Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
നാവികസേനയിലെ അഴിമതി; ആശുപത്രിയിലാക്കിയ നാവികന് മാനസിക രോഗമില്ല
കൊച്ചി: നാവിക സേനയിലെ അഴിമതി ചൂണ്ടിക്കാട്ടിയ നാവിക ഉദ്യോഗസ്ഥന് സുനില്‍ കുമാര്‍ സാഹുവിന് മാനസിക രോഗമില്ലെന്ന് ഡോക്ടര്‍മാരുടെ റിപ്പോര്‍ട്ട്. ഇതോടെ ഉദ്യോഗസ്ഥന് മാനസിക രോഗമാണെന്ന സേനാ ഓഫീസര്‍മാരുടെ വാദം പൊളിഞ്ഞു. ഭര്‍ത്താവിനെ മാനസികരോഗം ആരോപിച്ച് ആശുപത്രിയിലാക്കിയിരിക്കുകയാണെന്ന ഭാര്യയുടെ പരാതിയെ തുടര്‍ന്നാണ് ഹൈക്കോടതി ഡോക്ടര്‍മാരുടെ റിപ്പോര്‍ട്ട് തേടിയത്.
അഴിമതി ചൂണ്ടിക്കാട്ടിയ ഭര്‍ത്താവിനെ സേന ഉദ്യോഗസ്ഥര്‍ എന്‍.എച്ച്.എസ് സഞ്ജീവനി ആശുപത്രിയിലെ മാനസിക രോഗവാര്‍ഡില്‍ അടച്ചിരിക്കുകയാണെന്നും ഭര്‍ത്താവിനെ വിട്ടുതരണമെന്നും കാട്ടിയാണ് ഭാര്യ ഹൈക്കോടതിയില്‍ ഹേബിയസ് കോര്‍പസ് ഹര്‍ജി സമര്‍പ്പിച്ചിരുന്നത്. ഈ ഹര്‍ജിയിലാണ് ഇപ്പോള്‍ നിര്‍ണായ തീരുമാനം ഉണ്ടായിരിക്കുന്നത്.
അതേസമയം, നാവികന് അപസ്മാര രോഗം ഉണ്ടെന്ന് ഡോക്ടര്‍മാര്‍ സ്ഥിതീകരിച്ചു. അപസ്മാരത്തിന് വിദഗ്ധ ചികിത്സ നല്‍കണമെന്നും നിര്‍ദ്ദേശിച്ചിട്ടുണ്ട്. നാവികനെ വിട്ടു നല്‍കണമെന്ന സേന ഉദ്യോഗസ്ഥരുടെ വാദം കോടതി തള്ളി. നാവികന് സേനയ്ക്ക് കളങ്കം വരുത്തിയെന്ന അഡീഷണല്‍ സോളിസിറ്റര്‍ ജനറലുടെ വാദവും കോടതി മുഖവിലയ്‌ക്കെടുത്തില്ല.
ജസ്റ്റീസുമാരായ വി.കെ മോഹനന്‍, കെ.ഹരിലാല്‍ എന്നിവരുടെ ബെഞ്ച്, ഡോക്ടര്‍മാരുടെ നിര്‍ദ്ദേശം അനുസരിച്ച് സാഹുവനെ ആശുപത്രിയില്‍ തന്നെ സംരക്ഷിക്കണമെന്ന് ഉത്തരവിട്ടു. കേസ് പരിഗണിക്കുമ്പോള്‍ കോടതിയില്‍ ഹാജരാക്കണമെന്നും നിര്‍ദ്ദേശിച്ചു. കൊച്ചി കോ ഓപറേറ്റീവ് മെഡിക്കല്‍ കോളജിലെ മനഃശാസ്ത്ര വിദഗ്ധന്റെ നേതൃത്വത്തിലുള്ള സംഘമാണ് നാവികനെ പരിശോധിച്ചത്.
