കണ്ണൂരിൽ ആരോഗ്യ പ്രവർത്തകർക്കിടെയിൽ കൊവിഡ് പടരുന്നു

തളിപ്പറമ്പ്: കൊവിഡ് മഹാമാരിക്കെതിരെ പടപൊരുതി കൊണ്ടിരിക്കുന്ന മുന്നണി പോരാളികളായ ആരോഗ്യ പ്രവർത്തകർക്ക് വൈറസ് രോഗം വ്യാപകമായി പടരുന്നത് ആശങ്കയുണ്ടാക്കുന്നു. കണ്ണുരിലാണ് ഗുരുതരമായ സാഹചര്യം നിലനിൽക്കുന്നത്. ആരോഗ്യ പ്രവർത്തകരിൽ കൊവിഡ് പോസറ്റീവ് രോഗികളുടെ എണ്ണം ക്രമാതീതമായി വർധിക്കുന്നത് പ്രതിരോധ പ്രവർത്തനങ്ങളെ പ്രതികൂലമായി ബാധിക്കുമോയെന്ന ആശങ്കയും ശക്തമാണ്. ഒ​ന്നും ര​ണ്ടും കോ​വി​ഡ് ത​രം​ഗ​ത്തി​ൽ ജി​ല്ല​യി​ൽ കോ​വി​ഡ് ബാ​ധി​ച്ച​ത് 424 ഡോ​ക്‌​ട​ർ​മാ​ർ​ക്കാ​ണെന്നാണ് ആരോഗ്യ വകുപ്പിൻ്റെ കണക്കുകൾ പറയുന്നത്.

അ​ലോ​പ്പ​തി വി​ഭാ​ഗ​ത്തി​ൽ മാ​ത്രം 305 ഡോ​ക്‌​ട​ർ​മാ​ർ​ക്കാ​ണ് കോ​വി​ഡ് ബാ​ധി​ച്ച​ത്. ഇ​തി​ൽ ഒ​രു ഡോ​ക്‌​ട​ർ കോ​വി​ഡ് ബാ​ധി​ച്ച് മ​രണമടയുകയും ചെയ്തു. ക​ണ്ണൂ​ർ ചെ​റു​കു​ന്നി​ലെ ഡോ. ​വി​ജ​യ​നാ​ണ് കോ​വി​ഡ് ബാ​ധി​ച്ച് മ​ര​ണ​ത്തി​നു കീ​ഴ​ട​ങ്ങി​യ​ത്. കൂ​ടാ​തെ 65 ദ​ന്ത​ൽ ഡോ​ക്‌​ട​ർ​മാ​രെ​യും കോ​വി​ഡ് പി​ടി​കൂ​ടി.

31 ആ​യു​ർ​വേ​ദ ഡോ​ക്‌​ട​ർ​മാ​ർ​ക്കും കോ​വി​ഡ് ബാ​ധി​ച്ചു. ഇ​തു​കൂ​ടാ​തെ 21 ഹോ​മി​യോ ഡോ​ക്‌​ട​ർ​മാ​ർ​ക്കും യു​നാ​നി ചി​കി​ത്സ ന​ട​ത്തു​ന്ന ഒ​രാ​ൾ​ക്കും പ്ര​കൃ‌​തി​ചി​കി​ത്സ ന​ട​ത്തു​ന്ന ഒ​രു വൈ​ദ്യ​നും കോ​വി​ഡ് ബാ​ധി​ച്ച​താ​യി ആ​രോ​ഗ്യ​വ​കു​പ്പി​ന്‍റെ ക​ണ​ക്കി​ൽ പ​റ​യു​ന്നു.

കോ​വി​ഡ് ബാ​ധി​ച്ച​വ​ർ ഏ​റെ​പ്പേ​രും സു​ഖം പ്രാ​പി​ച്ചു. ഇ​തി​ൽ പ​ല ഡോ​ക്‌​ട​ർ​മാ​രും വീ​ടു​ക​ളി​ൽ ത​ന്നെ​യാ​ണ് ചി​കി​ത്സ ന​ട​ത്തി​യ​ത്. കോ​വി​ഡ് ബാ​ധി​ച്ച മ​റ്റ് ആ​രോ​ഗ്യ​പ്ര​വ​ർ​ത്ത​ക​രു​ടെ എ​ണ്ണം ഇ​തി​ലും എ​ത്ര​യോ കൂ​ടു​ത​ലാ​ണ്. കോ​വി​ഡ് ത​രം​ഗ​ങ്ങ​ളി​ൽ എ​ല്ലാ​വി​ഭാ​ഗം ആ​ളു​ക​ളി​ലും രോ​ഗം പ​ട​ർ​ന്നു​പി​ടി​ച്ചെ​ങ്കി​ലും കൂ​ടു​ത​ൽ ഡോ​ക്‌​ട​ർ​മാ​ർ​ക്ക് രോ​ഗം പി​ടി​കൂ​ടു​ന്ന​ത് ആ​രോ​ഗ്യ​രം​ഗ​ത്തെ പ്ര​വ​ർ​ത്ത​ന​ങ്ങ​ളെ സാ​ര​മാ​യി ബാ​ധിച്ചേക്കുമെന്നാണ് ഇന്ത്യൻ മെഡിക്കൽ അസോസിയേഷൻ്റെ വിലയിരുത്തൽ.

