രാമനവമി, ഹനുമാന് ജയന്തി ആഘോഷങ്ങള്ക്കിടെയുള്ള അക്രമം: ജുഡീഷ്യല് അന്വേഷണം തള്ളി സുപ്രീം കോടതി
ദില്ലി: രാമനവമി, ഹനുമാന് ജയന്തി ആഘോഷങ്ങള്ക്കിടെ രാജ്യത്തിന്റെ വിവിധ ഭാഗങ്ങളില് അടുത്തിടെയുണ്ടായ വര്ഗീയ കലാപങ്ങളില് ജുഡീഷ്യല് അന്വേഷണം ആവശ്യപ്പെട്ടുള്ള പൊതുതാല്പര്യ ഹര്ജി സുപ്രീം കോടതി ചൊവ്വാഴ്ച തള്ളി.
അഭിഭാഷകനായ വിശാല് തിവാരി സമര്പ്പിച്ച ഹര്ജി ജസ്റ്റിസുമാരായ എല് നാഗേശ്വര റാവു, ബി ആര് ഗവായ് എന്നിവരടങ്ങിയ ബെഞ്ചാണ് തള്ളിയത്. അനുവദിക്കാന് കഴിയാത്ത ആവശ്യങ്ങളുമായി സമീപിക്കരുതെന്ന് കോടതി അറിയിച്ചു.
രാമനവമി സമയത്ത് രാജസ്ഥാന്, ഡല്ഹി, മധ്യപ്രദേശ്, ഗുജറാത്ത് എന്നിവിടങ്ങളില് നടന്ന സംഘര്ഷങ്ങളെക്കുറിച്ച് അന്വേഷണം നടത്താന് നിര്ദേശം നല്കണമെന്ന് തിവാരി തന്റെ ഹര്ജിയില് ആവശ്യപ്പെടുകയായിരുന്നു.
മധ്യപ്രദേശ്, ഗുജറാത്ത്, ഉത്തര്പ്രദേശ് എന്നിവിടങ്ങളിലെ 'ബുള്ഡോസര് ജസ്റ്റിസിന്റെ' ഏകപക്ഷീയമായ നടപടിയെക്കുറിച്ച് അന്വേഷിക്കാന് സമാനമായ ഒരു കമ്മിറ്റി രൂപീകരിക്കാന് നിര്ദ്ദേശം നല്കണമെന്നും പൊതുതാല്പര്യ ഹര്ജിയില് ആവശ്യപ്പെട്ടു. ഇത്തരം നടപടികള് തികച്ചും വിവേചനപരവും ജനാധിപത്യത്തിന്റെയും നിയമവാഴ്ചയുടെയും സങ്കല്പ്പത്തിന് ചേരാത്തതുമാണെന്ന് ഹര്ജിക്കാരന് പറയുന്നു.
രാമനവമി ദിനാഘോഷത്തോട് അനുബന്ധിച്ച് രാജ്യത്തെ പലയിടങ്ങളിലും സംഘര്ഷം ഉടലെടുത്തിരുന്നു. ഗുജറാത്ത്, മധ്യപ്രദേശ്, ജാര്ഖണ്ഡ്, പശ്ചിമ ബംഗാള് എന്നീ സംസ്ഥാനങ്ങളിലാണ് രാമനവമിയോട് ബന്ധപ്പെട്ട് സംഘര്ഷങ്ങള് ഉണ്ടായത്.
Recommended Video
രാമനവമിയോട് അനുബന്ധിച്ച് ജെഎന്യുവിലും അക്രമ സംഭവങ്ങള് റിപ്പോര്ട്ട് ചെയ്തിരുന്നു. ജെഎന്യുവില് വിദ്യാര്ഥികള് ചേരിതിരിഞ്ഞ് ഏറ്റുമുട്ടുകയായിരുന്നു. കാന്റീനില് മാംസം വിളമ്പുന്നതു സംബന്ധിച്ച തര്ക്കമാണ് കയ്യാങ്കളിയില് കലാശിച്ചത്. ഞായറാഴ്ച പകല് മൂന്നരയോടെ കാവേരി ഹോസ്റ്റലിലാണ് സംഭവം ഉണ്ടായത്. രാമനവമി ദിനത്തില് ഹോസ്റ്റലില് മാംസാഹാരം വിളമ്പുന്നതുമായി ബന്ധപ്പെട്ടായിരുന്നു തര്ക്കം ആരംഭിച്ചത്.
Click it and Unblock the Notifications
Sign in with Google