Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
പിസ്റ്റോറിയസ് കാമുകിയെ മനപ്പൂര്‍വ്വം കൊന്നതല്ലെന്ന് കോടതി
പ്രിട്ടോറിയ: കാമുകിയെ വെടിവച്ച് കൊന്ന കേസില്‍ ബ്ലേഡ് റണ്ണര്‍ ഓസ്‌കാര്‍ പിസ്റ്റോറിയസിന് കോടതിയില്‍ നിന്ന് ആശ്വാസ വിധി. താന്‍ മനപ്പൂര്‍വ്വം കാമുകിയെ വധിച്ചതല്ലെന്ന് പിസ്റ്റോറിയസിന്റെ വാദം കോടതി അംഗീകരിക്കുകയായിരുന്നു.
കാമുകി റീവ സ്റ്റീന്‍കാമ്പിനെ ആസൂത്രിതമായി പിസ്റ്റോറിയസ് വധിച്ചു എന്നായിരുന്നു പ്രോസിക്യൂഷന് കേസ്. എന്നാല്‍ കോടതി ഇത് തള്ളിയതോടെ വലിയ ശിക്ഷ പിസ്റ്റോറിയസിന് ലഭിക്കാനിടയില്ലെന്നാണ് വിവരം.
2013 ലെ കഴിഞ്ഞ വാലന്റയന്‍സ് ഡേയിലായിരുന്നു പ്രിസ്റ്റോറിയസ് കാമുകിയെ വധിച്ചത്. വീട്ടിനുള്ളില്‍ അതിക്രമിച്ച് കടന്ന മോഷ്ടാവാണെന്ന് കരുതി താന്‍ വെടിവക്കുകയായിരുന്നുവെന്നാണ് പ്രിസ്റ്റോറിയസ് അന്ന് മുതലേ പറഞ്ഞിരുന്നത്. എന്നാല്‍ അന്വേഷണ സംഘം ഇത് വിശ്വാസത്തിലെടുത്തിരുന്നില്ല.
ദക്ഷിണാഫ്രിക്കക്കാരനായ പിസ്റ്റോറിയസ് ലോക കായിക ചരിത്രത്തിലെ മഹത്തായ ഒരു ഏടാണ്. രണ്ട് കാലുകളും ഇല്ലാത്ത പിസ്റ്റോറിയസ് കൃത്രിമ കാലുകളുമായി ഒളിമ്പിക്‌സില്‍ മത്സരിച്ചു. അങ്ങനെയാണ് ബ്ലേഡ് റണ്ണര്‍ എന്ന പേര് ലഭിച്ചത്. പാരാലിമ്പിക്‌സില്‍ ആറ് തവണ മെഡല്‍ നേടുകയും ചെയ്തിട്ടുണ്ട് ഇദ്ദേഹം.
പതിനൊന്ന് മാസം പ്രായമുള്ളപ്പോഴായിരുന്നു പിസ്റ്റോറിയസിന്റെ കാലുകള്‍ മുറിച്ച് മാറ്റിയത്. ഫൈബര്‍ ഹെമിമീലിയ എന്ന രോഗമായിരുന്നു പ്രശ്‌നം. വര്‍ഷങ്ങള്‍ നീണ്ട നിയമ യുദ്ധത്തിനൊടുവിലാണ് കൃത്രിമക്കാലുകളുമായി ഒളിമ്പിക്‌സില്‍ പങ്കെടുക്കാന്‍ പിസ്റ്റോറിയസിന് അവസരം ലഭിച്ചത്.
പ്രശസ്തിയുടെ ഔന്നത്യത്തില്‍ നില്‍ക്കുമ്പോഴാണ് കാമുകിയുടെ കൊലപാതകവുമായി ബന്ധപ്പെട്ട് പിസ്റ്റോറിയസ് അറസ്റ്റിലാകുന്നത്. എന്നാല്‍ ആസൂത്രിത കൊലപാതകമാണെന്ന ആരോപണം തെളിയിക്കാന്‍ പ്രോസിക്യൂഷന് കഴിഞ്ഞില്ലെന്ന് കോടതി കണ്ടെത്തുകയായിരുന്നു.
