'പ്രതിഫലം മോഹിച്ചില്ല, ഞങ്ങള് മൂന്ന് പേര്ക്കും ഒരേ സമയത്താണ് പണം വന്നത്'; വിവാദത്തില് അനീഷ് രവി
കൊച്ചി: നടന് ഉണ്ണി മുകുന്ദന്- ബാല വിവാദത്തില് പ്രതികരിച്ച് നടന് അനീഷ് രവി. ചിത്രത്തില് പ്രധാന വേഷത്തിലെത്തിയ നടനാണ് അനീഷ് രവി. സിനിമയില് അഭിനയിച്ചവര്ക്ക് പ്രതിഫലം നല്കിയില്ലെന്ന ബാലയുടെ വാദത്തെ തള്ളുന്ന പ്രതികരണമാണ് അനീഷ് രവി പങ്കുവച്ചത്. സിനിമ അഭിനയിച്ചു മടങ്ങുമ്പോള് പ്രതിഫലം മോഹിയ്ക്കാതെ അഭിനയിക്കാന് വന്ന എന്റെ അക്കൗണ്ടിലേക്ക് സന്തോഷപൂര്വ്വം അയച്ചു തന്ന തുകയും നന്ദിയോടെ ഈ അവസരത്തില് ഞാന് ഓര്ത്തുപോകുന്നെന്ന് അനീഷ് രവി ഫേസ്ബുക്കില് പങ്കുവച്ച കുറിപ്പില് പറഞ്ഞു.
പഴയതൊന്നും മറക്കാത്ത ,മനുഷ്യത്വമുള്ള ,നന്മയുള്ള ഒരു കലാകാരനോടൊപ്പം കുറേ ദിവസങ്ങള് ഒരുമിച്ചു ചിലവിടാന് കഴിഞ്ഞു എന്നുള്ള സന്തോഷത്തിലാണ് ഞാനിന്ന്. സിനിമയുടെ ഷൂട്ട് കഴിഞ്ഞ് മടക്കയാത്രയില് ഞാനും ഹരീഷ് ഏട്ടനും (ഹരീഷ് പേങ്ങന് )പൊള്ളാച്ചി രാജു ചേട്ടനും ഒരേ കാറിലായിരുന്നു ഞങ്ങള് മൂന്നുപേര്ക്കും ഏതാണ്ട് ഒരേ സമയത്തതാണ് പണം വന്നതിന്റെ മെസ്സേജും വന്നതെന്ന് അനീഷ് രവി ഫേസ്ബുക്കില് കുറിച്ചു. അനീഷ് രവിയുടെ വാക്കുകളിലേക്ക്.
പഴയതൊന്നും മറക്കാത്ത ,മനുഷ്യത്വമുള്ള ,നന്മയുള്ള ഒരു കലാകാരനോടൊപ്പം കുറേ ദിവസങ്ങള് ഒരുമിച്ചു ചിലവിടാന് കഴിഞ്ഞു എന്നുള്ള സന്തോഷത്തിലാണ് ഞാനിന്ന് ..! സിനിമയുടെ ലൊക്കേഷനിലാണെങ്കിലും അത് കഴിഞ്ഞുള്ള പ്രെമോഷന്റെ സമയത്തുമൊക്കെ ഒപ്പമുള്ളവരെ ചേര്ത്ത് നിര്ത്താനുള്ള ആ മനസ്സ് അനുകരണീയം തന്നെയാണ്.
പറഞ്ഞ വാക്ക് പാലിച്ചു കൊണ്ട് എനിയ്ക്കൊരു അവസരം തരികയും സിനിമ അഭിനയിച്ചു മടങ്ങുമ്പോള് പ്രതിഫലം മോഹിയ്ക്കാതെ അഭിനയിക്കാന് വന്ന എന്റെ അക്കൗണ്ടിലേക്ക് സന്തോഷപൂര്വ്വം അയച്ചു തന്ന തുകയും നന്ദിയോടെ ഈ അവസരത്തില് ഞാന് ഓര്ത്തുപോകുന്നു ..!
