Click it and Unblock the Notifications
Just In
Don't Miss
-
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൈ ശോഷിച്ചു വന്നു, അവന് ജീവിതം അവസാനിപ്പിക്കാന് തോന്നി; അര്ജുന്റെ അസുഖത്തെക്കുറിച്ച് അമ്മ -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
പ്രവാചകന്‍ കവര്‍ചിത്രം: മാഗസിന് വിറ്റത് ചൂടപ്പം പോലെ!
പാരിസ്: ഭീകരാക്രമണത്തിന് ശേഷം ഷാര്‍ളി ഹെബ്ദോ വീണ്ടും ഇറങ്ങി. പ്രവാചകന്റെ മുഖചിത്രവുമായിത്തന്നെ. തീവ്രവാദികളുടെ ഭീഷണി അതിജീവിച്ച് പുറത്തിറങ്ങിയ മാഗസിന് വായനക്കാര്‍ ആവേശത്തോടെ സ്വീകരിച്ചു. പുറത്തിറങ്ങി മിനുട്ടുകള്‍ക്കകം ആക്ഷേപ ഹാസ്യ വാരികയായ ഷാര്‍ളി ഹെബ്ദോയുടെ പതിപ്പുകള്‍ ഫ്രാന്‍സില്‍ വിറ്റുതീര്‍ന്നതായാണ് റിപ്പോര്‍ട്ടുകള്‍.
എഡിറ്റര്‍മാര്‍ അടക്കം 12 പേര്‍ കൊല്ലപ്പെട്ട ഭീകരാക്രമണത്തിന് ശേഷം ആദ്യമായാണ് ഷാര്‍ളി ഹെബ്ദോ വായനക്കാരിലെത്തിയത്. ബുധനാഴ്ച രാജ്യത്തെമ്പാടുമുള്ള സ്റ്റാളുകളിലെത്തിയ മാഗസിന് ചൂടപ്പം പോലെയാണ് വില്‍ക്കപ്പെട്ടത്. മാഗസിന് വേണ്ടി ആളുകള്‍ കാത്തിരിക്കുകയാണ് എന്നറിയാമായിരുന്ന അധികൃതര്‍ ഇത്തവണ അമ്പത് ലക്ഷം കോപ്പികളാണ് അച്ചടിച്ചത്.
കട തുറക്കാനെത്തുമ്പോള്‍ 60 - 70 പേര്‍ ക്യൂ നില്‍ക്കുകയായിരുന്നു. എല്ലാവരും എത്തിയത് ഷാര്‍ളി ഹെബ്ദോ വാങ്ങാന്‍ വേണ്ടി. 450 കോപ്പികളാണ് എനിക്ക് കിട്ടിയത്. എല്ലാം 15 മിനുട്ടിനുള്ളില്‍ വിറ്റു തീര്‍ന്നു - പാരിസിലെ ന്യൂസ് പേപ്പര്‍ കിസോക്കില്‍ ജോലി ചെയ്യുന്ന സ്ത്രീ പറഞ്ഞു. ഇത്തരമൊരു സംഭവം ഞാന്‍ ആദ്യമായി കാണുകയാണ് - അത്ഭുതത്തോടെ അവര്‍ പറഞ്ഞു.
ആദ്യമണിക്കൂറില്‍ തന്നെ ഫ്രാന്‍സില്‍ എല്ലായിടത്തും ഷാര്‍ളി ഹെബ്ദോ വിറ്റുതീര്‍ന്നതായാണ് റിപ്പോര്‍ട്ടുകള്‍. എല്ലാം ക്ഷമിച്ചിരിക്കുന്നു എന്ന അടിക്കുറിപ്പോടെ പ്രവാചകന്റെ കാര്‍ട്ടൂണ്‍ കവര്‍ ചിത്രമാക്കിയാണ് ഷാര്‍ളി ഹെബ്ദോയുടെ പുതിയ പതിപ്പ് പുറത്തിറങ്ങിയത്. മാഗസിന്റെ പുതിയ കോപ്പികള്‍ വീണ്ടും പുറത്തിറക്കാനാണ് തീരുമാനമെന്ന് അറിയുന്നു.
