'കോടതി പരാമര്ശം സുപ്രീംകോടതി മാര്ഗനിര്ദ്ദേശങ്ങള്ക്ക് കടകവിരുദ്ധം'; സിപിഎം
തിരുവനന്തപുരം: സിവിക് ചന്ദ്രന് മുന്കൂര് ജാമ്യം നല്കിയ കോടതി ഉത്തരവില് നടത്തിയ പരാമര്ശം ഏറെ ആശങ്കകള് ഉയര്ത്തുന്നതാണെന്ന് സിപിഎം. തങ്ങളുടെ മുന്നില് വരുന്ന വിഷയങ്ങളെ വിലയിരുത്തി ഉത്തരവ് നല്കുവാന് കോടതിക്ക് അവകാശമുണ്ട്. എന്നാല് ഈ കേസില് പരാതിക്കാരിയുടെ വസ്ത്ര ധാരണത്തെക്കുറിച്ച് നടത്തിയ കോടതിയുടെ പരാമര്ശം സുപ്രീംകോടതി മാര്ഗ്ഗ നിര്ദ്ദേശങ്ങള്ക്ക് കടകവിരുദ്ധമാണെന്നും സി പി എം സംസ്ഥാന സെക്രട്ടറിയേറ്റ് പ്രസ്തവാനയിൽ പറഞ്ഞു.
ഇത്തരം കേസുകളില് വിചാരണയില് കോടതി നടപടികളും അതിജീവിതക്ക് മാനസിക പ്രയാസങ്ങള് ഉണ്ടാക്കുന്നതാകരുതെന്ന സുപ്രീം കോടതി നിര്ദ്ദേശത്തിന് തീര്ത്തും കടകവിരുദ്ധവുമാണിത്. പരാതിക്കാരിയെ പ്രതിയുടെ അഭിഭാഷകന് ക്രോസ് വിസ്താരം നടത്തുമ്പോള്പോലും അവരെ അവഹേളിക്കുന്ന ചോദ്യങ്ങളോ, പരാമര്ശങ്ങളോ ഉണ്ടാകരുതെന്ന് സുപ്രീം കോടതി വ്യക്തമാക്കിയിരിക്കെയാണ് ഇത്തരമൊരു പരാമര്ശം ഉണ്ടായിരിക്കുന്നത്.
ഭരണഘടനയുടെ അനുച്ഛേദം 21 പ്രകാരം പൗരന് ഉറപ്പ് നല്കുന്ന വ്യക്തിസ്വാതന്ത്ര്യത്തിന് മേലുള്ള കടന്നുകയറ്റം കൂടിയാണ് വസ്ത്ര ധാരണത്തെ സംബന്ധിച്ചുള്ള കോടതി പരാമര്ശമെന്നും സി പി എം പറഞ്ഞു.
പരാതിക്കാരിയുടെ വസ്ത്രധാരണം ലൈംഗികമായി പ്രകോപിപ്പിക്കുന്നതാണെന്നാണ് കോടതിയുടെ വിചിത്ര വാദം.പരാതിക്കാരി പ്രകോപനപരമായ വസ്ത്രം ധരിച്ചതിനാൽ 354 എ വകുപ്പ് നിലനില്ക്കില്ലെന്നാണ് കോടതി കണ്ടെത്തല്. പ്രതിഭാഗം കോടതിയില് ഹാജരാക്കിയ ഫോട്ടോയില് യുവതിയുടെ വസ്ത്രധാരണം വ്യക്തമാണെന്നും 74 വയസുള്ള ശാരീരിക ശേഷിയില്ലാത്ത സിവിക് ചന്ദ്രന് പരാതിക്കാതിരെ ബലം പ്രയോഗിച്ച് പീഡിപ്പിച്ചു എന്ന് പറയുന്നത് വിശ്വസിക്കാന് കഴിയില്ലെന്നും കോടതി ഉത്തരവിൽ പറയുന്നുണ്ട്.
'കുറച്ച് ഗ്ലിറ്ററും ഗ്ലാമറും'; 'ഗോപിക ഈസ് ജസ്റ്റ് വാവ്'..വൈറലായി നടിയുടെ ചിത്രങ്ങൾ
Click it and Unblock the Notifications
Sign in with Google