'മനോരമയുടെ മുഴുവൻ വിഷമവും സിൽവർ ലൈൻ വ്യാജ വാർത്തയിലേക്ക്', വിമർശിച്ച് വികെ സനോജ്
കണ്ണൂർ: മലയാള മനോരമ പത്രത്തിന് എതിരെ രൂക്ഷ വിമർശനവുമായി ഡിവൈഎഫ്ഐ സംസ്ഥാന സെക്രട്ടറി വികെ സനോജ്. സിൽവർ ലൈൻ വിഷയത്തിൽ പിണറായി വിജയന്റെ നിലപാട് സിപിഎം ജനറൽ സെക്രട്ടറി സീതാറാം യെച്ചൂരി തള്ളിക്കളഞ്ഞതായി മനോരമ വാർത്ത നൽകിയിരുന്നു. മനോരമ വാർത്ത നുണയാണെന്ന് വികെ സനോജ് ആരോപിക്കുന്നു.
വികെ സനോജിന്റെ പ്രതികരണം: '' സിൽവർ ലൈൻ വിരുദ്ധ വ്യാജ വാർത്തകളുടെ കാര്യത്തിൽ കോൺഗ്രസ്സിന്റെ നോട്ടീസ് ആയി മാറിയിരിക്കുകയാണ് മലയാള മനോരമ. കേരളത്തിന്റെ വികസനത്തിന് പുതിയ വേഗം പകരുന്ന സിൽവർ ലൈൻ പദ്ധതി പിണറായി സർക്കാർ നടപ്പാക്കാൻ പോകുന്നു എന്ന തിരിച്ചറിവ് ലഭിച്ച ദിവസം മുതൽ പദ്ധതിക്കെതിരെ വ്യാജ വാർത്തകളുമായി മലയാള മനോരമ രംഗത്തെത്തിയിരുന്നു.സി.പി.ഐ.(എം) പാർട്ടി കോൺഗ്രസ് ചർച്ച എന്ന പേരിൽ മുതലാളിയുടെ ആഗ്രഹങ്ങൾ പത്രത്തിലും ഓൺലൈൻ പതിപ്പിലും പടച്ചുവിട്ടു കൊണ്ടിരിക്കുകയാണ് മനോരമ പ്രവർത്തകർ.
സിൽവർലൈൻ പദ്ധതിയിൽ സിപിഐ(എം) കേന്ദ്ര - സംസ്ഥാന നേതൃത്വങ്ങൾ തമ്മിൽ അഭിപ്രായവ്യത്യാസമില്ലെന്നാണ് സിപിഐ(എം) ജനറൽ സെക്രട്ടറി സീതാറാം യെച്ചൂരി ആവർത്തിച്ചു വ്യക്തമാക്കിയത്. ഏത് ഭാഷയിലാണ് ഇനി പറയേണ്ടതെന്നാണ് സഖാവ് യെച്ചൂരി അവസാനമായി മാധ്യമപ്രവർത്തകരോട് ചോദിച്ചത്. കേരളത്തിൽ വികസനമുണ്ടാകാൻ പാടില്ല എന്ന നിലപാടുള്ള ഒരു സംഘമാണ് സിൽവർലൈൻ പദ്ധതി തകർക്കാൻ ശ്രമിക്കുന്നതെന്നാണ് മറ്റൊരു പി.ബി അംഗം എസ് രാമചന്ദ്രൻ പിള്ള പറഞ്ഞത്. ഇക്കാര്യത്തിൽ സഖാക്കൾ സീതാറാം യെച്ചൂരിയും പിണറായിയും പറയുന്നത് ഒരേ കാര്യമാണെന്ന് ആവർത്തിച്ചു പറഞ്ഞിട്ടും നുണകൾ ഒന്നാം പേജിൽ തന്നെ പ്രധാന വാർത്തയായി അച്ചു നിരത്തുന്നതിൽ മനോരമയ്ക്ക് ഒരുളുപ്പും തോന്നുന്നില്ല.
കേരളത്തിൽ കമ്യൂണിസ്റ്റ് സർക്കാർ അധികാരത്തിൽ വന്നാൽ വിഷം കഴിച്ചു ആത്മഹത്യ ചെയ്യുമെന്ന് പ്രഖ്യാപിച്ച കണ്ടത്തിൽ മാമ്മൻ മാപ്പിളയുടെ പിന്മുറക്കാർ ഇടതുഭരണത്തുടർച്ചയിൽ സമനില തെറ്റിയിരിക്കുകയാണ്. മനോരമ ഈ നിലയിൽ തുടരുന്നതിനാലാണ് കോൺഗ്രസ് മുഖപത്രം വീക്ഷണം ഗതി പിടിക്കാത്തത്.
പാർട്ടി കോൺഗ്രസ് വേദിയിൽ നിന്ന് കാല കാലങ്ങളായി ഭാവനാ സമ്പന്നമായി പുറത്തു വിട്ട കഥകൾക്ക് ഇക്കുറി അവസരം ലഭിക്കാഞ്ഞതിൽ മനോരമയുടെ മുഴുവൻ വിഷമവും സിൽവർ ലൈൻ വ്യാജ വാർത്തയിലേക്ക് കേന്ദ്രീകരിച്ചിരിക്കുകയാണ്.
സിൽവർ ലൈൻ പദ്ധതിയെക്കുറിച്ചുള്ള സംവാദങ്ങൾ കേരളത്തിൽ നടന്നു വരുന്നുണ്ട്. എല്ലാ അഭിപ്രായങ്ങളും പരിഗണിച്ചു കൊണ്ടും ആശങ്കകൾ പരിഹരിച്ചു കൊണ്ടും സംസ്ഥാന സർക്കാർ സിൽവർ ലൈൻ നടപ്പിലാക്കുക തന്നെ ചെയ്യും. യു.ഡി.എഫ് പ്രചരണത്തിന് പത്രക്കടലാസുകൾ മുഴുവനായി നീക്കി വച്ചിരിക്കുന്ന മനോരമ വിമോചന സമര കാലമല്ല ഇതെന്ന് ഓർത്താൽ നന്ന്. ഇടതു പാതയിലൂടെ കേരളം മുന്നോട്ട് പോകും. നിങ്ങളുടെ അജണ്ടകളെ ഈ നാട് ചവറ്റു കുട്ടയിൽ എറിയുകയും ചെയ്യും''
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google