Get Updates
Get notified of breaking news, exclusive insights, and must-see stories!

പൊലീസില്‍ അഴിച്ചുപണി; വിനോദ് കുമാര്‍ വിജിലന്‍സ് ഡയറക്ടര്‍, മനോജ് എബ്രഹാം ഇന്റലിജന്‍സ് എഡിജിപി

തിരുവനന്തപുരം: സംസ്ഥാന പൊലീസ് തലപ്പത്ത് വന്‍ അഴിച്ചുപണി. എ ഡി ജി പിയായിരുന്ന ടി കെ വിനോദ് കുമാറിനെ ഡി ജി പിയായി സ്ഥാനക്കയറ്റം നല്‍കി വിജിലന്‍സ് ഡയറക്ടറായി നിയമിച്ചു. വിജിലന്‍സ് ഡയറക്ടറായിരുന്ന മനോജ് എബ്രഹാം ഇന്റലിജന്‍സ് എ ഡി ജി പിയാകും. ഇതടക്കം പൊലീസിലെ നിര്‍ണായക പദവികളില്‍ മാറ്റം വന്നിട്ടുണ്ട്. ഇത് സംബന്ധിച്ച സര്‍ക്കാര്‍ ഉത്തരവ് പുറത്തിറങ്ങി.

ജയില്‍ മേധാവിയായിരുന്ന കെ പത്മകുമാറിനെ ഫയര്‍ ഫോഴ്‌സിലേക്ക് മാറ്റി. ബല്‍റാം കുമാര്‍ ഉപാധ്യായ പുതിയ ജയില്‍ മേധാവിയാകും. ക്രമസമാധാന ചുമതലയുള്ള എ ഡി ജി പി എം ആര്‍ അജിത് കുമാറിന് സായുധ പൊലീസ് മേധാവിയുടെ അധിക ചുമതല കൂടി നല്‍കിയിട്ടുണ്ട്. ഫയര്‍ ഫോഴ്‌സ് മേധാവിയായിരുന്ന ഡോ. സന്‍ജീബ് കുമാര്‍ പത്ജോഷി പൊലീസ് ഹൗസിങ് ആന്‍ഡ് കണ്‍സ്ട്രക്ഷന്‍ കോര്‍പറേഷന്റെ അധ്യക്ഷനാകും.

KERALA POLICE

ക്രൈം എ ഡി ജി പി എച്ച് വെങ്കടേഷ് സൈബര്‍ ഓപറേഷന്റെയും ക്രൈം റെക്കോര്‍ഡ്സ് ബ്യൂറോയുടെയും ചുമതല നിര്‍വഹിക്കും. ഇന്റലിജന്‍സ് ഐ ജി പി പ്രകാശ് ആണ് സംസ്ഥാന മനുഷ്യാവകാശ കമ്മിഷന്റെ ഐ ജി. കൊച്ചി കമ്മീഷണര്‍ സേതുരാമന് പകരം ട്രാഫിക്, റോഡ് സുരക്ഷാ വിഭാഗം ഐ ജിയായിരുന്ന എ അക്ബര്‍ കൊച്ചി കമ്മീഷണറാകും. സേതുരാമന് ഉത്തര മേഖല ഐ ജിയുടെ ചുമതലയാണ് നല്‍കിയിരിക്കുന്നത്.

ഉത്തര മേഖല ഐ ജിയായിരുന്ന നീരജ് കുമാര്‍ ഗുപ്ത പൊലീസ് ആസ്ഥാനത്തെ ചുമതല നിര്‍വഹിക്കും. കണ്ണൂര്‍ റെയ്ഞ്ച് ഡി ഐ ജിയായിരുന്ന പുട്ട വിമലാദിത്യയെ തീവ്രവാദ വിരുദ്ധ സ്‌ക്വാഡിന്റെ ഡി ഐ ജിയാകതും. പൊലീസ് ജനറല്‍ ഡി ഐ ജിയായിരുന്ന തോംസണ്‍ ജോസ് ആണ് പുതിയ കണ്ണൂര്‍ റെയ്ഞ്ച് ഡി ഐ ജി.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+