സ്മാര്ട്ട് കിച്ചന് പദ്ധതി: മാര്ഗരേഖയും ശുപാര്ശകളും സമര്പ്പിക്കാൻ മൂന്നംഗ സമിതി
തിരുവനന്തപുരം: എല്ഡിഎഫ് പ്രകടനപത്രികയിലെ പ്രധാനപ്പെട്ട ഒരിനമാണ് സ്മാര്ട്ട് കിച്ചണ് പദ്ധതി. അതിനുള്ള മാര്ഗരേഖയും ശുപാര്ശയും സമര്പ്പിക്കുവാന് വനിത ശിശു വികസന വകുപ്പ് മൂന്നംഗ സമിതിയെ നിയമിച്ചതായി മുഖ്യമന്ത്രി പിണറായി വിജയൻ. ഗാര്ഹിക ജോലിയില് ഏര്പ്പെട്ട സ്ത്രീകള്ക്ക് സര്ക്കാരില് നിന്നും ലഭ്യമാക്കേണ്ട സഹായം, ഗാര്ഹിക ജോലിയുടെ ഭാരവും കാഠിന്യവും ലഘൂകരിക്കാന് സ്മാര്ട്ട് കിച്ചണ് പദ്ധതി നടപ്പാക്കല് എന്നിവ സംബന്ധിച്ച മാര്ഗരേഖയും ശുപാര്ശകളും സമര്പ്പിക്കാനാണ് മൂന്നംഗ സമിതി രൂപീകരിച്ചത്.
ധനകാര്യവകുപ്പ് അഡീഷണല് ചീഫ് സെക്രട്ടറി, തദ്ദേശസ്വയംഭരണ വകുപ്പ് അഡീഷണല് ചീഫ് സെക്രട്ടറി, വനിതശിശുക്ഷേമ വകുപ്പ് സെക്രട്ടറി എന്നിവരാണ് സമിതിയില്. റിപ്പോര്ട്ട് 2021 ജൂലൈ 10നകം സമര്പ്പിക്കണമെന്ന് നിര്ദേശം നല്കിയെന്ന് മുഖ്യമന്ത്രി അറിയിച്ചു.
ഗാര്ഹിക അദ്ധ്വാനത്തിലേര്പ്പെടുന്നത് മഹാഭൂരിപക്ഷവും സ്ത്രീകളാണ്. വീട്ടിലെ ജോലിക്കൊപ്പം പുറമേയുള്ള മറ്റു ജോലികളിലും ഇവര് ഏര്പ്പെടുന്നുണ്ട്. സ്ത്രീകളുടെ വീട്ടിലെ അധ്വാനം നമ്മുടെ സമ്പദ്ഘടനയുടെ ആകെ മൂല്യം കണക്കാക്കുന്ന മൊത്ത ആഭ്യന്തര ഉല്പാദനത്തില് ഉള്പ്പെടുന്നുമില്ല. ഗാര്ഹിക അധ്വാനത്തില് ഏര്പ്പെടുന്ന സ്ത്രീകള്ക്ക് അര്ഹിക്കുന്ന പരിഗണന നല്കുക, അവരുടെ വീട്ടുജോലിഭാരം ലഘൂകരിക്കുക എന്നിവയാണ് സ്മാര്ട്ട് കിച്ചണ് പദ്ധതിയിലൂടെ ലക്ഷ്യമിടുന്നത്. ഇതിനായുള്ള ഗാര്ഹിക ഉപകരണങ്ങള് ലഭ്യമാക്കുന്നതുള്പ്പെടെ ഈ പദ്ധതിയുടെ ഭാഗമായിരിക്കുമെന്ന് മുഖ്യമന്ത്രി വ്യക്തമാക്കി.
വിഴിഞ്ഞം തീരത്ത് കഴിഞ്ഞ ദിവസം രാത്രി അപകടം ഉണ്ടായപ്പോള് അര്പ്പണ മനോഭാവത്തോടെ പ്രവര്ത്തിക്കാനും വിലയേറിയ എട്ട് ജീവനുകള് രക്ഷിക്കാനും കോസ്റ്റല് ഗാര്ഡിനും കോസ്റ്റല് പൊലീസിനും തിരുവനന്തപുരം സിറ്റി പൊലീസിനും സാധിച്ചു. ഈ ഏജന്സികള്ക്ക് ആവശ്യമായ പിന്തുണ നല്കാന് ഫാദര് മൈക്കിള് തോമസിന്റെ നേതൃത്വത്തിലുളള നാട്ടുകാരും മുന്നിലുണ്ടായിരുന്നു. അവരെയെല്ലാം അഭിനന്ദിക്കുന്നു.
Recommended Video
കഴിഞ്ഞ 24 മണിക്കൂറിനുളളില് സംസ്ഥാനത്ത് മാസ്ക് ധരിക്കാത്ത 8,823 പേര്ക്കെതിരെ കേസ് രജിസ്റ്റര് ചെയ്തു. സാമൂഹിക അകലം പാലിക്കാത്തതിന് 5,236 പേര്ക്കെതിരെ നിയമനടപടി സ്വീകരിച്ചു. പിഴയായി 39,86,750 രൂപയാണ് ഇക്കഴിഞ്ഞ ദിവസം ഈടാക്കിയത്. പതിനഞ്ചാം കേരള നിയമസഭയുടെ ഈ വര്ഷത്തെ ഗവര്ണറുടെ നയപ്രഖ്യാപന പ്രസംഗത്തിന്റെ കരടിന് ഇന്നു ചേര്ന്ന മന്ത്രിസഭായോഗം അംഗീകാരം നല്കി.
Click it and Unblock the Notifications
Sign in with Google