പാര്ട്ടി കോണ്ഗ്രസ് സെമിനാറില് എംകെ സ്റ്റാലിനും കെ.വി തോമസിനും ക്ഷണം
കണ്ണൂര്: കണ്ണൂരില് ആദ്യമായെത്തിയ പാര്ട്ടി കോണ്ഗ്രസ് ചരിത്രസംഭവമാക്കാന് ഒരുങ്ങി സിപി എം ഏപ്രില് ആറിന്് കണ്ണൂരില് തുടങ്ങുന്ന സിപിഎം 23-ാംപാര്ട്ടി കോണ്ഗ്രസിന്റെ ഭാഗമായുള്ള സെമിനാറില് തമിഴ്നാട് മുഖ്യമന്ത്രി എം.കെ സ്റ്റാലിന്, കോണ്ഗ്രസ് നേതാക്കളായ പ്രൊഫ.കെ.വി തോമസ്്, ശശിതരൂര് എം.പി എന്നിവര് പങ്കെടുക്കും. കേന്ദ്ര-സംസ്ഥാന സര്ക്കാരുകള് തമ്മിലുള്ള ബന്ധമെന്ന വിഷയത്തില് ഏപ്രില് ഒന്പതിന് കണ്ണൂരില് നടക്കുന്ന സെമിനാറിലാണ് സംസ്ഥാന മുഖ്യമന്ത്രി പിണറായി വിജയനും തമിഴ്നാട് മുഖ്യമന്ത്രി എം.കെ സ്റ്റാലിനുമൊപ്പം കോണ്ഗ്രസ് നേതാവായ കെ.വി തോമസ് പങ്കെടുക്കുക. ഏപ്രില് ഏഴിന് മത നിരപേക്ഷത നേരിടുന്ന വെല്ലുവിളികള് എന്ന വിഷയത്തില് സംഘടിപ്പിക്കുന്ന സെമിനാറിലാണ് ശശി തരൂര് എം.പി പങ്കെടുക്കുന്ന പങ്കെടുക്കുന്നത്.കണ്ണൂരില് ഏപ്രില് ആറു മുതല് പത്തു വരെ അഞ്ചു ദിവസമാണ് പാര്ട്ടി കോണ്ഗ്രസ്. കണ്ണൂര് ആദ്യമായാണ് പാര്ട്ടി കോണ്ഗ്രസിന് വേദിയാകുന്നത്.
ഇത് അഞ്ചാം തവണയാണ് കേരളം പാര്ട്ടി കോണ്ഗ്രസിന് ആതിഥ്യം വഹിക്കുന്നത്. 1956ല് നാലാം പാര്ട്ടി കോണ്ഗ്രസിന് പാലക്കാട് വേദിയായി. 1968 ഡിസംബറില് എട്ടാം പാര്ട്ടി കോണ്ഗ്രസ് കൊച്ചിയിലും 1988 ഡിസംബര് 27 മുതല് 1989 ജനുവരി ഒന്നുവരെ 13-ാം കോണ്ഗ്രസ് തിരുവനന്തപുരത്തും ചേര്ന്നു. 2012 ഏപ്രിലില് 20-ാം പാര്ട്ടി കോണ്ഗ്രസിന് കോഴിക്കോട് ആതിഥ്യം വഹിച്ചു. നാലു വര്ഷം കൂടുമ്പോഴാണ് പാര്ട്ടി കോണ്ഗ്രസ് ചേരുന്നത്.
കെ റെയില് വിഷയത്തില് കോണ്ഗ്രസ് നേതൃത്വത്തിന് വിരുദ്ധമായ നിലപാട് സ്വീകരിച്ച് തരൂര് നേതൃത്വത്തെ വെട്ടിലാക്കിയിരുന്നു. തിരുവനന്തപുരത്തെ ലുലു മാള് ഉദ്ഘാടനച്ചടങ്ങില് മുഖ്യമന്ത്രി പിണറായി വിജയനെ പ്രശംസിച്ചതും വാര്ത്തയായിരുന്നു. മുഖ്യമന്ത്രി കേരളത്തിന്റെ വികസനത്തിന് തടസ്സം നില്ക്കുന്ന കാര്യങ്ങളെ മാറ്റാന് ശ്രമിക്കുന്നു, ഇത് നല്ല കാര്യമാണെന്നായിരുന്നു അദ്ദേഹം ട്വിറ്ററില് കുറിച്ചത്.
ഇതിനു ശേഷം ശശിതരൂരിനെതിരെ കെ.പി.സി.സി അധ്യക്ഷന് കെ.സുധാകരന് എം.പിഉള്പ്പെടെയുള്ളവര് രംഗത്തുവന്നിരുന്നു. എത്രവലിയ നേതാവായാലും പാര്ട്ടിയുടെ നിലപാട് അനുസരിക്കണമെന്നും അല്ലെങ്കില് അച്ചടക്കനടപടിയുണ്ടാകുമെന്നായിരുന്നു സുധാകരന്റെ പ്രതികരണം. കണ്ണൂര് സ്വദേശികളായ കെപിസിസി അധ്യക്ഷന് കെ.സുധാകരന് എം.പി, എഐസിസി ജനറല് സെക്രട്ടറി കെ.സി വേണുഗോപാല് തുടങ്ങിയ പ്രമുഖ നേതാക്കളെ അവഗണിച്ചു കൊണ്ടാണ് സിപിഎം കെ.വി തോമസിനെയും ശശി തരൂരിനെയും പാര്ട്ടി കോണ്ഗ്രസ് സെമിനാറിലേക്ക് ക്ഷണിക്കുന്നത്.
ഇത് വരുംനാളുകളില് കോണ്ഗ്രസിനുള്ളിലും ചര്ച്ചയായേക്കാം. എ ഐസിസിയുമായി വിവിധ പ്രശ്നങ്ങളില് ഇടഞ്ഞു നില്ക്കുന്ന രണ്ടു നേതാക്കളാണ് കെ.വി തോമസും ശശിതരൂരും. അതുകൊണ്ടു തന്നെ കേരളത്തില് ഏറ്റവും കൂടുതല് എതിര്ക്കുന്ന സിപിഎം വേദിയിലെത്തി ഇവര് എന്തുപറയുമെന്ന കാര്യവും കോണ്ഗ്രസിനുള്ളില് ചര്ച്ചയായിട്ടുണ്ട്.വീണ്ടും മുഖ്യമന്ത്രി പിണറായി വിജയനെയും അദ്ദേഹത്തിന്റെ വികസനപദ്ധതിയായ കെ.റെയിലിനെയും പുകഴ്ത്തിയാല് ശശിതരൂരിനെതിരെ നടപടിയുണ്ടാകുമെന്നാണ് സൂചന.
Click it and Unblock the Notifications
Sign in with Google