Click it and Unblock the Notifications
Just In
Don't Miss
-
അമ്മയുടെ അടി കിട്ടിയതോടെ വീട്ടില് നിന്നും ഒളിച്ചോടി! ഇന്നത്തെ നിലയിലേക്ക് വളര്ന്നതിനെ പറ്റി ജാന്മണി -
ഇക്കാര്യങ്ങള് ശീലമാക്കിയാല് പങ്കാളി നിങ്ങളെ കുറിച്ച് ഇടക്കിടക്ക് ചിന്തിക്കും -
IPL 2024: എന്തിന് ഈ ടീം? ആര്സിബി പിന്മാറണം! എതിരാളികള്ക്കു 2 പോയിന്റ് വീതം നല്കൂ, വിമര്ശനം -
ഓടിക്കൊണ്ടിരിക്കുന്ന കാറിൻ്റെ റൂഫിലിരുന്ന് യാത്ര, പൊലീസിൻ്റെ വക കിടിലൻ പണി -
ബാംഗ്ലൂർ യാത്ര: ചൂടിൽ നിന്ന് രക്ഷപെടാം, വയനാടിന് പോകാൻ പറ്റിയ സമയം.. കാരണം ഇതാണ് -
വൺപ്ലസ് 11 ന് വീണ്ടും വില കുറഞ്ഞു; നിങ്ങളിത് വാങ്ങുമോ? ഡിസ്കൗണ്ട് കാശുകൊണ്ട് മറ്റൊരു ഫോൺകൂടി വാങ്ങാം! -
500 രൂപയിലും നിക്ഷേപം ആരംഭിക്കാം, പണം സമ്പാദിക്കാൻ നല്ലത് പോസ്റ്റ് ഓഫീസ് സ്കീം, ഇന്ന് തന്നെ ആരംഭിക്കൂ
പലസ്തീനിലെ 17കാരനെ ഇസ്രായേല്‍ സൈന്യം വെടിവച്ചുകൊന്നു
റാമല്ല: വെസ്റ്റ്ബാങ്ക് പട്ടണമായ റാമല്ലയില്‍ പലസ്തീന്‍ ബാലന്‍ ഇസ്രായേലി സൈനികരുടെ വെടിയേറ്റുമരിച്ചതായി പലസ്തീന്‍ വൃത്തങ്ങള്‍ അറിയിച്ചു. 17കാരനായ മുസബ് ഫിറാസ് അല്‍ തമീമിയാണ് കൊല്ലപ്പെട്ടതെന്ന് പലസ്തീന്‍ ആരോഗ്യമന്ത്രാലയം വ്യക്തമാക്കി. റാമല്ലയ്ക്കു സമീപമുള്ള ദെയര്‍ നിതാം ഗ്രാമത്തിലാണ് സംഭവം. കഴുത്തിന് വെടിയേറ്റയാണ് ബാലന്‍ കൊല്ലപ്പെട്ടതെന്ന് മന്ത്രാലയം വക്താവ് മരിയ അഖ്‌റ പറഞ്ഞു. റാമല്ലയിലെ ആശുപത്രിയിലെത്തിച്ചെങ്കിലും മിനുട്ടുകള്‍ മരണം സംഭവിക്കുകയായിരുന്നു.
ഇസ്രായേല്‍ സൈനികരെ ആക്രമിച്ചതിന് ഡിസംബര്‍ 19ന് അറസ്റ്റിലായ പലസ്തീന്‍ ബാലികാ ആക്ടിവിസ്റ്റ് അഹദ് തമീമിയുടെ കുടംബാംഗമാണ് കൊല്ലപ്പെട്ട മുസബ് തമീമി. ജൂതകുടിയേറ്റകേന്ദ്രങ്ങള്‍ക്കെതിരായി പ്രതിഷേധിക്കുന്ന തമീമി കുടുംബത്തിനെതിരേ നിരവധി ആക്രമണങ്ങള്‍ ഇതിനു മുമ്പും ഇസ്രായേലി സൈന്യം നടത്തിയതായി മുസബിന്റെ പിതാവ് ഫിറാസ് പറഞ്ഞു. രാവിലെ എട്ട്മണിയോടെ ദെയര്‍ നിതാമിലെത്തിയ സൈന്യത്തിന് നേരെ പ്രതിഷേധിക്കാനിറങ്ങിയതായിരുന്നു മിസബെന്ന് അദ്ദേഹം കൂട്ടിച്ചേര്‍ത്തു. യാതൊരു പ്രകോപനവുമില്ലാതെ ദെയര്‍ നിതാമിലും നബി സാലിഹിലും ഇസ്രായേലി സൈന്യം ഇടയ്ക്കിടെയെത്തുന്നത് പ്രദേശവാസികളുടെ പ്രതിഷേധം ക്ഷണിച്ചുവരുത്തിയിരുന്നു.
ഇസ്രായേല്‍ അധിനിവേശത്തെ തുടര്‍ന്ന് തങ്ങള്‍ അനുഭവിക്കുന്ന ദുരിതങ്ങള്‍ കാണാന്‍ ആരുമില്ലെന്നും ഈ ക്രൂരതകള്‍ക്കെതിരേ ലോകം മൗനം പാലിക്കുകയാണെന്നും മസബിന്റെ പിതാവ് കുറ്റപ്പെടുത്തി. ഇസ്രായേല്‍ തലസ്ഥാനമായി ജെറൂസലേമിനെ അംഗീകരിച്ച യു.എസ് പ്രസിഡന്റ് ഡൊണാള്‍ഡ് ട്രംപിന്റെ നടപടിയെ തുടര്‍ന്ന് ഫലസ്തീനിന്റെ വിവിധ ഭാഗങ്ങളിലുണ്ടായ പ്രതിഷേധങ്ങളില്‍ 16 ഫലസ്തീനികളാണ് ഇതിനകം കൊല്ലപ്പെട്ടത്. മുസബിന്റെ മരണത്തിന് ഇതുമായി ബന്ധമില്ലെങ്കിലും ഇസ്രായേല്‍ സൈനികരുടെ വെടിയേറ്റ് 2018ല്‍ കൊല്ലപ്പെടുന്ന ആദ്യ ബാലനായി 17കാരന്‍ മാറി. മുസബിന്റെ കൊലപാതകത്തെ തുടര്‍ന്ന് പ്രദേശത്ത് സംഘര്‍ഷം നിലനില്‍ക്കുകയാണെന്ന് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്തു.
