Click it and Unblock the Notifications
Just In
-
-
-
Don't Miss
-
കെട്ടുറപ്പിച്ചയാളെ ജാസ്മിന് ഓര്ക്കുന്നു കൂടിയില്ല, പിന്നെ എങ്ങനെയാണ് ഗബ്രി ചതിയനാകുന്നത്? -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ചൈന വീണ്ടും ലോക്ക്ഡൗണിലേക്ക്? ഷാങ്ഹായില്‍ കൊവിഡ് കൂട്ടപരിശോധന
ബീജിംഗ്: ചൈനയില്‍ വീണ്ടും കൊവിഡ് ലോക്ക് ഡൗണ്‍ ശക്തമാക്കുന്നതായി റിപ്പോര്‍ട്ടുകള്‍. പാര്‍ട്ടി കോണ്‍ഗ്രസിന് ശേഷം സീറോ കൊവിഡ് നയത്തില്‍ നിന്ന് ചൈന പിന്മാറില്ല എന്ന് വ്യക്തമാക്കുന്നതാണ് പുതിയ നടപടികള്‍. വെള്ളിയാഴ്ച യാങ്പു ജില്ലയിലെ 1.3 ദശലക്ഷം നിവാസികളെ കൂട്ട കൊവിഡ് പരിശോധനയ്ക്ക് വിധേയമാക്കാന്‍ ഉത്തരവിട്ടതായി അസോസിയേറ്റഡ് പ്രസ് റിപ്പോര്‍ട്ട് ചെയ്യുന്നു.
പരിശോധനാ ഫലം അറിയുന്നത് വരെ ജനങ്ങള്‍ വീടുകളില്‍ തന്നെയായിരുന്നു. ആരേയും അവരുടെ വസതികള്‍ക്ക് പുറത്ത് പോകാന്‍ അനുവദിക്കില്ല, അവര്‍ക്ക് ഭക്ഷണം വിതരണം ചെയ്യുന്നത് അധികാരികള്‍ ആണ് എന്നുമാണ് റിപ്പോര്‍ട്ടില്‍ പറയുന്നത്. ചൈനയിലെ സീറോ കൊവിഡ് നയത്തിന്റെ ഭാഗമാണ് കൂട്ട പരിശോധനയും യാത്രാ നിരോധനവും.
ഇക്കഴിഞ്ഞ മേയ് മാസത്തില്‍ 25 ലക്ഷം ജനസഖ്യയുള്ള നഗരത്തെ രണ്ട് മാസത്തേക്ക് ലോക്ക്ഡൗണിലാക്കിയിരുന്നു. അതിന് സമാനമായ നടപടികളിലേക്കാണ് രാജ്യം കടക്കുന്നത് എന്നാണ് റിപ്പോര്‍ട്ട്. ലോക്ക്ഡൗണ്‍ ആരംഭിച്ചപ്പോള്‍, ദിവസങ്ങള്‍ മാത്രമെ നീണ്ടുനില്‍ക്കൂ എന്ന് അധികൃതര്‍ പറഞ്ഞിരുന്നെങ്കിലും സമയപരിധി പിന്നീട് നീട്ടുകയായിരുന്നു.
അതേസമയം ലോക്ക്ഡൗണില്‍ സാമ്പത്തികമായി ചൈന വലിയ തിരിച്ചടി നേരിട്ടിരുന്നു. മൂന്ന് മാസത്തിനുള്ളില്‍ രാജ്യത്തിന്റെ മൊത്ത ആഭ്യന്തര ഉല്‍പ്പാദനം 2.6% ഇടിഞ്ഞതായി ബി ബി സിയുടെ റിപ്പോര്‍ട്ട് പറയുന്നു. ചൈനയില്‍ വെള്ളിയാഴ്ച 1337 പുതിയ കൊവിഡ് കേസുകള്‍ ആണ് റിപ്പോര്‍ട്ട് ചെയ്തത്.
അവയില്‍ ഭൂരിഭാഗവും ലക്ഷണമില്ലാത്തതാണ്. അതേസമയം കഴിഞ്ഞ ദിവസവും കൊവിഡ് മരണങ്ങള്‍ പൂജ്യവുമാണ്. ഷാങ്ഹായില്‍ രോഗം സ്ഥിരീകരിച്ച 11 പേര്‍ക്ക് ലക്ഷണങ്ങള്‍ ഉണ്ട്. ടിബറ്റില്‍ ലക്ഷണമില്ലാത്ത അഞ്ച് കേസുകള്‍ സ്ഥിരീകരിച്ചു. കൊവിഡ് സ്ഥിരീകരിച്ച ശേഷം രാജ്യത്ത് ആകെ 258660 പേര്‍ക്ക് രോഗം ബാധിക്കുകയും 5226 പേര്‍ മരിക്കുകയും ചെയ്തിട്ടുണ്ട്.
അതേസമയം ചൈനയില്‍ സ്ഥിരമായ ക്വാറന്റൈന്‍ കേന്ദ്രം നിര്‍മ്മിക്കാന്‍ പദ്ധതിയിടുന്നതായി റിപ്പോര്‍ട്ടുണ്ട്. പദ്ധതിക്ക് 1.6 ബില്യണ്‍ യുവാന്‍ (221 മില്യണ്‍ ഡോളര്‍) ചിലവ് വരുമെന്നാണ് കണക്ക്. ക്വാറന്റൈന്‍ കേന്ദ്രത്തില്‍ 3009 ഐസൊലേഷന്‍ റൂമുകളും 3250 കിടക്കകളും ഉണ്ടായിരിക്കും. ആറ് മാസത്തിനകം നിര്‍മാണം പൂര്‍ത്തിയാക്കാനാണ് സാധ്യത.
