ശബരിമലയിൽ പ്രവേശനം ഇരട്ടിയാക്കി, വെർച്വൽ ക്യൂവിലൂടെ 10,000 പേർക്ക് പ്രവേശനം
തിരുവനന്തപുരം: ശബരിമലയിൽ 10,000 പേർക്ക് പ്രവേശനം നൽകാൻ സർക്കാർ തീരുമാനം. ശബരിമലയിൽ 5000 ആളുകൾക്ക് വെർച്വൽ ക്യൂവിലൂടെ പോകാം എന്നായിരുന്നു നേരത്തെ നിശ്ചയിച്ചിരുന്നത്. അത് 10,000 ആക്കി വർധിപ്പിക്കാൻ ആണ് സർക്കാർ തീരുമാനിച്ചിരിക്കുന്നത്.
വിശേഷ ദിവസങ്ങളില് ആരാധനാലയങ്ങളില് 40 പേര്ക്ക് വരെ പ്രവേശനം അനുവദിക്കും. ആ എണ്ണം പാലിക്കാൻ ആരാധനാലയങ്ങളുടെ ചുമതലപ്പെട്ടവർ പ്രത്യേകം ശ്രദ്ധിക്കണം. ഒരു ഡോസ് വാക്സിനെങ്കിലും എടുത്തവര്ക്കാകണം പ്രവേശനം.
സംസ്ഥാനത്ത് ഇന്ന് 16,148 പേര്ക്കാണ് കോവിഡ്ബാധ സ്ഥിരീകരിച്ചത്. 1,50,108പേരെ പരിശോധിച്ചതിലാണിത്. പരിശോധനയുടെ എണ്ണം ഗണ്യമായി വര്ധിപ്പിച്ചിട്ടുണ്ട്. 114 പേരാണ് ഇന്ന് കോവിഡ് മൂലം മരണമടഞ്ഞത്. ഇപ്പോള് ആകെ 1,24,779 പേരാണ് ചികിത്സയിലുള്ളത്.
കോവിഡുമായി ബന്ധപ്പെട്ട ലോക്ക്ഡൗണ് അടക്കമുള്ള നിയന്ത്രണങ്ങള് കേരളത്തില് പലതരം പ്രതികരണങ്ങളാണുണ്ടാക്കുന്നത്. മാര്ച്ച് മധ്യത്തില് മറ്റ് സംസ്ഥാനങ്ങളില് ആരംഭിച്ച കോവിഡ് രണ്ടാംതരംഗം കേരളത്തില് അല്പം വൈകി മെയ് മാസത്തോടെയാണ് പ്രത്യക്ഷപ്പെട്ടത്. ഒരു ഘട്ടത്തില് ടെസ്റ്റ് പോസിറ്റിവിറ്റി നിരക്ക് 29 ശതമാനം വരെ ഉയര്ന്നിരുന്നു. രോഗികളുടെ എണ്ണം നാല്പതിനായിരത്തിന് മുകളിലായിരുന്നു. പിന്നീട് ടെസ്റ്റ് പോസ്റ്റിറ്റിവിറ്റി നിരക്ക് കുറഞ്ഞ് ഇപ്പോള് 10 ന് മുകളിലായി ഏതാനും ദിവസങ്ങളിലായി വലിയ മാറ്റമില്ലാതെ നില്ക്കുന്നു. രോഗികളുടെ എണ്ണം കുറഞ്ഞിട്ടുണ്ടെങ്കിലും ടി പി ആര് താഴാതെ സ്ഥിരതയോടെ നിലനില്ക്കുന്നു.
രോഗം അതിവേഗം വ്യാപിക്കുന്ന സാഹചര്യത്തില് രോഗലക്ഷണമുള്ളവരെയും രോഗികളുമായി സമ്പര്ക്കത്തിലേര്പ്പെടുന്നവരെയും പ്രധാനമായും ടെസ്റ്റ് ചെയ്യുന്ന ടാര്ഗറ്റഡ് ടെസ്റ്റിംഗ് രീതിയാണ് സംസ്ഥാനം പിന്തുടരുന്നത്. ഇങ്ങിനെ ചെയ്യുമ്പോള് സ്വാഭാവികമായും പോസിറ്റീവായവരെ കൂടുതല് കണ്ടെത്തുന്നത് കൊണ്ടാണ് ടെസ്റ്റ് പോസിറ്റിവിറ്റി നിരക്ക് വര്ധിച്ചിരിക്കുന്നത്.
Click it and Unblock the Notifications
Sign in with Google