്യസഭയിലെത്തിയത്. ത്രിപുര മുഖ്യമന്ത്രിയും സിപിഎമ്മുകാരനുമായ മണിക് സര്‍ക്കാരിനെയാണ് ധാവെ ആരാധ്യപുരുഷനായി കാണുന്നത്.
