Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കറുത്ത വര്‍ഗക്കാരനെ മക്കളുടെ മുന്നിലിട്ട് വെടിവച്ചു പോലീസ്; വീണ്ടും പ്രക്ഷോഭത്തില്‍ മുങ്ങി അമേരിക്ക
വാഷിങ്ടണ്‍: കറുത്തവര്‍ഗക്കാരനെ പോലീസ് വെടിവച്ചതിനെ തുടര്‍ന്ന് അമേരിക്കയില്‍ വീണ്ടും പ്രക്ഷോഭം. വിസ്‌കോന്‍സിലെ കെനോഷ നഗരത്തിലാണ് വെള്ളക്കാരനായ പോലീസുകാരന്‍ കറുത്തവര്‍ഗക്കാരനെ മക്കളുടെ മുന്നില്‍ വച്ച് വെടിവച്ചത്. വംശീയ വിദ്വേഷമാണ് ആക്രമണത്തിന് കാരണമെന്ന് ചൂണ്ടിക്കാട്ടിയാണ് പ്രതിഷേധം. ഞായറാഴ്ച വൈകീട്ട് നടന്ന സംഭവത്തില്‍ ഇപ്പോഴും പ്രതിഷേധം അലയടിക്കുകയാണ്.
29കാരനായ ജേക്കബ് ബ്ലേക്ക് ആണ് ആക്രമണത്തിന് ഇരയായത്. ഇദ്ദേഹത്തിനെ പിന്‍ഭാഗത്താണ് വെടിയേറ്റത്. തിങ്കളാഴ്ചയും ചൊവ്വാഴ്ചയും പ്രതിഷേധം ശക്തമായതിനെ തുടര്‍ന്ന് നഗരത്തില്‍ കര്‍ഫ്യൂ ഏര്‍പ്പെടുത്തി. കൗണ്ടിയിലെ കോടതി പരിസരത്ത് ഒത്തുകൂടിയ പ്രതിഷേധക്കാരെ പിരിച്ചുവിടാന്‍ പോലീസ് ടിയര്‍ ഗ്യാസ് പ്രയോഗിച്ചു. കെനോഷ കൗണ്ടി ഓഫീസര്‍മാര്‍ക്ക് നേരെ പ്രതിഷേധക്കാര്‍ വെള്ളക്കുപ്പികള്‍ എറിഞ്ഞു. പിന്നീട് അവര്‍ പടക്കം പൊട്ടിച്ചു. ഇതോടെ കാര്യങ്ങള്‍ കൈവിടുമെന്ന് കണ്ട പോലീസ് കണ്ണീര്‍ വാതകം പ്രയോഗിക്കുകയായിരുന്നു.
Recommended Video
ഇതിനിടെ തെരുവിളക്കുകള്‍ സമരക്കാര്‍ തകര്‍ത്തു. ചില കെട്ടിടങ്ങള്‍ക്ക് തീവച്ചു. മണിക്കൂറുകളോളം നഗരത്തില്‍ യുദ്ധസമാനമായ സാഹചര്യമായിരുന്നു. നീതിയില്ലാതെ സമാധാനമില്ല എന്ന മുദ്രാവാക്യമാണ് ജനങ്ങള്‍ വിളിച്ചത്. ജേക്കബ് ബ്ലേക്കിന്റെ പേരെഴുതിയ ബാനറും അവര്‍ ഉയര്‍ത്തിയിരുന്നു. ബ്ലേക്കിന്റെ ആരോഗ്യ നില ഗുരുതരമായി തുടരുകയാണ്. ഇദ്ദേഹത്തെ മില്‍വോക്കിയിലെ ആശുപത്രിയില്‍ പ്രവേശിപ്പിച്ചു. ശസ്ത്രക്രിയ കഴിഞ്ഞിട്ടുണ്ട്.
മൂന്ന് മാസം മുമ്പ് ജോര്‍ജ് ഫ്‌ളോയിഡ് എന്ന കറുത്ത വര്‍ഗക്കാരനെ കഴുത്ത് ഞെരിച്ച് ശ്വാസം മുട്ടിച്ച് കൊന്ന അമേരിക്കയിലെ വെള്ളക്കാരനായ പോലീസുകാരന്റെ നടപടി ലോകം മൊത്തം പ്രതിഷേധത്തിന് ഇടയാക്കിയിരുന്നു. എനിക്ക് ശ്വാസം മുട്ടുന്നു എന്ന ജോര്‍ജ് ഫ്‌ളോയിഡിന്റെ വാക്കുകളാണ് പ്രതിഷേധക്കാരുടെ മുദ്രാവാക്യമായി മാറിയത്. സംഭവം നടന്ന മിന്നിപോളിസില്‍ തുടങ്ങിയ പ്രതിഷേധം അമേരിക്കയിലെ മറ്റു നഗരങ്ങളിലേക്കും പിന്നീട് മറ്റു രാജ്യങ്ങളിലേക്കും വ്യാപിക്കുകയായിരുന്നു.
