ആഗോള ആയുധ വിപണിയില് പുതിയ കാല്വെയ്പുമായി ഇന്ത്യ; ഫിലിപ്പീന്സിന് ബ്രഹ്മോസ് നല്കിയേക്കും
ന്യൂദല്ഹി: ആഗോള ആയുധ വിപണിയില് വന് നേട്ടത്തിനൊരുങ്ങി ഇന്ത്യ. ഇന്ത്യയും റഷ്യയും സംയുക്തമായി വികസിപ്പിച്ച ബ്രഹ്മോസ് ക്രൂസ് മിസൈല് വാങ്ങാന് ഫിലിപ്പീന്സ് തീരുമാനിച്ചതായാണ് റിപ്പോര്ട്ട്. അങ്ങനെയാണെങ്കില് ആഗോള ആയുധവിപണിയില് ഇന്ത്യയ്ക്ക് ലഭിക്കുന്ന വലിയ നേട്ടമായിരിക്കും ഇത്.
ഒരു ബാറ്ററിയില് നാല് മുതല് ആറ് വരെ മിസൈലുകള് ഉള്പ്പെടുന്ന 3 ബാറ്ററി ബ്രഹ്മോസ് മിസൈലുകളാണ് ഫിലിപ്പീന്സ് ആവശ്യപ്പെട്ടത് എന്നാണ് റിപ്പോര്ട്ട്. 37.49 കോടി ഡോളറിന്റെ (ഏകദേശം 2774 കോടി രൂപ) ഇടപാടായിരിക്കും ഇത്. ഫിലിപ്പീന്സിന്റെ തീരപ്രതിരോധ റെജിമെന്റായിരിക്കും മിസൈല് വിന്യസിക്കുക.
ഫിലിപ്പീന്സിന് പ്രധാന സുരക്ഷാഭീഷണി ഉയര്ത്തുന്ന രാജ്യം ചൈനയാണ്. വിയറ്റ്നാം, ചിലി എന്നീ രാജ്യങ്ങളും ഇന്ത്യയില് നിന്ന് ബ്രഹ്മോസ് വാങ്ങാന് താല്പര്യം പ്രകടിപ്പിച്ചതായാണ് റിപ്പോര്ട്ട്. തന്ത്രപ്രധാനമായി വന് മൂല്യമുള്ള ആയുധം ഇന്ത്യ ഇതാദ്യമായാണ് കയറ്റുമതി ചെയ്യുന്നത്. ഇതിന് മുന്പ് ഹിന്ദുസ്ഥാന് എയറോനോട്ടിക്സ് വികസിപ്പിച്ച ധ്രുവ് ഹെലികോപ്റ്ററാണ് നേരത്തേ നടത്തിയ ഒരു വന് സൈനിക സാമഗ്രി കയറ്റുമതി.
കഴിഞ്ഞ വര്ഷം 42 രാജ്യങ്ങള്ക്ക് ഇന്ത്യ ആയുധങ്ങള് കയറ്റുമതി ചെയ്തിരുന്നു. ഇതുവഴി 8500 കോടി രൂപയോളം കഴിഞ്ഞ വര്ഷം രാജ്യത്തിന് ലഭിച്ചിരുന്നു. എന്നാല് റൈഫിള്, ടോര്പിഡോ വെടിക്കോപ്പ്, ഷെല്ലുകള് തുടങ്ങിയ ലഘു ആയുധങ്ങളും വന് ആയുധങ്ങളുടെ സ്പെയര് പാര്ട്സും പാരഷൂട്ട് തുടങ്ങിയ സാമഗ്രികളുമായിരുന്നു കയറ്റുമതി ചെയ്തിരുന്നത്.
റഷ്യയുടെ യൂക്കോസ് എന്ന മിസൈലിന്റെ അടിസ്ഥാന രൂപകല്പനയില് പ്രചോദനമുള്ക്കൊണ്ടാണ് ബ്രഹ്മോസ് തയ്യാറാക്കിയത്. ഇന്ത്യയുടെ മിസൈല് ഉപജ്ഞാതാവായ മുന് രാഷ്ട്രപതി എ പി ജെ അബ്ദുല് കലാമാണ് ഇന്തോ-റഷ്യന് സംരംഭത്തിന്റെ ആശയത്തിനു പിന്നില്. എന്നിരുന്നാലും ബ്രഹ്മോസിന്റെ പിതാവായി അറിയപ്പെടുന്നത് നാഗര്കോവില് സ്വദേശിയും ബ്രഹ്മോസ് കോര്പറേഷന്റെ ആദ്യ ചീഫ് എക്സിക്യൂട്ടീവും ഡി ആര് ഡി ഒയുടെ മുന് ചീഫ് കണ്ട്രോളറുമായ ഡോ. എ ശിവതാണുപിള്ളയാണ്.
ബ്രഹ്മോസ് മിസൈലിന്റെ നിലവിലുള്ള പല പതിപ്പുകളും ശിവതാണുപിള്ളയുടെ നേതൃത്വത്തിലാണ് വികസിപ്പിച്ചെടുത്തത്. ബ്രഹ്മപുത്ര, മോസ്കോ എന്നീ നദികളുടെ പേരില് നിന്നാണ് ബ്രഹ്മോസ് എന്ന പേര് സ്വീകരിച്ചിരിക്കുന്നത്. അബ്ദുല് കലാമായിരുന്നു ഈ പേരു നിര്ദേശിച്ചത്. ഫിലിപ്പീന്സുമായി ആയുധ വിപണി തുറക്കുന്നത് വഴി ശാക്തികരംഗത്ത് ഒരു പുതിയ പങ്കാളിയെ കൂടിയാണ് ലഭിക്കുന്നത് എന്നാണ് വിദഗ്ധര് പറയുന്നത്.
ബ്രഹ്മോസിന്റെ വിവിധ പതിപ്പുകള് പുറത്തിറക്കിയിട്ടുണ്ട്. ലോകത്ത് ഇന്ന് നിലവിലുള്ളവയില് ഏറ്റവും വേഗമേറിയ ഏക സൂപ്പര്സോണിക് ക്രൂസ് മിസൈലാണ് ബ്രഹ്മോസ്. കരയില് നിന്ന് കരയിലേക്ക്, കരയില് നിന്ന് കടലിലേക്ക്, കപ്പലില് നിന്ന് കപ്പലിലേക്ക്, കപ്പലില് നിന്ന് കരയിലേക്ക്, വിമാനത്തില് നിന്ന് കരയിലേക്കും കടലിലേക്കും, മുങ്ങിക്കപ്പലില് നിന്ന് കരയിലേക്ക് എന്നിങ്ങനെ ബ്രഹ്മോസിന്റെ പല പതിപ്പുകള് വികസിപ്പിച്ചിട്ടുണ്ട്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google