കേട്ടുകേള്വിയുടെ പേരിലാണോ ഹര്ജി നല്കുന്നത്; മുഖ്യമന്ത്രിക്കെതിരായ ഹര്ജിയില് ചാമക്കാലയോട് കോടതി
കണ്ണൂര്: കണ്ണൂര് സര്വകലാശാല വി സി നിയമനത്തില് മുഖ്യമന്ത്രി പിണറായി വിജയന് എതിരെ ഹര്ജി നല്കിയ കോണ്ഗ്രസ് നേതാവ് ജ്യോതികുമാര് ചാമക്കാലക്കെതിരെ രൂക്ഷവിമര്ശനവുമായി കോടതി. തിരുവനന്തപുരം വിജിലന്സ് കോടതിയില് നിന്നാണ് ജ്യോതികുമാര് ചാമക്കാല വിമര്ശനം ഏറ്റുവാങ്ങിയത്.
കേട്ടുകേള്വിയുടെ പേരിലാണോ ഹര്ജി നല്കുന്നത് എന്നാണ് കോടതി ജ്യോതികുമാര് ചാമക്കാലയോട് ചോദിച്ചത്. കണ്ണൂര് വി സി നിയമനത്തിനായി മുഖ്യമന്ത്രി ഇടപെട്ടു എന്ന ഗവര്ണര് ആരിഫ് മുഹമ്മദ് ഖാന്റെ വെളിപ്പെടുത്തലിനെ തുടര്ന്നായിരുന്നു ജ്യോതികുമാര് ചാമക്കാല ഹര്ജി നല്കിയത്.
മുഖ്യമന്ത്രിയെ പ്രോസിക്യൂട്ട് ചെയ്യണം എന്ന് ആവശ്യപ്പെട്ട് ഗവര്ണര്ക്കും ജ്യോതികുമാര് ചാമക്കാല കത്ത് നല്കിയിരുന്നു. അതേസമയം വി സി നിയമനത്തില് മുഖ്യമന്ത്രി പിണറായി വിജയന് നിയമവിരുദ്ധമായി ഇടപെടല് നടത്തിയിട്ടില്ല എന്ന് പ്രോസിക്യൂഷന് കോടതിയില് വ്യക്തമാക്കി.
ഹര്ജി തുടര്വാദം കേള്ക്കുന്നതിനായി ഒക്ടോബര് 22 ലേക്ക് മാറ്റിയിരിക്കുകയാണ്. കേസില് മുഖ്യമന്ത്രിക്ക് വേണ്ടി ഡയറക്ടര് ജനറല് ഓഫ് പ്രോസിക്യൂഷന് ടി എ ഷാജി ആണ് ഹാജരായത്. നേരത്തെ കണ്ണൂര് വി സി നിയമനത്തില് അപാകതയില്ല എന്ന് ഗവര്ണര് സുപ്രീംകോടതിയില് സത്യവാങ്മൂലം നല്കി വ്യക്തമാക്കിയിരുന്നു.
ഗവര്ണര് സുപ്രീംകോടതിയില് സത്യവാങ്മൂലം നല്കിയ കാര്യം ഡി ജി പി കോടതിയെ അറിയിക്കും. കണ്ണൂര് വൈസ് ചാന്സിലറായി ഗോപിനാഥ് രവീന്ദ്രനെ നിയമിച്ചതില് മുഖ്യമന്ത്രി സ്വജനപക്ഷപാതം കാണിച്ചു എന്നാണ് ജ്യോതികുമാര് ചാമക്കാല ഹര്ജിയില് ആരോപിക്കുന്നത്.
നേരത്തെ വാര്ത്താസമ്മേളനം നടത്തിയാണ് ഗവര്ണര് സര്ക്കാരിനെതിരെ രംഗത്തെത്തിയത്. കണ്ണൂര് വി സി പുനര്നിയമനത്തിനായി തന്നെ മുഖ്യമന്ത്രി നേരിട്ട് സമീപിച്ചു എന്നായിരുന്നു ഗവര്ണറുടെ ആരോപണം. കണ്ണൂര് സര്വകലാശാല ചരിത്ര കോണ്ഗ്രസിനിടെ തനിക്ക് നേരെ ആക്രമണ ശ്രമമുണ്ടയി എന്നും അദ്ദേഹം പറഞ്ഞിരുന്നു.
അതേസമയം ഈ ആരോപണത്തില് കേസെടുത്ത് അന്വേഷണം നടത്തണം എന്ന് ആവശ്യപ്പെട്ട് അഭിഭാഷകനും ബി ജെ പി ഇന്റലക്ച്വല് സെല്ലിന്റെ മുന് കണ്വീനറുമായ ടി ജി മോഹന്ദാസ് രംഗത്തെത്തിയിരുന്നു. എന്നാല് ഹൈക്കോടതി ഈ ആവശ്യം തള്ളുകയായിരുന്നു.
-
'മാധ്യമങ്ങളാൽ നിർമ്മിക്കപ്പെട്ട ബിംബമല്ല പിണറായി വിജയൻ, സച്ചിദാനന്ദന്റേത് അരാഷ്ട്രീയ വാദം'; ബി ഉണ്ണികൃഷ്ണൻ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ് -
ഉള്ളത് 84 രൂപ, ഭൂമിയില്ല, തൊഴിലില്ല- കേരളത്തിലെ ആസ്തി കുറഞ്ഞ സ്ഥാനാര്ഥി ഏറ്റുമാനൂരിലുണ്ട് -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
‘കേരള ഇലക്ഷൻ ലീഗി’ൽ എൻഡിഎയുടെ ട്വന്റി 20 മാച്ച് -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം
Click it and Unblock the Notifications
Sign in with Google