കോ​വി​ഡ് കൂ​ടു​ത​ൽ വ്യാ​പി​ക്കു​ന്ന സാ​ഹ​ച​ര്യ​മു​ണ്ടാ​യാ​ൽ മ​ര​ണ​നി​ര​ക്ക് കു​റ​യ്ക്കാ​ൻ ഡോ​ക്‌​ട​ർ​മാ​രു​ടെ സേ​വ​നം അ​ത്യാ​വ​ശ്യ​മാ​ണെന്നാണ് ഐ.എം.എ ഭാരവാഹികൾ പറയുന്നത്. ഇ​തി​നാ​യി ആ​രോ​ഗ്യ​പ്ര​വ​ർ​ത്ത​ക​രു​ടെ ര​ണ്ടാം​നി​ര ത​യാ​റാ​ക​ണ​മെ​ന്നാ​ണ് ഐ​എം​എ ആ​വ​ശ്യ​പ്പെ​ടു​ന്ന​ത്. രോ​ഗി​ക​ളെ പ​രി​ശോ​ധി​ക്കു​ന്ന ഡോ​ക്‌​ട​ർ​മാ​രി​ൽ രോ​ഗ​ബാ​ധ​യു​ണ്ടാ​കു​ക​യും അ​വ​ർ ക്വാ​റ​ന്‍റൈ​നി​ൽ പോ​കു​ക​യും ചെ​യ്താ​ൽ ഡോ​ക്‌​ട​ർ​മാ​രു​ടെ ക്ഷാ​മം ഉ​ണ്ടാ​കും.

ഇ​ത് ഒ​ഴി​വാ​ക്കാ​ൻ ഇ​പ്പോ​ൾ സേ​വ​ന​രം​ഗ​ത്തു​ള്ള​വ​രി​ൽ ചെ​റി​യൊ​രു ശ​ത​മാ​ന​ത്തി​ന് അ​വ​ധി ന​ൽ​ക​ണം. ഇ​വ​രെ താ​ത്കാ​ലി​ക​മാ​യി വീ​ടു​ക​ളി​ൽ ഇ​രു​ത്ത​ണം. ആ​രോ​ഗ്യ​പ്ര​വ​ർ​ത്ത​ക​ർ​ക്ക് കോ​വി​ഡ് ബാ​ധ​യു​ണ്ടാ​കു​മ്പോൾ അ​ത്യാ​വ​ശ്യ​മാ​യി ഡോ​ക്‌​ട​ർ​മാ​രു​ടെ​യും ആ​രോ​ഗ്യ​പ്ര​വ​ർ​ത്ത​ക​രു​ടെ​യും ക്ഷാ​മം ഉ​ണ്ടാ​കു​ന്പോ​ൾ ഇ​വ​രെ തി​രി​കെ വി​ളി​ക്കാ​വു​ന്ന​താ​ണ്.

ഇ​ത് കോ​വി​ഡ് വ്യാ​പ​ന​ത്തി​ൽ ഉ​ണ്ടാ​കു​ന്ന പ്ര​തി​സ​ന്ധി ഒ​ഴി​വാ​ക്കാ​നാ​കു​മെ​ന്നാ​ണ് ഇ​ന്ത്യ​ൻ മെ​ഡി​ക്ക​ൽ അ​സോ​സി​യേ​ഷ​ൻ നി​ർ​ദേ​ശി​ക്കു​ന്ന​ത്. ഇ​പ്പോ​ൾ കോ​വി​ഡ് വ്യാ​പ​ന​ത്തി​ന്‍റെ തോ​ത് കു​റ​ഞ്ഞു​വ​രു​ന്ന സാ​ഹ​ച​ര്യ​ത്തി​ൽ ആ​ശു​പ​ത്രി​ക​ളി​ൽ ഇ​ത്ര​യും ആ​രോ​ഗ്യ​പ്ര​വ​ർ​ത്ത​ക​രെ നി​ർ​ത്തേ​ണ്ട​തി​ല്ല.

രണ്ടാം നി​ര​യി​ൽ ശ​ക്ത​മാ​യി ആ​രോ​ഗ്യ​പ്ര​വ​ർ​ത്ത​ക​രെ ത​യാ​റാ​ക്കു​ക​യാ​ണു വേ​ണ്ട​തെ​ന്നാ​ണ് ആ​രോ​ഗ്യ​മേ​ഖ​ല​യി​ലു​ള്ള​വ​രു​ടെ വി​ദ​ഗ്ധാ​ഭി​പ്രാ​യം.എന്നാൽ ജില്ലയിലെ കൊ വിഡ് മുന്നണിപ്പോരാളികളായ ആരോഗ്യ പ്രവർത്തകർക്ക് മുഴുവൻ രണ്ടുവട്ടം കൊ വിഡ് വാക്സിൻ നൽകിയത് ആശ്വാസകരമാണെന്ന വിലയിരുത്തലുമുണ്ട്. ഡോക്ടർമാരെയും നഴ്സുമാരെയും കൂടാതെ ആശുപത്രികളിലെ വിവിധ മേഖലകളിൽ ജോലി ചെയ്യുന്ന ജീവനക്കാർക്കും ഫീൽഡിൽ പ്രവർത്തിക്കുന്ന ഹെൽത്ത് ഇൻസ്പെക്ടർമാർക്കും രോഗബാധ വർധിച്ചിട്ടുണ്ട്. കഴിഞ്ഞ ഒരു വർഷമായി വിശ്രമമില്ലാതെ ജോലി ചെയ്യുകയാണ് ഇവർ.

English summary

Covid is spreading among health workers in Kannur