Click it and Unblock the Notifications
Just In
Don't Miss
-
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ -
ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി -
നിങ്ങളുടെ അമ്മ ഇങ്ങനെയാണോ, രാശിപ്രകാരം അമ്മമാരറിയേണ്ട കാര്യങ്ങള് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഗാന്ധിജിയുടെ പേഴ്‌സണല്‍ സെക്രട്ടറി ആം ആദ്മിയില്‍
ദില്ലി: രാഷ്ട്രപിതാവ് മഹാത്മ ഗാന്ധിയുടെ പേഴ്‌സണല്‍ സെക്രട്ടറിയായിരുന്ന ആള്‍ ആം ആദ്മി പാര്‍ട്ടിയില്‍ ചേര്‍ന്നു. സ്വാതന്ത്ര്യ സമര സേനാനിയും ഗാന്ധിജിയുടെ പേഴ്‌സണല്‍ സെക്രട്ടറിയും ആയിരുന്ന വെങ്കിട കല്യാണം എന്ന 91 കാരനാണ് ആം ആദ്മി പാര്‍ട്ടിയില്‍ അംഗത്വമെടുത്തത്.
1948 ജനുവരി 30ന് നാഥുറാം വിനായക് ഗോഡ്‌സെയുടെ തോക്കില്‍ നിന്നുള്ള വെടിയുണ്ടകള്‍ ഗാന്ധിജിയുടെ മാറ് തുളക്കുമ്പോള്‍ തൊട്ട് പിന്നിലുണ്ടായിരുന്നു വെങ്കിട കല്യാണം. മരണ വിവരം നെഹ്‌റുവിനേയും വല്ലഭായ് പട്ടേലിനേയും ആദ്യം അറിയിച്ചതും വെങ്കിട കല്യാണം ആയിരുന്നു.
ഗാന്ധിജിയുടെ അവസാനകാലത്താണ് വെങ്കിട കല്യാണം പേഴ്‌സണല്‍ സെക്രട്ടറിയാകുന്നത്. അന്ന് പ്രായം വെറും 28 വയസ്സ്. ഇപ്പോള്‍ തമിഴ് നാട്ടിലെ ചെന്നൈയില്‍ ആണ് താമസം. അധികം ആരും അറിയാത്ത ഒരു ധീര സ്വാതന്ത്ര്യ സമര സേനാനി.
തികഞ്ഞ ഗാന്ധിയനായിത്തന്നെയാണ് 91-ാം വയസ്സിലും വെങ്കിട കല്യാണം ജീവിക്കുന്നത്. തനിക്ക് സുരക്ഷ ഭടന്‍മാരുടെ സംരക്ഷണം ആവശ്യമില്ലെന്ന കെജ്രിവാളിന്റെ നിലപാട് കല്യാണത്തിന് ഏറെ പിടിച്ചിട്ടുണ്ട്. സുരക്ഷ ജീവനക്കാരുടെ സംരക്ഷണം ആവശ്യമുള്ളവര്‍ക്ക് ജീവിക്കാന്‍ അവകാശമില്ലെന്നാണ് വെങ്കിട കല്യാണത്തിന്റെ പക്ഷം.
ബ്രിട്ടീഷുകാര്‍ക്കെതിരെയുള്ള ക്വിറ്റ് ഇന്ത്യ സമരത്തിന്റെ ഭാഗമായാണ് വെങ്കിട കല്യാണം സ്വാതന്ത്ര സമരത്തിലേക്ക് ആകര്‍ഷിക്കപ്പെടുന്നത്. ഗാന്ധിജിക്ക് വരുന്ന ആയിരക്കണക്കിന് കത്തുകള്‍ കൈകാര്യം ചെയ്തിരുന്നത് വെങ്കിട കല്യാണം ആയിരുന്നു. ജനുവരി 26 നാണ് കല്യാണം ആം ആദ്മി പാര്‍ട്ടിയില്‍ അംഗത്വമെടുത്തത്.
