സത്യത്തില്‍ ഇവരാരാണ് ? നാടോടി യുവതി ജാമ്യത്തിലിറങ്ങാന്‍ കെട്ടിവച്ചത് ഒരു ലക്ഷം രൂപ...

By Vishnu

Updated: Friday, September 23, 2016, 11:58 [IST]

കാസര്‍കോട്: സംസ്ഥാനത്ത് വലിയ ഭിക്ഷാടന മാഫിയ സജീവമാണെന്ന് വാര്‍ത്തകള്‍ പുറത്ത് വരാന്‍ തുടങ്ങിയിട്ട് നാളുകളായി. നാടോടി സ്ത്രീകളടക്കം പിടിച്ചുപറിയും മോഷണവും നടത്തുന്ന വാര്‍ത്തകള്‍ ഓരോ ദിവസവും പുറത്ത് വരുന്നു. എന്നിട്ടും പോലീസ് അനങ്ങാപ്പാറ നയമാണ് സ്വീകരിക്കുന്നത്. വലിയ മാഫിയ തന്നെ ഇവര്‍ക്ക് പിന്നിലുണ്ടെന്നാണ് ആരോപണം. അതുകൊണ്ടാണത്രേ പോലീസ് ഇവരെ തൊടാത്തത്.

സൗമ്യവധക്കേസില്‍ ഗോവിന്ദച്ചാമിക്ക് വേണ്ടി ലക്ഷങ്ങള്‍ നല്‍കി വക്കീലിനെ വയ്ക്കാന്‍ വരെ ആളുണ്ടായി. അടുത്തിടെ കാസര്‍കോട് നിന്നും മാല തട്ടിയെടുത്ത കേസില്‍ നാടോടയി യുവതിയെ ജാമ്യത്തിലെടുക്കാനായി കെട്ടി വച്ചത് ഒരു ലക്ഷം രൂപയാണ്. ആരാണിവര്‍, എവിടെ നിന്നാണിത്ര പണം... ഇവര്‍ക്ക് പിന്നില്‍ ആരാണ്?

പിടിച്ച് പറി

കാസര്‍കോട് ചെര്‍ക്കളത്ത് ബസ്സില്‍ കയറുന്നതിനിടെ സ്ത്രീയുടെ താലിമാല പൊട്ടിച്ച കേസില്‍ അറസ്റ്റ് ചെയ്ത നാടോടി സ്ത്രീയെ ജാമ്യത്തിലിറക്കാന്‍ കെട്ടിവച്ച തുക എത്രയാണെന്നോ, നിങ്ങള്‍ ഞെട്ടും.

ജാമ്യത്തുക

ഒരുലക്ഷം രൂപ കെട്ടി വച്ചാണ് നാടോടി യുവതിയെ ജാമ്യത്തിലിറക്കിയത്. കോയമ്പത്തൂര്‍ ഉക്കടം നാലകത്തെരുവിലെ മാരിമുത്തു ആണ് ഒരു ലക്ഷം രൂപ കാസര്‍കോട് സിജെഎം കോടതിയില്‍ കെട്ടിവച്ചത്.

അഭിഭാഷകന്‍

എറണാകുളത്ത് നിന്നുള്ള ഒരു അഭിഭാഷകനാണ് യുവതിക്കായി ഹാജരായത്. ചൊവ്വാഴ്ച ഇവരെ രിമാന്‍ഡ് ചെയ്തപ്പോഴും ജാമ്യത്തിനായി ഹാജരായത് ഇയാളാണ്.

മാലപൊട്ടിക്കല്‍

2011 ഡിസംബറിലാണ് ബേക്കല്‍ കരിപ്പോടിയിലെ എംനാരായണിയുടെ താലിമാല പൊട്ടിച്ച് കടന്ന് കളഞ്ഞത്.

തൃശൂരിലും മോഷണം

തൃശൂരിലെ ചാലക്കുടിയില്‍ ബസ്റ്റാന്റില്‍ നിന്ന് മാല പൊട്ടിക്കാന്‍ ശ്രമിക്കവെയാണ് ഇവര്‍ പിടിയിലാകുന്നത്. ചോദ്യം ചെയ്യലില്‍ കാസര്‍കോട് മാലപൊട്ടിച്ചതും താനാണെന്ന് സമ്മതിച്ചു