#Kannur

ചെറുവാഞ്ചേരിയില്‍ യുവതിക്കെതിരെ വ്യാജപ്രചാരണം നടത്തിയ പെണ്‍വാണിഭ സംഘം അറസ്റ്റില്‍
#Kannur

വീട്ടിലെ വോട്ട്: പേരാവൂരില്‍ സിപിഎം അംഗം നിര്‍ബന്ധിച്ചു വയോധികയെ വോട്ടു ചെയ്യിച്ചെന്ന് യുഡിഎഫ്
#Kannur

വീട്ടിലെ വോട്ട്: നടപടിക്രമങ്ങളില്‍ വീഴ്ച്ച ഉണ്ടായിട്ടില്ലെന്ന് കണ്ണൂര്‍ ജില്ലാ കലക്ടര്‍
#Kannur

ആറളം ഫാമിലെ കാട്ടാന ശല്യം നേരിടാൻ പട്രോളിങ് ശക്തമാക്കിയതായി വനം വകുപ്പ്
#Kannur

കല്യാശേരിയിലെ കള്ളവോട്ട്; തനിക്കൊന്നും അറിയില്ലെന്ന് ഇപി ജയരാജന്‍
#Kannur

രാഹുല്‍ വിമര്‍ശനത്തിലേക്ക് പിണറായിയെ നയിച്ചത് സംഘപരിവാര്‍ ബോധമെന്ന് കെ സുധാകരന്‍

പൗരത്വ ഭേദഗതി നിയമത്തിനെതിരെ കണ്ണൂരിൽ സിറ്റിസൺ സ്ക്വയർ നടത്തും

By Desk
Updated: Friday, January 10, 2020, 0:42 [IST]

കണ്ണൂർ: രാജ്യത്തിൻറ സ്വാതന്ത്ര്യവും പൗരാവകാശവും ഭരണഘടനാ മൂല്യങ്ങളും സംരക്ഷിക്കാനുള്ള സമരങ്ങളുടെ തുടർച്ചയായി ജനുവരി 11ന് കണ്ണൂർ സ്റ്റേഡിയം കോർണറിൽ 'സിറ്റിസൺസ് സ്ക്വയർ’ നടത്തും. രാവിലെ പത്ത് മുതൽ വൈകീട്ട് ആറ് വരെ ഒരു പകൽ മുഴുവൻ നടക്കുന്ന പരിപാടിയിൽ സാംസ്കാരിക കേരളത്തിലെ പ്രമുഖവ്യക്തിത്വങ്ങൾ അണിനിരക്കും.

പൗരത്വഭേദഗതി നിയമത്തിനെതിരായി രാജ്യത്തുടനീളം നടക്കുന്ന സമരത്തിൽ ഐക്യദാർഡ്യം പ്രകടിപ്പിക്കുന്നതിനും ഭരണകൂട ഭീകരതക്കെതിരായ പ്രതിഷേധം രേഖപ്പെടുത്താനുമുള്ള സ്ക്വയറിൽ വിവിധ സമയങ്ങളിലായി ആയിരങ്ങൾ പങ്കെടുക്കും.

പൗരത്വ നിർണയവുമായി ബന്ധപ്പെട്ട് ജനങ്ങളെ മതപരമായി വേർതിരിക്കാനുള്ള കേന്ദ്ര സർക്കാർ നടപടിക്കെതിരായ സമരങ്ങളെ ചോരയിൽ മുക്കിക്കൊല്ലുന്ന നിലപാടാണ് സർക്കാർ സ്വീകരിച്ചിരിക്കുന്നത്. കുട്ടികളെയും സ്ത്രീകളെയും ഉൾപ്പെടെ പൊലീസ് ക്രൂരമായി നേരിടുന്നു. ഉത്തർപ്രദേശിൽ ഗുജറാത്തിനെക്കാൾ ഭീതിതമായ വംശഹത്യയാണ് നടക്കുന്നത്. പ്രതികരിക്കുന്നവരെയും മറ്റും പൊലീസ് അറസ്റ്റ് ചെയ്ത് നീതിനിഷേധിച്ചിരിക്കുന്നു. ഈ സാഹചര്യത്തിൽ മുഴുവൻ ജനാധിപത്യ വിശ്വാസികളും ഒരുമിച്ചു നിൽക്കേണ്ടതിന്റെ ആവശ്യകത ഉയർത്തിപ്പിടിക്കുന്നതിനാണ് വിവിധ മേഖലകളിലുള്ളവരെ ഒരുമിച്ചിരുത്തുന്നത്.

