സിടി മനോജ് വധം-സിപിഎം ജില്ലാ കമ്മറ്റി അംഗം ഉൾപ്പടെ 9 പേർ അറസ്റ്റിൽ
വടകര:പയ്യോളിയിലെ ബിഎംഎസ് നേതാവ് സിടി മനോജിന്റെ കൊലപാതകവുമായി ബന്ധപ്പെട്ട് സിപിഎം നേതാവ് അടക്കം ഒന്പത് പേര് അറസ്റ്റിലായി . ചോദ്യം ചെയ്യനായി ഇന്ന് രാവിലെ ഇവരെ വടകര സിബിഐ ക്യാമ്പ് ഓഫീസില് വിളിച്ച് വരുത്തിയ ശേഷം അറസ്റ്റ് രേഖപ്പെടുത്തുകയായിരുന്നു. ഇവരെ പിന്നീട് സിബിഐയുടെ കൊച്ചി ഓഫീസിലേക്ക് കൊണ്ട് പോയി. സിപിഎം പയ്യോളി മുന് ഏരിയ കമ്മറ്റി സെക്രട്ടറിയും ജില്ലാ കമ്മറ്റി അംഗവുമായ ടി ചന്തു മാസ്റ്റര്, പയ്യോളി ലോക്കല് സെക്രട്ടറി പിവി രാമചന്ദ്രന്, ലോക്കല് കമ്മറ്റി അംഗവും പയ്യോളി മുന്സിപ്പല് കൌണ്സിലറുമായ കെടി ലിഖേഷ്, ഏരിയ കമ്മറ്റി അംഗം സി. സുരേഷ്ബാബു , ലോക്കല് കമ്മറ്റി അംഗം എന് സി മുസ്തഫ, അയനിക്കാട് സൌത്ത് ബ്രാഞ്ച് മുന് സെക്രട്ടറി പി.കെ.കുമാരന്, മുച്ചുകുന്നു സ്വദേശികളായ പുളിയൊത്ത് അനൂപ്, കൊടക്കാട്ട് അഖിൽനാഥ്,നരമത്ത് രതീഷ് എന്നിവരാണ് അറസ്റ്റിലായത്.
2012 ഫെബ്രുവരി 12 ന് രാത്രി ഒന്പത് മണിക്കാണ് ബിഎംഎസ് പ്രവര്ത്തകനായ സി.ടി. മനോജിനെ അയനിക്കാടുള്ള വീട്ടില് കയറി വെട്ടി പരിക്കേല്പ്പിക്കുന്നത്. തുടര്ന്ന് പിറ്റേ ദിവസം പുലര്ച്ചെ മൂന്ന് മണിയോടെ മരണം സംഭവിക്കുകയായിരുന്നു. സംഭവുമായി ബന്ധപ്പെട്ട് ലോക്കല് പോലീസ് പിന്നീട് പതിനഞ്ച് പേരെ പ്രതി ചേര്ത്ത് കേസെടുത്ത് അറസ്റ്റ് ചെയ്തു. ഇവര് ഒരു വര്ഷത്തിലേറെ ജയില് വാസത്തിലായി. പിന്നീട് ഇവരില് ചിലര് തങ്ങള് പാര്ട്ടി നിര്ദ്ദേശം അനുസരിച്ച് പ്രതികള് ആയവരാണെന്നും കൃത്യത്തില് പങ്കില്ലെന്നും പറഞ്ഞ് രംഗത്ത് വന്നത് ഏറെ കോളിളക്കം സൃഷ്ടിച്ചു. കൊല്ലപ്പെട്ട സി.ടി. മനോജിന്റെ അമ്മയും പ്രതികളുടെ ബന്ധുക്കളും നല്കിയ നിവേദനത്തില് അന്നത്തെ ആഭ്യന്തര മന്ത്രി തിരുവഞ്ചൂര് രാധാകൃഷ്ണന് പുനരന്വേഷണത്തിന് ഉത്തരവിട്ടു.
കേസ് ഏറ്റെടുത്ത ക്രൈംബ്രാഞ്ച് അന്വേഷണം എങ്ങുമെത്താത്ത സാഹചര്യത്തില് തിക്കോടി സ്വദേശിയായ സാജിദ് സിബിഐ അന്വേഷണം ആവശ്യപ്പെട്ട് ഹൈക്കോടതിയെ സമീപിച്ചു. ഇതിന്റെ അടിസ്ഥാനത്തില് നടത്തിയ സിബിഐ അന്വേഷണത്തിലാണ് ഇപ്പോള് അറസ്റ്റ് നടന്നിരിക്കുന്നത്.
അതെ സമയം അറസ്റ്റിനെ രാഷ്ട്രീയമായി നേരിടാനാണ് സിപിഎം തീരുമാനം. അറസ്റ്റില് പ്രതിഷേധിച്ച് നാളെ പയ്യോളി ഏരിയയില് ഇടത് മുന്നണി ഹര്ത്താലിന് ആഹ്വാനം ചെയ്തിട്ടുണ്ട്. പയ്യോളി മുന്സിപ്പാലിറ്റി, തിക്കോടി, മൂടാടി, തുറയൂര് പ്രദേശങ്ങളില് രാവിലെ ആറു മുതല് വൈകീട്ട് ആറു വരെ ഹര്ത്താല് നടത്താനാണ് തീരുമാനം. സിബിഐ അറസ്റ്റ് ചെയ്തതില് പ്രതിഷേധിച്ച് സിപിഎം പ്രവര്ത്തകര് പയ്യോളി ടൌണില് പ്രകടനം നടത്തി. ബിജെപി പ്രവര്ത്തകരുടെ ആഭിമുഖ്യത്തില് സിബിഐക്ക് അഭിവാദ്യങ്ങള് അര്പ്പിച്ച് പ്രകടനവും നടന്നു.
-
മുഖ്യമന്ത്രിയുടെ 'ചെറ്റത്തരം' പരാമർശം: മറുപടിയുമായി ജി. സുധാകരൻ; വിവാദം പുകയുന്നു -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട്
Click it and Unblock the Notifications
Sign in with Google