മടക്കയാത്രയില് ഞാനും ഹരീഷ് ഏട്ടനും (ഹരീഷ് പേങ്ങന് )പൊള്ളാച്ചി രാജു ചേട്ടനും ഒരേ കാറിലായിരുന്നു ഞങ്ങള് മൂന്നുപേര്ക്കും ഏതാണ്ട് ഒരേ സമയത്തതാണ് പണം വന്നതിന്റെ മെസ്സേജും വന്നത് ...പിന്നെന്താണ് ...? ഈ കേള്ക്കുന്നതെന്ന് ചോദിച്ചാല് അറിയില്ല !
ഒന്ന് കൂടി ..!
തനിയ്ക്കെതിരെ സംസാരിച്ചവരെ കുറിച്ചു ചോദിച്ചപ്പോള് ചിരി മായാതെ അപ്പോഴും ഉണ്ണി മുകുന്ദന് എന്ന സുഹൃത്ത് പറഞ്ഞത് അതും ഒരു എക്സ്പീരിയന്സ് ആണ് എന്നാണ് ...! ചുരുങ്ങിയ നാള് കൊണ്ട് താന് സ്വപ്നം കണ്ട ലോകത്ത് തന്റേതായ ഒരു സ്ഥാനം നേടാന് ഒരുവന് കഴിഞ്ഞു എങ്കില് അത് അശ്രാന്ത പരിശ്രമത്തിന്റെ ഫലം തന്നെയാണ്..! അത് അത്ര പെട്ടെന്ന് ഒരാള്ക്കും മറച്ചു പിടിയ്ക്കാനാവില്ല കാരണം നമ്മള് ചെയ്യുന്ന നന്മ നമ്മെ തേടി വരും..!- അനീഷ് രവി ഫേസ്ബുക്കില് കുറിച്ചു.
അതേസമയം, ബാലയുടെ ആരോപണം തള്ളുന്ന പ്രതികരണമാണ് സിനിമയില് അഭിനയിച്ച ഓരോ താരങ്ങളും പങ്കുവയ്ക്കുന്നത്. നേരത്തെ സംഗീത സംവിധായകന് ഷാന് റഹ്മാനും സംവിധായകന് അനൂപ് പന്തളവും ഇതുമായി ബന്ധപ്പെട്ട് പ്രതികരണം നടത്തിയിരുന്നു. ഈണം നല്കുന്നതിന് മുമ്പ് തന്നെ പ്രതിഫലം മുഴുവനായും ലഭിച്ചെന്നാണ് സംഗീത സംവിധായകന് ഷാന് റഹ്മാന് അറിയിച്ചത്.
നടന് ബാല ഒരു ഓണ്ലൈന് ചാനലിന് നടത്തിയ സംഭാഷണത്തില് എന്റെ പേരുള്പ്പെട്ടതുകൊണ്ടാണ് താന് വിശദീകരണം നല്കുന്നതെന്നാണ് സംവിധായകന് അനൂപ് പന്തളം അറിയിച്ചത്. ഷെഫീക്കിന്റെ സന്തോഷം എന്ന എന്റെ ആദ്യ സിനിമ എഴുതി സംവിധാനം ചെയ്ത എനിക്ക് കൃത്യമായി പ്രതിഫലം ലഭിക്കുകയുണ്ടായി. മറ്റു ടെക്നിഷ്യന്സിനും അവരുടെ പ്രതിഫലങ്ങള് കൊടുത്തതായി ആണ് എന്റെ അറിവിലെന്ന് അനൂപ് പറഞ്ഞു.
അദ്ദേഹത്തെ ഈ സിനിമയില് റെക്കമെന്റ് ചെയ്തത് തന്നെ ഉണ്ണി ബ്രോ ആണ്. സിനിമയില് നല്ലൊരു കഥാപാത്രമാണ് ബാലക്ക്. അദ്ദേഹമത് നന്നായി ചെയുകയും പ്രേക്ഷക പ്രശംസ പിടിച്ചുപറ്റുകയും ചെയ്തതില് സന്തോഷം. സിനിമ നന്നായി പൂര്ത്തിയാക്കാന് എല്ലാവരും സഹകരിക്കുകയും ഇപ്പോള് വിജയം നേടിയ സന്തോഷത്തിലും ആണ് ഞങ്ങള് ഈ സമയത്ത് ഇത്തരം വിഷയങ്ങളില് എന്റെ പേര് വലിച്ചിഴക്കുന്നതില് വിഷമമുണ്ടെന്നും അനൂപ് പറഞ്ഞു.
Click it and Unblock the Notifications
Sign in with Google