ബഹുജനസംഗമത്തിന് പുറമെ നിലപാടിന്റെ കവിതാ സമർപ്പണവുമായി യുവകവികൾ അണിനിരക്കും. ഇന്ത്യയുടെ വൈവിധ്യങ്ങളും ജനാധിപത്യമൂല്യങ്ങളും ഭരണഘടനാ മഹത്വവും പ്രകാശിപ്പിക്കുന്ന സമര കാൻവാസ്, ആഹ്വാന ഗീതങ്ങൾ, ഐക്യപ്രതിജ്ഞ എന്നിവയും ഉണ്ടാവും.

കെ.മുരളീധരൻ എം.പി. ഉദ്ഘാടനം ചെയ്യും. ഇ.ടി.മുഹമ്മദ്ബഷീർ എം.പി. മുഖ്യാതിഥിയായിരിക്കും. അഡ്വ.സണ്ണിജോസഫ് എം.എൽ.എ., കണ്ണൂർ കോർപറേഷൻ മേയർ സുമ ബാലകൃഷ്ണൻ, ഒ.അബ്ദു റഹ്മാൻ, പി.മുജീബ് റഹ്മാൻ, വാണിദാസ് എളയാവൂർ, കെ.പി.രാമനുണ്ണി, ഡോ. ഫസൽ ഗഫൂർ, പി.കെ.പാറക്കടവ്, ശിഹാബുദ്ദീൻ പൊയ്തുംകടവ്, അഡ്വ. സന്തോഷ് കുമാർ, പി.പി.ദിവാകരൻ, ഡോ. പി.ജെ. വിൻസന്റ്, എം. ജോസഫ് ജോൺ, ഡോ.എസ്.പി ഉദയകുമാർ, ഡോ. നാരായണൻ ശങ്കരൻ, കെ.ടി ബാബുരാജ്, ഹാഫിസ് അനസ് മൗലവി, വി.കെ.അബ്ദുൽഖാദർ മൗലവി, അബ്ദുറഹിമാൻ കല്ലായി, അബ്ദുൽ ജലീൽ ഒതായി, എൻ.പി.ചെക്കുട്ടി, എ.സജീവൻ, ടി.പി.ചെറൂപ്പ, ഇബ്രാഹിം വെങ്ങര, അഡ്വ.പി.എ.പൗരൻ, എ.വാസു,എം.ഗീതാനന്ദൻ, കെ.സി.ഉമേഷ്ബാബു, ഗോപാൽമേനോൻ, ഡോ.ഡി.സുരേന്ദ്രനാഥ്, വി.ആർ.അനൂപ്, മൃദുല ഭവാനി, കെ.സുനിൽകുമാർ, സുനിൽ കൊയിലേരിയൻ, സതീശൻ മോറായി തുടങ്ങിയവർ വിവിധ സെഷനുകളിലായി പങ്കെടുക്കും.

വാർത്താസമ്മേളനത്തിൽ ജമാഅത്തെ ഇസ്ലാമി ജില്ല പ്രസിഡൻറ് പി.കെ. മുഹമ്മദ് സാജിദ് നദ്വി, ജില്ല സെക്രട്ടറി

സി.കെ. അബ്ദുൽ ജബ്ബാർ, സെക്രട്ടറിയേറ്റ് മെമ്പർ സി.പി. ഹാരിസ്, പ്രൊഗ്രാം കൺവീനർ പി.ബി.എം. ഫർമീസ്, അസി. സെക്രട്ടറി കെ.പി. ആദംകുട്ടി, മീഡിയ പബ്ലിസിറ്റി കൺവീനർ ടി.പി. ഇല്ല്യാസ് എന്നിവർ സംബന്ധിച്ചു..