ജയസൂര്യ കുടുങ്ങിയ സേവ് ബോക്സ്; ഭാര്യ സരിതയെ ഇഡി വിളിപ്പിച്ചത് എന്തിന്? കൂടുതല് വിവരം പുറത്ത്
കൊച്ചി: നടന് ജയസൂര്യയെ ഇഡി ചോദ്യം ചെയ്തു. ഭാര്യ സരിതയും ജയസൂര്യക്കൊപ്പം ഇഡി ഓഫീസില് എത്തിയിരുന്നു. രണ്ടുപേരെയും ഏറെ നേരം ചോദ്യം ചെയ്ത ശേഷം വിട്ടയച്ചു. ഇത് രണ്ടാംതവണയാണ് ജയസൂര്യയെ ഇഡി ചോദ്യം ചെയ്യുന്നത്. കൂടുതല് താരങ്ങളിലേക്ക് അന്വേഷണം നീളുമെന്നാണ് ഇപ്പോള് ലഭിക്കുന്ന വിവരം.
ഇലക്ട്രോണിക് വസ്തുക്കള് ഓണ്ലൈന് വഴി ലേലം ചെയ്യുന്ന മൊബൈല് ആപ്പ് സേവ് ബോക്സ് കമ്പനി പുറത്തിറക്കിയിരുന്നു. കമ്പനിയുടെ ഫ്രാഞ്ചൈസി നല്കാമെന്ന് പറഞ്ഞ് ഉടമ സ്വാദിഖ് റഹീം പലരില് നിന്നും വന്തുക തട്ടി എന്നാണ് കേസ്. സിനിമാ താരങ്ങളുമായി ബന്ധമുള്ള വ്യക്തിയാണ് സ്വാദിഖ് റഹീം. കമ്പനി തയ്യാറാക്കിയ സേവ് ബോക്സ് ആപ്പിന്റെ ബ്രാന്ഡ് അംബാസഡറായിരുന്നുവത്രെ ജയസൂര്യ.
രണ്ട് വര്ഷം മുമ്പ് സോഷ്യല് മീഡിയയില് വലിയ തോതില് സേവ് ബോക്സ് ആപ്പ് പ്രചരിച്ചിരുന്നു. ഇലക്ട്രോണിക് വസ്തുക്കള് കുറഞ്ഞ തുകയ്ക്ക് ലേലം ചെയ്യുന്ന ആപ്പായിരുന്നു ഇത്. സിനിമാ താരങ്ങളെ വച്ച് ആപ്പിന്റെ പ്രചാരണം സ്വാദിഖ് റഹീം നടത്തിയിരുന്നു. ഇതോടെയാണ് കൂടുതല് പ്രചാരം ലഭിച്ചത്. തൃശൂര് ഈസ്റ്റ് പോലീസില് പരാതി ലഭിച്ചതിനെ തുടര്ന്ന് സ്വാദിഖ് റഹീമിനെ അറസ്റ്റ് ചെയ്തിരുന്നു.
ഇയാളില് നിന്ന് ലഭിച്ച വിവരത്തിന്റെ അടിസ്ഥാനത്തിലാണ് ജയസൂര്യയെ ഇഡി ചോദ്യം ചെയ്തത്. പോലീസ് അന്വേഷിച്ചിരുന്ന കേസില് കള്ളപ്പണം വെളുപ്പിക്കല് നടന്നു എന്ന സംശയത്തെ തുടര്ന്നാണ് ഇഡി അന്വേഷിക്കുന്നത്. ബ്രാന്ഡ് അംബാസഡര് ആകുന്നതിന് ജയസൂര്യയ്ക്ക് രണ്ട് കോടി രൂപ വാഗ്ദാനം നല്കിയിരുന്നുവത്രെ. കുറച്ച് പണം കൈമാറുകയും ചെയ്തുവെന്ന് ഉടമ മൊഴി നല്കിയിട്ടുണ്ട് എന്നാണ് വിവരം.
ജയസൂര്യയുടെ ഭാര്യയെ ചോദ്യം ചെയ്യാന് കാരണം
ജയസൂര്യയുടെ ബാങ്ക് അക്കൗണ്ടുകള് കൈകാര്യം ചെയ്തിരുന്നത് ഭാര്യ സരിതയാണ് എന്നാണ് അന്വേഷണ സംഘത്തിന് ലഭിച്ച വിവരം. തുടര്ന്നാണ് ഇന്ന് ഭാര്യയെയും വിളിപ്പിച്ചത്. ക്രിസ്മസിന് തൊട്ടുമുമ്പ് ജയസൂര്യയെ ഇഡി ചോദ്യം ചെയ്തിരുന്നു. കൂടുതല് വ്യക്തത വരുന്നതിനാണ് ഇന്ന് ഭാര്യയെയും വിളിപ്പിച്ചത്. ഇത് രണ്ടാംതവണയാണ് ജയസൂര്യയെ ചോദ്യം ചെയ്യുന്നത്. ഇനിയും വിളിപ്പിക്കുമെന്നാണ് വിവരം.
