എച്ച് -1 ബി വിസ: ട്രംപ് കൊണ്ടുവന്ന നിയമം നടപ്പാക്കുമെന്ന് ജോ ബിഡൻ, ലോട്ടറി സമ്പ്രദായം തുടരും

വാഷിംഗ്ടൺ: യുഎസിൽ ട്രംപ് ഭരണകൂടം ഏർപ്പെടുത്തിയ എച്ച്1ബി നയം നടപ്പിലാക്കുന്നത് തുടരുമെന്ന് പ്രസിഡന്റ് ജോ ബൈഡൻ. അതിനാൽ 2021 ഡിസംബർ 31 വരെ ലോട്ടറി സമ്പ്രദായത്തിലൂടെ വിദേശികൾക്ക് എച്ച് 1 ബി അനുവദിക്കുമെന്നും ബിഡെൻ ഭരണകൂടം പ്രഖ്യാപിച്ചിട്ടുണ്ട്. ഇമിഗ്രേഷൻ ഏജൻസിക്കുള്ള നടപടികൾ പരിശോധിക്കുന്നതിനും ജിസ്ട്രേഷൻ സംവിധാനത്തിലെ പരിഷ്കാരങ്ങൾ നടപ്പിലാക്കുന്നതിനുമാണ് കൂടുതൽ സമയം നൽകുന്നത്. മാനദണ്ഡങ്ങൾ പാലിക്കുന്ന വിദേശികൾക്ക് യുഎസ് വിസ അനുവദിക്കുന്നതിന് പരമ്പരാഗത ലോട്ടറി സമ്പ്രദായം ഒഴിവാക്കുമെന്ന് ജനുവരി 7 നാണ് യുഎസ് സിറ്റിസൺഷിപ്പ് ആൻഡ് ഇമിഗ്രേഷൻ സർവീസസ് പ്രഖ്യാപിച്ചത്.

സാങ്കേതിക വൈദഗ്ധ്യം ആവശ്യമുള്ള പ്രത്യേക തൊഴിലുകളിൽ വിദേശത്ത് നിന്നുള്ള തൊഴിലാളികളെ നിയമിക്കാൻ യുഎസ് കമ്പനികളെ അനുവദിക്കുന്ന ഒരു കുടിയേറ്റേതര വിസയാണ് എച്ച് -1 ബി വിസ. ഇന്ത്യ, ചൈന തുടങ്ങിയ രാജ്യങ്ങളിൽ നിന്ന് ഓരോ വർഷവും പതിനായിരക്കണക്കിന് ജീവനക്കാരെ തങ്ങളുടെ കമ്പനികളിൽ നിയമിക്കുന്നതിനായി കമ്പനികൾ എച്ച് 1 ബി വിസയെയാണ് ആശ്രയിക്കുന്നത്.

അമേരിക്കൻ തൊഴിലാളികളുടെ സാമ്പത്തിക താൽപ്പര്യങ്ങൾ സംരക്ഷിക്കുന്നതിന് വേതനത്തിന് മുൻഗണന നൽകുമെന്നും നേരത്തെ യു‌എസ്‌സി‌ഐ‌എസ് വ്യക്തമാക്കിയിരുന്നു. കൂടാതെ ഏറ്റവും പ്രഗത്ഭരായ വിദേശ തൊഴിലാളികൾക്ക് താൽക്കാലിക തൊഴിലിൽ നിന്ന് പ്രയോജനം ലഭിക്കുന്നുവെന്ന് ഉറപ്പാക്കുകയും ചെയ്യും.

2021 ഡിസംബർ 31 വരെ നിയമത്തിന്റെ പ്രാബല്യത്തിലുള്ള തീയതി വൈകിപ്പിക്കുകയാണെന്ന് യു‌എസ്‌സി‌ഐ‌എസ് വ്യാഴാഴ്ച പുറത്തിറക്കിയ പ്രസ്താവനയിലാണ് വ്യക്തമാക്കിയത്. ട്രംപ് കാലഘട്ടത്തിലെ നിയമം മാർച്ച് 9 മുതൽ പ്രാബല്യത്തിൽ വരികയും ചെയ്യും. "എച്ച് -1 ബി രജിസ്ട്രേഷൻ സംവിധാനത്തിലേക്കും സെലക്ഷൻ പ്രക്രിയയിലും പരിഷ്കാരങ്ങൾ കൊണ്ടുവരുന്നതിനും പരിശോധിക്കുന്നതിനും നടപ്പിലാക്കുന്നതിനും യു‌എസ്‌സി‌ഐ‌എസിന് കൂടുതൽ സമയം നൽകുന്നതിന് വേണ്ടി ഡിഎച്ച്എസ് ഈ നിയമത്തിന്റെ പ്രാബല്യത്തിലുള്ള തീയതി 2021 മാർച്ച് 9 മുതൽ 2021 ഡിസംബർ 31 വരെ നീട്ടുകയാണെന്നും യു‌എസ്‌സി‌ഐ‌എസ് പറഞ്ഞു.

English summary

Biden admin delays implementation of Trump era rule on H-1B