സിപിഎം പ്രവര്ത്തകനെ സിപിഐക്കാര് മര്ദ്ദിച്ചു; നേതാക്കള് ഉള്പ്പെടെയുള്ളവര്ക്കെതിരെ കേസെടുത്തു
തളിപ്പറമ്പ്: ഇടതുമുന്നണിയിലെ ഇരു പാര്ട്ടികള് തമ്മില് സംഘര്ഷം നിലനില്ക്കുന്ന തളിപറമ്പ് നഗരസഭയിലെ മാന്തംകുണ്ടില് സിപിഎം പ്രവര്ത്തകനെ സിപിഐക്കാര് അക്രമിച്ചതായുള്ളപരാതിയില് പൊലീസ് കേസെടുത്ത് അന്വേഷണമാരംഭിച്ചു. ഞായറാഴ്ച്ച രാവിലെ 11.30 ന് മാന്തംകുണ്ടിലെ ഒരു വീട്ടില് അസുഖബാധിതനെ കാണാന് പോയ സിപിഎം പ്രവര്ത്തകനായ നവനീത് കരിയിലിനെയാണ് സിപിഐക്കാര് അക്രമിച്ചതായി പരാതിയുയര്ന്നത്. സിപിഐ ജില്ലാ കൗണ്സില് അംഗം കോമത്ത് മുരളീധരന്, വിജേഷ് മണ്ടൂര്, ബിജു കരിയില് എന്നിവര് നവനീതിനെ ഇരുമ്പുവടി കൊണ്ട് ആക്രമിച്ചതായാണ് പരാതി.
പരിക്കേറ്റ നവനീതിനെ തളിപ്പറമ്പ് സഹകരണ ആശുപത്രിയില് പ്രവേശിപ്പിച്ചു. സംഭവത്തില് തളിപ്പറമ്പ് പോലീസ് കേസെടുത്തു അന്വേഷണം ശക്തമാക്കിയിട്ടുണ്ട്. എന്നാല് സിപിഐ നേതാക്കള്ക്കെതിരെ എടുത്ത കള്ളക്കേസ് പിന്വലിക്കണമെന്ന് സിപിഐ തളിപ്പറമ്പ് മണ്ഡലം സെക്രട്ടറി പികെ മുജീബ്റഹ്മാന് പ്രസ്താവനയില് ആവശ്യപ്പെട്ടു. സിപിഐ ജില്ലാ കൗണ്സില് അംഗം കോമത്ത് മുരളീധരന്, മാന്തംകുണ്ട് ബ്രാഞ്ച് സെക്രട്ടെറി എം.വിജേഷ്, അസി.സെക്രട്ടെറി കെ.ബിജു എന്നിവര്ക്കെതിരെ വസ്തുതാവിരുദ്ധമായ കാര്യങ്ങള് പ്രചരിപ്പിച്ച് നാട്ടില് സംഘര്ഷാവസ്ഥ ഉണ്ടാക്കുന്നതിനാണ് ഇത്തരം വ്യാജപ്രചാരണങ്ങള് അഴിച്ചുവിടുന്നത്.
യഥാര്ത്ഥ വസ്തുത അന്വേഷിച്ച് സത്യസന്ധമായ വിവരങ്ങള് പുറത്തുകൊണ്ടുവരണമെന്നും മുജീബ്റഹ്മാന് പ്രസ്താവനയില് ആവശ്യപ്പെട്ടു. നേതാക്കളുടെ പേരില് കള്ളക്കേസെടുത്തതിലും മണ്ഡലം കമ്മറ്റി ശക്തമായി പ്രതിഷേധിച്ചു. ലോക്കല് സെക്രട്ടറി എം.രഘുനാഥും കള്ളക്കേസെടുത്ത നടപടിയില് പ്രതിഷേധിച്ചു. ഇതിനിടെ മാന്തംകുണ്ടില് സി.പി.എം പ്രവര്ത്തകനെ മര്ദ്ദിച്ചതായി ആരോപിച്ച് തന്റെ പേരില് എടുത്തത് തികഞ്ഞ കള്ളക്കേസാണെന്ന് സിപിഐ ജില്ലാ കൗണ്സില് അംഗം കോമത്ത് മുരളീധരന് പ്രതികരിച്ചു.
സംഭവത്തെക്കുറിച്ച് കോമത്ത് മുരളീധരന്റെ വിശദീകരണം ഇപ്രകാരമാണ്. സിപിഐ പ്രവര്ത്തനഫണ്ട് ശേഖരണത്തിന്റെ ഭാഗമായി പ്രവര്ത്തകര് ഭവനന്ദര്ശനം നടത്തിക്കൊണ്ടിരിക്കെ അസുഖ ബാധിതനായി വിശ്രമിക്കുന്ന പോള മനോഹരനെ സന്ദര്ശിക്കാന് അദ്ദേഹത്തിന്റെ വീട്ടില് കയറിയിരുന്നു.
ഈ സമയത്ത് അവിടയെത്തിയ സി.പി.എം പ്രവര്ത്തകന് നവനീതിനോട് സി.പി.ഐ കുടുംബസംഗമ സമയത്ത് കൂവിയതിനെപ്പറ്റി അഭിപ്രായം പറയുകമാത്രമേ ഉണ്ടായിട്ടുള്ളൂ. കൂവലിന്റെ കാലഘട്ടമൊക്കെ കഴിഞ്ഞുപോയെന്നും ഇതൊന്നും ശരിയായ രീതിയല്ലെന്നും ഈ സമയത്ത് അവിടെയെത്തിയ ബന്ധു കൂടിയായ കോമത്ത് ബിനോയിയോട് പറഞ്ഞ് സൗഹൃദത്തില് പരിയുകയാണുണ്ടായത്. വസ്തുത ഇതാണെന്ന് പോള മനോഹരന് ഉള്പ്പെടെ പോലീസിനോട് പറയുകയും ചെയ്തിരുന്നു. ഇത്തരം സാഹചര്യത്തില് കള്ളക്കേസെടുത്താല് ഇവിടെ എങ്ങിനെ രാഷ്ട്രീയ പ്രവര്ത്തനം നടത്തുമെന്നും കോമത്ത് മുരളിധരന് പറഞ്ഞു.
-
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google