Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
മയക്കുമരുന്ന് കൈവശം വെച്ചതിന് മുന്‍ സൗന്ദര്യ റാണി അറസ്റ്റില്‍
ഫ്‌ളോറിഡ: മയക്കുമരുന്ന് കൈവശം വെച്ചതിന് മൂന്‍ സൗന്ദര്യ റാണിയും കാമുകനും പോലീസ് പിടിയിലായി. 2007ല്‍ മിസ് നവേദ ആയി തെരഞ്ഞെടുക്കപ്പെ കാതറിന്‍ നിക്കോള്‍ റീസ്(30) ആണ് കാമുകന്‍ കെവിന്‍ സിമ്മിനൊപ്പം അറസ്റ്റിലായത്. മയക്കുമരുന്ന് ലഹരിയില്‍ സിഗ്നല്‍ തെറ്റിച്ച് വണ്ടിയോടിച്ച കാമുകനെ ട്രാഫിക് പോലീസ് പിടികൂടിയപ്പോഴാണ് മയക്കുമരുന്നുകള്‍ കണ്ടെത്തിയത്.
നേരത്തെയും കാമുകനെതിരെ വാറന്റ് നിലവിലുണ്ടായിരുന്നു. രണ്ടു ബാഗുകളിലായി സൂക്ഷിച്ച മരിജുവാന ഇവരുടെ കാറില്‍ നിന്നും പോലീസ് ഓഫീസര്‍ കണ്ടെടുത്തു. താന്‍ മയക്കുമരുന്ന് ഉപയോഗിച്ചതായി റീസ് പോലീസിനോട് സമ്മതിച്ചതായും റിപ്പോര്‍ട്ടുകള്‍ പറയുന്നു. ഇതാദ്യമായല്ല സുന്ദരി മയക്കുമരുന്നു കേസില്‍ പിടിയിലാകുന്നത്.
2009ലും 2012ലും ഇവര്‍ക്കെതിരെ സമാനമായി കേസുകള്‍ ഉണ്ടായിരുന്നു. സിഡ്‌നി എയര്‍ പോര്‍ട്ടില്‍ വെച്ച് കൊക്കെയ്ന്‍ ഉപയോഗിച്ചതായി കണ്ടെത്തിയതിനെ തുടര്‍ന്ന് തടഞ്ഞുവെച്ച് ചോദ്യം ചെയ്‌തെങ്കിലും പിന്നീട് കേസെടുക്കാതെ വിട്ടയക്കുകയായിരുന്നു. 2012ലും ഇവരെ മയക്കുമരുന്ന് ഉപയോഗിച്ചതിനെ തുടര്‍ന്ന് പിടികൂടി, തുടര്‍ന്ന് കൗണ്‍സലിങ് നല്‍കുകയായിരുന്നു.
ചെറുപ്രായത്തില്‍ തന്നെ മോഡലിങ്ങിലേക്ക് തിരിഞ്ഞ റീസ് 2007ലെ സൗന്ദര്യറാണിപട്ടം നേടുന്നതോടെയാണ് ശ്രദ്ധാകേന്ദ്രമാകുന്നത്. എന്നാല്‍, സൗന്ദര്യമത്സരത്തിലെ വിജയത്തിന് തൊട്ടുപിന്നാലെ ഫ് ളോറിഡയിലെ ഒരു നൈറ്റ് ക്ലബ്ബില്‍ വെച്ച് തുണിയുരിഞ്ഞ ഇവരുടെ ചിത്രം പുറത്തുവന്നതോടെ കിരീടം തിരിച്ചെടുക്കുകയായിരുന്നു.