ഓണ്ലൈന് ലേലം നടത്തുന്ന സേവ് ബോക്സ് എന്ന കമ്പനി മൊബൈല് ആപ്പ് വഴിയും ലേലം നടത്തിയിരുന്നു. ലേലത്തില് പങ്കെടുക്കുന്നതിന് ഡിജിറ്റല് കോയിനുകള് കമ്പനി ഇറക്കിയിരുന്നു. ഇത് പണം കൊടുത്ത് വാങ്ങുന്നവര്ക്കാണ് ലേലത്തില് പങ്കെടുക്കാന് സാധിച്ചിരുന്നത്. കമ്പനിയുടെ ഫ്രാഞ്ചൈസിയും ഓഹരിയും വാഗ്ദാനം ചെയ്ത് കോടികളാണ് സ്വാദിഖ് റഹീം കൈവശപ്പെടുത്തിയത് എന്നാണ് ആരോപണം.
സ്വാദിഖ് റഹീമിനെ ഇഡി ചെയ്തിരുന്നു. ഇപ്പോള് ജയസൂര്യയെ ചോദ്യം ചെയ്തു. കൂടുതല് താരങ്ങള്ക്ക് സ്വാദിഖ് റഹീം പണം നല്കി എന്ന് സംശയമുണ്ട്. അവരെയും ഇഡി ചോദ്യം ചെയ്യാന് വിളിപ്പിച്ചേക്കും.
-
ഈ രണ്ട് ജില്ലകള് വളരെ പിന്നാക്കം; മതാന്ധതയും വിപ്ലവവും മാറ്റിവച്ച് ചിന്തിക്കണം എന്ന് നടി ലക്ഷ്മി പ്രിയ -
അരൂർ-തുറവൂർ എലിവേറ്റഡ് ഹൈവേ; പദ്ധതി വൈകിച്ച് കെഎസ്ഇബിയും എൻഎച്ച്എഐയും, യാത്രക്കാർ ദുരിതത്തിൽ -
'ദിലീപിൻ്റെ വീട്ടിൽ നിന്നും ഇറങ്ങുമ്പോൾ മഞ്ജു വാര്യർ അവസാനമായി പറഞ്ഞത്..'ഭാഗ്യലക്ഷ്മി പറഞ്ഞത് -
'മഞ്ജു വാര്യർ പാവം, അസൂയപ്പെട്ടിട്ട് എന്ത് കാര്യം,നിർബന്ധം ഒറ്റക്കാര്യത്തിൽ മാത്രം';ദിലീപിൻ്റെ വാക്കുകൾ -
"കോഴിക്കോട്ടെ ഫ്ലാറ്റ് കേന്ദ്രീകരിച്ച് സിനിമാക്കാരുടെ ആഭാസത്തരം, ജോയ് മാത്യു പോലും രഞ്ജിത്തിനെ കാണാൻ പോയില്ല" -
ബെംഗളൂരു സിൽക്ക് ബോർഡ് ഡെബിൾ ഡെക്കർ ഫ്ലൈഓവർ ഇനിയും വൈകുമോ? തലവേദന തീർക്കുന്നത് ഇത് -
സൗദി അറേബ്യ എന്തിനുള്ള പുറപ്പാടാണ്; എത്തിച്ചത് 23000 പാക് സൈനികരെ, ഇറാന് ചര്ച്ച പൊളിഞ്ഞു -
ലുലു ഗ്രൂപ്പിന് രണ്ടാമത്തെ ഭൂമിയും നഷ്ടമായേക്കും; നിയമക്കുരുക്കില് പെട്ട് വന് പദ്ധതി, പ്രതിഷേധം -
ഡോളറിന് കിട്ടിയത് എട്ടിന്റെ പണി...! സ്വര്ണത്തിന് ഇനി കുതിപ്പിന്റെ കാലം, വില കൂടാന് പോകുന്നു -
സ്വർണ വില 2ശതമാനം ഇടിഞ്ഞു; ഇനിയും കുറയും.. അര പവൻ 25,000 രൂപയ്ക്ക് വാങ്ങാനാകുമെന്ന് കരുതുന്നുണ്ടോ? -
കാത്തിരുന്ന രാജയോഗം നാളെ മുതല്.. വിഷുക്കാലത്ത് സൗഭാഗ്യപ്പെരുമഴ; ഈ രാശിക്കാരാണോ? -
പാകിസ്ഥാനിലെ യുഎസ്-ഇറാൻ ചർച്ച പരാജയം; പിന്നാലെ റഷ്യയുടെ എൻട്രി, മധ്യസ്ഥത്തിന് സന്നദ്ധത അറിയിച്ച് പുടിൻ
Click it and Unblock the Notifications
Sign in with Google