ഗുരുവായൂരപ്പന് 36 പവന്റെ സ്വര്ണ കിരീടം..; സമര്പ്പിച്ചത് തമിഴ്നാട് സ്വദേശി, വിലയെത്രയെന്നോ!
കേരളത്തിലെ എന്നല്ല ദക്ഷിണേന്ത്യയില് തന്നെ ഏറ്റവും പ്രധാനപ്പെട്ട ക്ഷേത്രമാണ് ഗുരുവായൂര്. ഇന്ത്യയില് തിരുമല തിരുപ്പതി വെങ്കടേശ്വരക്ഷേത്രം, പുരി ജഗന്നാഥക്ഷേത്രം, ബദരീനാഥ് മഹാവിഷ്ണുക്ഷേത്രം എന്നിവ കഴിഞ്ഞാല് ഏറ്റവുമധികം തിരക്കുള്ള വൈഷ്ണവ ക്ഷേത്രവും കേരളത്തില് ഏറ്റവും കൂടുതല് ഭക്തര് പ്രതദിനം എത്തിച്ചേരുന്ന ക്ഷേത്രവും ഗുരുവായൂരാണ്.
ഇവിടത്തെ യഥാര്ത്ഥ പ്രതിഷ്ഠ ചതുര്ബാഹുവായ മഹാവിഷ്ണുവാണ്. എന്നാലും ഭഗവാന്റെ ഒന്പതാമത്തെ അവതാരമായ ശ്രീകൃഷ്ണന്റെ പേരിലാണ് ഈ ക്ഷേത്രത്തിന്റെ പ്രസിദ്ധി. ഗുരുവായൂരപ്പന് എന്നറിയപ്പെടുന്ന ഇവിടെയുള്ള മൂര്ത്തിയെ പൊതുവേ ഉണ്ണിക്കണ്ണന്റെ രൂപത്തിലാണ് ഭൂരിപക്ഷം ഭക്തരും ആരാധിയ്ക്കുന്നത്. ഗുരുവായൂര് ക്ഷേത്രത്തിലേക്ക് കോടീശ്വരന്മാര് വഴിപാട് സമര്പ്പിക്കുന്നത് പുതുമയുള്ള സംഭവമല്ല.
മുകേഷ് അംബാനി എല്ലാ വര്ഷവും ഗുരുവായൂര് ക്ഷേത്രത്തില് സകുടുംബം ദര്ശനം നടത്താറുണ്ട്. ക്ഷേത്രത്തിലെ വഴിപാടുകളില് എല്ലാം പങ്കെടുക്കാറുള്ള അംബാനി പലപ്പോഴും വിലപിടിപ്പുള്ള സാധനങ്ങള് ഗുരുവായൂരപ്പന് സമര്പ്പിച്ചിട്ടുമുണ്ട്. വാഹന നിര്മാതാക്കളായ മഹീന്ദ്ര ഗ്രൂപ്പിന്റെ ഉടമയായ ആനന്ദ് മഹീന്ദ്ര തങ്ങളുടെ ഥാര് വാഹനം ഗുരുവായൂരപ്പന് സമര്പ്പിച്ചിരുന്നു. ഇത് വര്ഷങ്ങള്ക്ക് മുമ്പാണ് ലേലത്തില് വെച്ചിരുന്നത്.
ഇപ്പോഴിതാ ഗുരുവായൂരപ്പന് വഴിപാട് സമര്പ്പണമായി 36 പവന് തൂക്കം വരുന്ന സ്വര്ണ കിരീടം സമര്പ്പിച്ചിരിക്കുകയാണ് തമിഴ്നാട് കല്ലാക്കുറിച്ചി സ്വദേശിയായ കുലോത്തുംഗന്. ചുരുങ്ങിയത് 25 ലക്ഷം രൂപയെങ്കിലും വില വരുന്നതാണ് കിരീടം. ഇന്നലെ രാവിലെ ഒമ്പതിന് കൊടിമരത്തിന് സമീപം നടന്ന ചടങ്ങിലായിരുന്നു സമര്പ്പണം. ദേവസ്വം ചെയര്മാന് ഡോ. വി കെ വിജയന് ആണ് സ്വര്ണം കിരീടം ഏറ്റ് വാങ്ങിയത്.
കുടുംബസമേതമായിരുന്നു കുലോത്തുംഗന് ഭഗവാന് കിരീടം സമര്പ്പിക്കുന്നതിനായി എത്തിയത്. കുലോത്തുംഗന്റെ ഭാര്യ രേണുകാദേവി, മക്കള് എന്നിവര്ക്ക് ദര്ശനം കഴിഞ്ഞതിന് ശേഷം കളഭം, കദളിപ്പഴം, പഞ്ചസാര, ചാര്ത്തിയ തിരുമുടിമാല, പട്ട് എന്നിവ അടങ്ങിയ ശ്രീഗുരുവായൂരപ്പന്റെ പ്രസാദകിറ്റ് നല്കി. ഗുരുവായൂര് ദേവസ്വത്തിന് സ്വന്തമായി ഒരു ടണ്ണിലേറെ സ്വര്ണം ഉണ്ട് എന്നാണ് കണക്ക്.
റിസര്വ് ബാങ്കിന്റെ സ്വര്ണ നിക്ഷേപ പദ്ധതിയില് മാത്രം 869 കിലോ സ്വര്ണം ഗുരുവായൂര് ദേവസ്വം നിക്ഷേപിച്ചിട്ടുണ്ട്. വിവിധ ദേശസാല്കൃത ബാങ്കുകളിലായി 2053 കോടി രൂപയുടെ സ്ഥിരനിക്ഷേപവും, 271 ഏക്കര് ഭൂമിയും ഗുരുവായൂര് ദേവസ്വത്തിന് ഉണ്ട്. അതേസമയം സ്വര്ണമടക്കമുള്ള ഈ സ്വത്തുക്കളുടെ മൂല്യനിര്ണയം ഇതുവരെ ഗുരുവായൂര് ദേവസ്വം നടത്തിയിട്ടില്ല എന്നാണ് വിവരം.
സ്ഥിരനിക്ഷേപം, സ്വര്ണ നിക്ഷേപം എന്നിവ വഴി എസ് ബി ഐയില് നിന്ന് മാത്രം ഓരോ വര്ഷവും പലിശയിനത്തില് കോടികളാണ് ഗുരുവായൂര് ദേവസ്വത്തിന് ലഭിക്കുന്നത്.
-
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
"യുദ്ധം പെട്ടെന്ന് അവസാനിക്കുമെന്ന് തോന്നുന്നില്ല, പെട്രോളും ഗ്യാസും ഡീസലും പഴയത് പോലെ കൊടുക്കില്ല" -
ബെംഗളൂരുവിലെ ഹെബ്ബാൾ മുതൽ സിൽക്ക് ബോർഡ് വരെ തുരങ്കപാത; 16.74 കി.മീ ദൈർഘ്യം, ചിലവ് 17,698 കോടി, വൈകുമോ? -
ബിജെപിയുടെ മൂന്നാംഘട്ട സ്ഥാനാർത്ഥി പട്ടിക പ്രഖ്യാപിച്ചു; കൃഷ്ണകുമാറിനെ ഒഴിവാക്കി, വിവേക് ഗോപൻ അരുവിക്കരയിൽ -
'ഞാൻ എഴുതിയ മോഹൻലാലിന്റെ പേരിലെ പുസ്തക പ്രകാശത്തിന് ക്ഷണിച്ചില്ല, പരിപാടി അലങ്കോലമായി'; ശാന്തിവിള ദിനേശ്
Click it and Unblock the Notifications
Sign in with Google