17 പ്രദേശങ്ങളെ ഹോട്ട് സ്പോട്ടില് നിന്ന് ഒഴിവാക്കി; ഇന്ന് എറണാകുളത്ത് മാത്രം 1000ത്തിലധികം രോഗികള്
തിരുവനന്തപുരം: കേരളത്തില് ഇന്ന് 6000ത്തിലധികം പേര്ക്ക് കൊറോണ രോഗം സ്ഥിരീകരിച്ചു. എറണാകുളം ജില്ലയില് മാത്രമാണ് ഇന്ന് 1000ത്തിലധികം രോഗികള്. ഇന്ന് 8 പുതിയ ഹോട്ട് സ്പോട്ടുകളാണുള്ളത്. കാസര്ഗോഡ് ജില്ലയിലെ എന്മകജെ (കണ്ടെന്മെന്റ് സോണ് വാര്ഡ് 5), കാറടക്ക (2), മീഞ്ച (15), ആലപ്പുഴ ജില്ലയിലെ തിരുവണ്ടൂര് (12), ആല (12), കൊല്ലം ജില്ലയിലെ കുളക്കട (8), യേരൂര് (16), രാജകുമാരി എന്നിവയാണ് പുതിയ ഹോട്ട് സ്പോട്ടുകള്. ഇന്ന് 17 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കി. ഇതോടെ നിലവില് ആകെ 410 ഹോട്ട് സ്പോട്ടുകളാണുള്ളത്.
സംസ്ഥാനത്ത് ഇന്ന് 6186 പേര്ക്കാണ് കോവിഡ്-19 സ്ഥിരീകരിച്ചത്. എറണാകുളം 1019, കോട്ടയം 674, കൊല്ലം 591, തൃശൂര് 540, പത്തനംതിട്ട 512, മലപ്പുറം 509, കോഴിക്കോട് 481, ആലപ്പുഴ 475, തിരുവനന്തപുരം 404, കണ്ണൂര് 301, വയനാട് 245, പാലക്കാട് 242, ഇടുക്കി 130, കാസര്ഗോഡ് 63 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 66,259 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.34 ആണ്. 26 പേര് മരിച്ചു. ഇതോടെ ആകെ മരണം 3506 ആയി.
ഉമ്മന് ചാണ്ടി എത്തി, കേരളം പിടിക്കും... മൂന്ന് സര്വ്വെ ഫലങ്ങള്, രാഹുല് ഗാന്ധിയുടെ രഹസ്യനീക്കം
ഇന്ന് രോഗം സ്ഥിരീകരിച്ചവരില് 92 പേര് സംസ്ഥാനത്തിന് പുറത്ത് നിന്നും വന്നവരാണ്. 5541 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 484 പേരുടെ സമ്പര്ക്ക ഉറവിടം വ്യക്തമല്ല. 69 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 4296 പേരുടെ പരിശോധനാഫലം നെഗറ്റീവ് ആയി. 70,259 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 7,83,393 പേര് ഇതുവരെ കോവിഡില് നിന്നും മുക്തി നേടി.സംസ്ഥാനത്തെ വിവിധ ജില്ലകളിലായി 2,09,175 പേരാണ് ഇപ്പോള് നിരീക്ഷണത്തിലുള്ളത്. 1060 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
സിപിഎമ്മിന് ആശങ്ക സൃഷ്ടിച്ച് കോണ്ഗ്രസ് ഒരുക്കം; സുധാകരന് അധ്യക്ഷനാകും; നയിക്കാന് പ്രമുഖരുടെ പട
ബിജെപിയുടെ വളര്ച്ച 35 മണ്ഡലങ്ങളില്, സിപിഎമ്മില് അമ്പരപ്പ്... ഏജന്സിയെ നിയോഗിച്ച് കേന്ദ്രം