Click it and Unblock the Notifications
Just In
Don't Miss
-
കേട്ടതെല്ലാം സത്യമായിരുന്നു; അവർ ഒരുമിച്ചാണ്; ഈ സ്ഥാനത്ത് സമാന്ത ആയിരുന്നെങ്കിലോ; ചർച്ചയാക്കി ആരാധകർ -
കാപ്പി കുടിച്ചാല് മുടി കൊഴിയുമോ, കഫീന് മുടിയില് പുരട്ടിയാല് മുടി വളരുമോ? -
ലാഭം നേടാൻ നല്ലത് ഈ റെയിൽവേ ഓഹരി, കുതിപ്പ് സർവ്വകാല റെക്കോർഡിലെത്തും, കൂടെക്കൂട്ടുന്നോ -
ട്രക്കിടിച്ചിട്ടും കുലുങ്ങിയില്ല, യാത്രക്കാർ സേഫ്; ക്രാഷ് ടെസ്റ്റിന് മുമ്പേ കരുത്ത് തെളിയിച്ച് എക്സ്റ്റർ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
ഗര്‍ഭപാത്രം മാറ്റിവയ്ക്കലിലൂടെ ആദ്യകുഞ്ഞ് പിറന്നു
സ്റ്റോക്ക്‌ഹോം : ലോകത്ത് ആദ്യമായി ഗര്‍ഭപാത്രം മാറ്റിവയ്ക്കലിലൂടെ കുഞ്ഞ് പിറന്നു. സ്വീഡനിലാണ് സംഭവം. മുപ്പത്തിയാറുകാരിയായ യുവതിയാണ് ഗര്‍ഭപാത്രം മാറ്റിവയ്ക്കലിലൂടെ ആണ്‍കുഞ്ഞിന് ജന്മം നല്‍കിയത്.
1.8 കിലോ ഭാരമുളള കുഞ്ഞിന്റെ ജനനം സെപ്തംബറിലായിരുന്നു. മാസം തികയാതെയായിരുന്നു ജനനം. ഹൃദയമിടിപ്പ് ഉയര്‍ന്നതായി കണ്ടെത്തിയതിനെത്തുടര്‍ന്ന് ശസ്ത്രക്രിയയിലൂടെയാണ് കുഞ്ഞിനെ പുറത്തെടുത്തത്. സ്വീഡനിലെ ഗോദന്‍ബര്‍ഗ് സര്‍വ്വകലാശാലയിലെ വിദഗ്ദ ഡോക്ടര്‍മാരുടെ സംഘമാണ് ശസ്ത്രക്രിയയ്ക്ക് നേതൃത്വം നല്‍കിയത്. അമ്മയും കുഞ്ഞും ഇപ്പോള്‍ പൂര്‍ണ്ണ ആരോഗ്യത്തിലാണെന്ന് അധികൃതര്‍ അറിയിച്ചു.
യുവതിയ്ക്ക് ജന്മനാ ഗര്‍ഭപാത്രമില്ലായിരുന്നു. കുടുംബസുഹൃത്തായ അറുപത്തൊന്നുകാരിയുടെ ഗര്‍ഭപാത്രമാണ് മാറ്റിവച്ചത്. ഒരുവര്‍ഷം മുമ്പായിരുന്നു ഗര്‍ഭപാത്രം മാറ്റിവയ്ക്കല്‍ ശസ്ത്രക്രിയ നടന്നത്. തുടര്‍ന്ന് കൃത്രിമ ബീജധാരണത്തിലൂടെയാണ് യുവതി ഗര്‍ഭം ധരിച്ചത്. ഗര്‍ഭപാത്രം പുറന്തളളാതിരിക്കാന്‍ യുവതിയ്ക്ക് പ്രതിരോധ മരുന്നുകള്‍ നല്‍കിയിരുന്നു. അമ്മയുടേയൊ കുഞ്ഞിന്റെയോ കൂടുതല്‍ വിവരങ്ങളൊന്നും പുറത്തുവിട്ടിട്ടില്ല.
ഗര്‍ഭപാത്രമില്ലാത്ത സ്ത്രീകള്‍ അമ്മയാവാനായി വാടക ഗര്‍ഭപാത്രത്തെയാണ് ഇതുവരെ ആശ്രയിച്ചിരുന്നത്. ഗര്‍ഭപാത്രത്തിന്റെ തകരാറുകള്‍, ഗര്‍ഭാശയ ക്യാന്‍സര്‍ എന്നിവ നിമിത്തം കുഞ്ഞിന് ജന്മം നല്‍കാനാവാത്ത സ്ത്രീകള്‍ക്ക് ഏറെ പ്രതീക്ഷ നല്‍കുന്നതാണ് ഗര്‍ഭപാത്രം മാറ്റിവയ്ക്കല്‍. പത്തുവര്‍ഷത്തോളം മൃഗങ്ങളില്‍ പ്രത്യേക പരീക്ഷണം നടത്തിയ ശേഷമാണ് ഗര്‍ഭപാത്രം മാറ്റിവയ്ക്കല്‍ ശസ്ത്രക്രിയ വിജയത്തിലെത്തിയതെന്ന് ശസ്ത്രക്രിയയ്ക്ക് നേതൃത്വം നല്‍കിയ ഡോക്ടര്‍ പ്രൊഫ. മാറ്റ്‌സ് ബ്രാന്സ്റ്റോം പറഞ്ഞു.
''കുട്ടികളില്ലാത്ത എട്ട് ദമ്പതികള്‍ ഗര്‍ഭപാത്രം മാറ്റിവയ്ക്കണമെന്ന ആവശ്യവുമായി തങ്ങളെ സമീപിച്ചിട്ടുണ്ട്. ഇവരില്‍ കൂടുതല്‍ പരിശോധനകള്‍ നടത്തിവരികയാണ്. ഇത് വിജയം കണ്ടാല്‍ ഗര്‍ഭപാത്രം മാറ്റിവയ്ക്കല്‍ ശസ്ത്രക്രിയ കൂടുതല്‍ പ്രചാരത്തിലാകുമെന്നാണ് വിശ്വാസം. ''- ഡോ. ബ്രാന്സ്റ്റോം പറയുന്നു.
