ഒഴിയാതെ കൊറോണ ആശങ്ക; ഹോട്ട്സ്പോട്ടുകള് 355 ആയി, ഇന്ന് ആശുപത്രിയിലെത്തിയത് 483 പേര്
തിരുവനന്തപുരം: കേരളത്തില് ഇന്ന് കൊറോണ രോഗികള് 2000 കടന്നു. വീണ്ടും രോഗികളുടെ എണ്ണം വര്ധിക്കുന്നത് ആശങ്കയുണ്ടാക്കുന്നു. നിമയസഭാ തിരഞ്ഞെടുപ്പ് പ്രചാരണ സ്ഥലങ്ങളില് കൊറോണ മാനദണ്ഡങ്ങള് പാലിക്കാത്തത് ഏറെ വിമര്ശനത്തിന് ഇടയാക്കവെയാണ് രോഗ വ്യാപനം. ഇന്ന് ഒരു പുതിയ ഹോട്ട് സ്പോട്ടാണുള്ളത്. ഒരു പ്രദേശത്തേയും ഹോട്ട് സ്പോട്ടില് നിന്നും ഒഴിവാക്കിയിട്ടില്ല. നിലവില് ആകെ 355 ഹോട്ട് സ്പോട്ടുകളാണുള്ളത്.
പ്രധാനമന്ത്രിയുടെ ബംഗ്ലാദേശ് സന്ദര്ശനം, ചിത്രങ്ങള് കാണാം
സംസ്ഥാനത്ത് ഇന്ന് 2055 പേര്ക്കാണ് കോവിഡ്-19 സ്ഥിരീകരിച്ചത്. കോഴിക്കോട് 263, എറണാകുളം 247, കണ്ണൂര് 222, കോട്ടയം 212, തൃശൂര് 198, തിരുവനന്തപുരം 166, കൊല്ലം 164, മലപ്പുറം 140, പാലക്കാട് 103, പത്തനംതിട്ട 80, കാസര്ഗോഡ് 78, ആലപ്പുഴ 62, ഇടുക്കി 62, വയനാട് 58 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 52,288 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 3.93 ആണ്. 14 പേര് മരിച്ചു. ഇതോടെ ആകെ മരണം 4567 ആയി.
ഇന്ന് രോഗം സ്ഥിരീകരിച്ചവരില് 82 പേര് സംസ്ഥാനത്തിന് പുറത്ത് നിന്നും വന്നവരാണ്. 1773 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 175 പേരുടെ സമ്പര്ക്ക ഉറവിടം വ്യക്തമല്ല. 25 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. കാസര്ഗോഡ് 13, കണ്ണൂര് 3, കോഴിക്കോട് 2, തിരുവനന്തപുരം, കൊല്ലം, പത്തനംതിട്ട, ഇടുക്കി, തൃശൂര്, മലപ്പുറം, വയനാട് 1 വീതം ആരോഗ്യ പ്രവര്ത്തകര്ക്കാണ് രോഗം ബാധിച്ചത്.
രോഗം സ്ഥിരീകരിച്ച് ചികിത്സയിലായിരുന്ന 2084 പേരുടെ പരിശോധനാഫലം നെഗറ്റീവ് ആയി. 24,231 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 10,86,669 പേര് ഇതുവരെ കോവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 1,28,286 പേരാണ് ഇപ്പോള് നിരീക്ഷണത്തിലുള്ളത്. 483 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
Click it and Unblock the Notifications
Sign in with Google