ഈജിപ്തില് കാറുകള് കൂട്ടിയിടിച്ചുണ്ടായ സ്ഫോടനത്തില് 17 പേര് കൊല്ലപ്പെട്ടു; 32 പേര്ക്ക് പരിക്ക്
കെയ്റോ: ഈജിപ്തിലെ മധ്യ കെയ്റോയിലെ നാഷണല് കാന്സര് ഇന്സ്റ്റിറ്റ്യൂട്ടിന് പുറത്ത് ഉണ്ടായ സ്ഫോടനത്തില് 17 പേര് കൊല്ലപ്പെടുകയും 32 പേര്ക്ക് പരിക്കേല്ക്കുകയും ചെയ്തതായി ഈജിപ്ത് ആരോഗ്യ മന്ത്രാലയം അറിയിച്ചു. നിരവധി കാറുകള്ക്ക് കേടുപാടുകള് വരുത്തിയ തീയണയ്ക്കാന് ശ്രമിക്കുന്ന ഫയര് എഞ്ചിനുകളുടെ വീഡിയോകള് ഇതിനോടകം തന്നെ സോഷ്യല് മീഡിയയില് പ്രചരിച്ചിട്ടുണ്ട്. കെയ്റോയിലെ കോര്ണിഷിലേക്ക് സഞ്ചരിച്ച കാര് എതിരെ നിന്നും വന്ന മറ്റ് മൂന്ന് വാഹനങ്ങളുമായി കൂട്ടിയിടിച്ചാണ് വന് സ്ഫോടനമുണ്ടായതെന്ന് ഈജിപ്ത് ആഭ്യന്തര മന്ത്രാലയം പ്രസ്താവനയില് പറഞ്ഞു.
തഹ്രിര് സ്ക്വയറിനടുത്ത് ഉണ്ടായ അപകടത്തെത്തുടര്ന്ന് കാന്സര് ചികിത്സാ കേന്ദ്രത്തിലുള്ളവരെ അവിടെ നിന്നും ഒഴിപ്പിച്ചിട്ടുണ്ട്. വലിയൊരു സ്ഫോടന ശബ്ദം കേട്ടതായും ഇതേ തുടര്ന്ന് സമീപത്തെ ബാങ്കിലെ ഗ്ലാസ് തകര്ന്നതായും ബാങ്കിലെ സുരക്ഷാ പ്രവര്ത്തകന് അബ്ദുല് റഹ്മാന് മുഹമ്മദ് പറഞ്ഞു. ആശുപത്രിയുടെ എതിര്വശത്താണ് ബാങ്ക്. പരിക്കേറ്റവരെ ചികിത്സയ്ക്കായി ആശുപത്രികളിലേക്ക് കൊണ്ടുപോയതായി ആരോഗ്യ മന്ത്രാലയം അറിയിച്ചു.
സ്ഫോടനം നടന്ന സ്ഥലത്ത് പ്രോസിക്യൂട്ടര്മാര്, ക്രിമിനല് ലബോറട്ടറി, ബോംബ് വിദഗ്ധര് എന്നിവരടങ്ങിയ സംഘം എത്തിയിട്ടുണ്ടെന്ന് അല് ജസീറ റിപ്പോര്ട്ട് ചെയ്യുന്നു. റോയിട്ടേഴ്സ് വൃത്തങ്ങള് പറയുന്നതനുസരിച്ച്, ഈജിപ്തിലെ പബ്ലിക് പ്രോസിക്യൂട്ടര് സ്ഫോടനത്തിന്റെ കാരണം അന്വേഷിക്കുന്നുണ്ടെങ്കിലും സ്ഫോടനം ആക്രമണമാണെന്ന് സൂചിപ്പിക്കുന്ന ഔദ്യോഗിക പ്രസ്താവനകളൊന്നും ഇതുവരെ പുറത്തു വന്നിട്ടില്ല. സീനായ് ഉപദ്വീപില് വര്ഷങ്ങളായി ഈജിപ്ത് ഇസ്ലാമിക ജിഹാദികളുമായി യുദ്ധം ചെയ്യുന്നുണ്ട്. ഈ സംഘട്ടനം ഇടയ്ക്കിടെ പ്രധാന ഭൂപ്രദേശത്തേക്ക് വ്യാപിക്കുകയും ന്യൂനപക്ഷ ക്രിസ്ത്യാനികളെയോ വിനോദ സഞ്ചാരികളെയോ ബാധിക്കുകയും ചെയ്തു.
മുന് നേതാവ് ഹോസ്നി മുബാറക്കിനെ അട്ടിമറിച്ച 2011 ലെ പ്രക്ഷോഭത്തെത്തുടര്ന്നുണ്ടായ രാഷ്ട്രീയ പ്രക്ഷുബ്ധതയും അക്രമവും കാരണം ഈജിപ്തിലെ സുപ്രധാന ടൂറിസം വ്യവസായം വര്ഷങ്ങളോളം പ്രതിസന്ധിയിലായതിന്റെ സൂചനകളാണ് തിങ്കളാഴ്ചത്തെ സ്ഫോടനം കാണിക്കുന്നത്. റോഡപകടങ്ങള് ഈജിപ്തില് സാധാരണമാണ്. കഴിഞ്ഞ വര്ഷം 8,000 അപകടങ്ങളും മൂവായിരത്തിലധികം മരണങ്ങളും 12,000 പരിക്കുകളും ഉണ്ടായതായി രാജ്യത്തെ ഔദ്യോഗിക സ്ഥിതിവിവര കണക്കുകള് വ്യക്തമാക്കുന്നു.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google