15കാരി പെരിയാറില് ചാടിയത് പ്രണയനൈരാശ്യം മൂലം?രക്ഷിയ്ക്കാന് ശ്രമിച്ചത് ദിലീപിന്റെ ജോലിക്കാരന്
കൊച്ചി: ആലുവ പാലസിന് സമീപത്ത് നിന്നും പെരിയാറിലേയ്ക്ക് ചാടി പെണ്കുട്ടി ജീവനൊടുക്കിയതിന് പിന്നില് പ്രണയ നൈരാശ്യമാണെന്ന നിഗമനത്തില് പൊലീസ്. അഖില (15) എന്ന പെണ്കുട്ടിയാണ് കഴിഞ്ഞ ദിവസം പെരിയാറിലേയ്ക്ക് ചാടി മരിച്ചത്. എസ്എസ്എല്സി പരീക്ഷയുടെ റിസള്ട്ട് പിന്റൗട്ട് എടുത്ത് സുഹൃത്തിനൊപ്പം മടങ്ങും വഴിയാണ് സംഭവം. പെണ്കുട്ടി പരീക്ഷ പാസായിരുന്നു.
പുഴയില് ചാടിയ പെണ്കുട്ടിയെ ചലച്ചിത്ര താരം ദിലീപിന്റെ വീട്ടില് ജോലി ചെയ്തിരുന്ന മഹാരാഷ്ട്ര സ്വദേശി രാജൂ മണ്ഡല് മുങ്ങിയെടുത്ത് കരയില് എത്തിച്ചു. ആലുവ നജാത്ത് ആശുപത്രിയില് എത്തിച്ചെങ്കിലും പെണ്കുട്ടി മരിച്ചു. കുട്ടമശേരി മനയ്ക്കാട് കാനാപ്പിള്ളി വീട്ടില് രാജേഷിന്റേയും അജിതയുടേയും മകളാണ് അഖില രാജേഷ്.
പരീക്ഷാഫലം അറിഞ്ഞ് കൂട്ടുകാരിയ്ക്കൊപ്പം മടങ്ങവെയാണ് അഖില പുഴയില് ചാടിയത്. കൂടെയുണ്ടായിരുന്ന പെണ്കുട്ടി കരഞ്ഞുകൊണ്ട് ഓടിപ്പോയി. അഖില പാലത്തില് ഉപേക്ഷിച്ച പഴ്സില് അഖിലയുടെ സഹപാഠിയായ ആണ്കുട്ടിയുടെ മാര്ക്ക് ലിസ്റ്റും ആത്മഹത്യ കുറിപ്പും ഉണ്ടായികുന്നു. സുഹൃത്തായ ആണ്കുട്ടിയ്ക്ക് ഏഴ് എ പ്ളസ് ഉണ്ടെന്നും താന് മരിയ്ക്കുകയാണെന്നും ഓട്ടോ റിക്ഷയില് ഇരുന്നാണ് കത്തെഴുതുന്നതെന്നും ആണ്കുട്ടിയെ അഭിസംബോധന ചെയ്ത കുറിപ്പില് പറയുന്നു.
അഖിലയുടെ പിതാവ് രാജേഷ് കൂലിപ്പണിക്കാരനും അമ്മ അജിത തോട്ടം തൊഴിലാളിയുമാണ്. രാജേഷ് കൊച്ചിയിലാണ് താമസിയ്ക്കുന്നത്. എസി മെക്കാനിക്കായ അമല് ഏക സഹോദരനാണ്.