Click it and Unblock the Notifications
Just In
Don't Miss
-
ഡ്രൈവിങ്ങ് ടെസ്റ്റ് കട്ട ശോകം തന്നെ, ഡ്രൈവിങ്ങ് ടെസ്റ്റ് ഗ്രൗണ്ടിൽ അടിസ്ഥാനസൗകര്യമില്ലെന്ന് റിപ്പോർട്ട് -
ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന് -
T20 World Cup 2024: വീണ്ടുമൊരു ലോകകപ്പ് കളിക്കാന് ഡിക്കെ റെഡി! ധോണിയോ? തുറന്നു പറഞ്ഞ് രോഹിത് -
'അഴിച്ചുവിട്ട' മുതലിനെ ഏറ്റുവാങ്ങാൻ സമയമായി! നേരേ ഫ്ലിപ്പ്കാർട്ടിലേക്ക് വിട്ടോ, ദേ ഇത് വാങ്ങിക്കോ -
നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം -
റെക്കോർഡ് വിലയിൽ നിന്നും താഴോട്ടിറങ്ങി സ്വർണം, ഇന്ന് കുറഞ്ഞത് 240 രൂപ, ആഭരണം വാങ്ങാൻ 58,000 നൽകണം -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
മമധര്‍മയ്ക്ക് വിഷുക്കണിയായി രണ്ടര ലക്ഷം കിട്ടിയെന്ന് അലി അക്ബര്‍, 60 ശതമാനം ചിത്രീകരണം പൂര്‍ത്തിയായി
കോഴിക്കോട്: വാരിയന്‍കുന്നത് കുഞ്ഞഹമ്മദ് ഹാജിയെ വില്ലനാക്കി അലി അക്ബര്‍ സംവിധാനം ചെയ്യുന്ന മമധര്‍മയ്ക്ക് വിഷുക്കൈനീട്ടം കിട്ടിയെന്ന് വെളിപ്പെടുത്തി സംവിധായകന്‍ അലി അക്ബര്‍. രണ്ടര ലക്ഷത്തിലധികം രൂപയാണ് മമധര്‍മയ്ക്കായി ലഭിച്ചിരിക്കുന്നത്. നേരത്തെ ആരാധകരോട് ഇത്തവണത്തെ വിഷുകണി തന്റെ മമ ധര്‍മയ്ക്ക് സമര്‍പ്പിക്കണമെന്ന് അലി അക്ബര്‍ അഭ്യര്‍ത്ഥിച്ചിരുന്നു. ഇതിന് പിന്നാലെ സോഷ്യല്‍ മീഡിയയില്‍ വലിയ തോതിലുള്ള ട്രോളുകളും പരിഹാസങ്ങളും നിറഞ്ഞിരുന്നു. എന്നാല്‍ അതൊന്നും ഫലിച്ചില്ലെന്നും ഇതുവരെ 2,67197 രൂപ കൈനീട്ടമായി കിട്ടിയെന്ന് അലി അക്ബര്‍ പറയുന്നു.
നേരത്തെ സംവിധായകന്‍ ആഷിഖ് അബു വാരിയന്‍കുന്നനെ നായകനാക്കി സിനിമ പ്രഖ്യാപിച്ചിരുന്നു. ഇതിനെതിരെ ബിജെപി കേന്ദ്രങ്ങളില്‍ നിന്ന് വലിയ വിമര്‍ശനങ്ങള്‍ ഉയര്‍ന്നിരുന്നു. ഇതോടെയാണ് അലി അക്ബര്‍ വാരിയന്‍കുന്നനെ വില്ലനാക്കി സിനിമ ആരംഭിച്ചത്. പൊതുജനങ്ങളില്‍ നിന്നും പണം സ്വീകരിച്ച് അദ്ദേഹം സംവിധാനം ചെയ്യുന്ന ചിത്രമാണിത്. 1921 പുഴ മുതല്‍ പുഴ വരെ എന്നാണ് ചിത്രത്തിന്റെ പേര്. നേരത്തെ ജോയ് മാത്യു അടക്കമുള്ള പ്രമുഖ താരങ്ങള്‍ സിനിമയുടെ ഭാഗമായിരുന്നു. തമിഴ് നടന്‍ തലൈവാസന്‍ വിജയിയാണ് വാരിയന്‍ കുന്നത്ത് കുഞ്ഞഹമ്മദ് ഹാജിയായി എത്തുന്നത്.
ഇതുവരെ 1,17,42859 രൂപ പിരിച്ച് ലഭിച്ചെന്നും, 30,76530 രൂപ അതില്‍ ബാക്കുണ്ടെന്നും അലി അക്ബര്‍ പറഞ്ഞിരുന്നു. അതേസമയം സിനിമയുടെ ചിത്രീകരണം 60 ശതമാനം പൂര്‍ത്തിയായെന്ന് അലി അക്ബര്‍ വ്യക്തമാക്കി. നേരത്തെ അമ്പലത്തില്‍ കാണിക്ക ഇടുന്നത് പോലെ തന്റെ ചിത്രത്തിലേക്ക് ഭിക്ഷയായി പണം തരണമെന്നും അദ്ദേഹം ആവശ്യപ്പെട്ടിരുന്നു. ഒരു കോടിയിലധികം രൂപ ഇത്തരത്തില്‍ പിരിച്ചുകിട്ടിയതാണെന്നും അലി അക്ബര്‍ പറഞ്ഞിരുന്നു. അതേസമയം സിനിമയുടെ രണ്ടാം ഷെഡ്യൂള്‍ മെയ് ആദ്യവാരത്തില്‍ ആരംഭിക്കും. ബിജെപിയാണ് അലി അക്ബറിന്റെ ഈ പിന്നിലിരുന്ന കാര്യങ്ങള്‍ തീരുമാനിക്കുന്നതെന്ന് വ്യാപക വിമര്‍ശനമുണ്ട്.
Recommended Video
അതേസമയം രാഷ്ട്രീയ നിലപാടുകള്‍ക്ക് അനുസരിച്ച് ചരിത്ര സത്യങ്ങള്‍ വളച്ചൊടിക്കപ്പോള്‍, ഞങ്ങള്‍ക്ക് നോക്കി നില്‍ക്കാനാവില്ലെന്നും, സാംസ്‌കാരിക നായകന്മാര്‍ക്ക് മുമ്പില്‍ ഞങ്ങള്‍ക്കും സത്യം വിളിച്ചുപറയാനറിയാമെന്ന് അലി അക്ബര്‍ പറയുന്നു. മമധര്‍മ എന്നത് ജനങ്ങളുടെ തീരുമാനമാണ്. അതിന്റെ പക്ഷം രാഷ്ട്രപക്ഷമാണ്. ആ രാഷ്ട്രപക്ഷത്തിന്റെ ആദ്യ സംരംഭമാണ് ഈ ചിത്രമെന്നും അലി അക്ബര്‍ പറയുന്നു. നേരത്തെ ഷൂട്ടിംഗിനായി നിര്‍മിച്ച ഉപകരണങ്ങളും ആയുധങ്ങളും എല്ലാം അലി അക്ബര്‍ വീഡിയോയിലൂടെ പങ്കുവെച്ചിരുന്നു.
