Click it and Unblock the Notifications
Just In
Don't Miss
-
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
ശരീരത്തില് രക്തക്കുറവോ, തലചുറ്റല് സ്ഥിരമോ: ശീലമാക്കണം ഈ പാനീയങ്ങള് -
'ഇത്രയൊക്കെ പണം നയൻതാര മുടക്കാറുണ്ടോ... ലുക്കിൽ മാത്രമെ സിംപ്ലിസിറ്റിയുള്ളു'; ചർച്ചയായി നയൻതാരയുടെ വാച്ച്! -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഗുരുവായൂര്‍ ക്ഷേത്രത്തിലെ മര്‍ദ്ദനം; ജീവനക്കാര്‍ കുറ്റക്കാര്‍
തൃശൂര്‍: ഗുരുവായൂര്‍ ക്ഷേത്രത്തില്‍വെച്ച് അമ്മയെയും മകനെയും മര്‍ദ്ദിച്ച സംഭവത്തില്‍ ദേവസ്വം ബോര്‍ഡ് ജീവനക്കാര്‍ കുറ്റക്കാരാണെന്ന് അന്വേഷണ റിപ്പോര്‍ട്ട്. ഇതുസംബന്ധിച്ച് മനുഷ്യാവകാശ കമ്മീഷന്‍ ഐജി എസ്.ശ്രീജിത്ത് നടത്തിയ അന്വേഷണത്തിലാണ് ജീവനക്കാരര്‍ കുറ്റക്കാരാണെന്ന് കണ്ടെത്തിയത്. ഇതോടെ ക്ഷേത്രം ജീവനക്കാരായ അസിസ്റ്റന്റ് മാനേജര്‍ സുനില്‍കുമാര്‍, സെക്യൂരിറ്റി ജീവനക്കാരന്‍ രാധാകൃഷ്ണന്‍ എന്നിവര്‍ക്കെതിരെ നടപടിയുണ്ടാകുമെന്ന് ഉറപ്പായി.
കുറ്റക്കാരെന്ന് കണ്ടെത്തിയതിനെ തുടര്‍ന്ന് ഇവരോട് ജൂണ്‍ 22ന് മനുഷ്യാവകാശ കമ്മീഷന്റെ മുന്നില്‍ ഹാജരാകാന്‍ നിര്‍ദ്ദേശിച്ചിട്ടുണ്ട്. അന്നേദിവസം ഇവരില്‍ നിന്നും കമ്മീഷന്‍ വിശദീകരണം ആവശ്യപ്പെടുമെന്നാണ് കരുതുന്നത്. നേരത്തെ സംഭവം പുറത്തായപ്പോള്‍ തങ്ങള്‍ കുറ്റക്കാരല്ലെന്ന നിലപാടാണ് ജീവനക്കാര്‍ സ്വീകരിച്ചിരുന്നത്.
2014 ഫെബ്രുവരി 22നാണ് ക്ഷേത്ര ദര്‍ശനത്തിനെത്തിയ അമ്മയേയും ബുദ്ധിമാന്ദ്യമുള്ള മകനെയും ജീവനക്കാര്‍ മര്‍ദ്ദിച്ചത്. സംഭവത്തിന്റെ സിസിടിവി ദൃശ്യങ്ങള്‍ ചാനലുകള്‍ വഴി പുറത്തായതോടെയാണ് ജീവനക്കാരുടെ ക്രൂരത പുറലോകമറിഞ്ഞത്. ഏറെ വിവാദമായെങ്കിലും രാഷ്ട്രീയ സമ്മര്‍ദ്ദത്തെ തുടര്‍ന്ന് ജീവനക്കാര്‍ക്കെതിരെ കേസെടുത്തിരുന്നില്ല.
ഇതേ തുടര്‍ന്ന് മനുഷ്യാവകാശ കമ്മീഷന്‍ സ്വമേധയാ കേസെടുക്കുകയായിരുന്നു. അന്വേഷണത്തിനായി ഡിഐജിയെ ചുമതലപ്പെടുത്തുകയും ചെയ്തു. ഗുരുവായൂര്‍ ക്ഷേത്രത്തില്‍ ഭക്തര്‍ക്കെതിരെ ചിലര്‍ അക്രമം നടത്തുന്നത് പതിവു സംഭവമാണെന്ന് പലരും ആരോപിച്ചിരുന്നു. എന്നാല്‍ പലരും പരാതി നല്‍കാതെ മടങ്ങുകയാണ് പതിവ്.
