Click it and Unblock the Notifications
Just In
Don't Miss
-
ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ -
IPL 2024: 42ലും കിങ്, ഒരൊറ്റ ഓവറില് ധോണിക്ക് ഫിഫ്റ്റി! അപ്പോള് നേരത്തേ ഇറങ്ങിയാല് എന്താവും? -
ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ -
രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം -
കുറയാൻ മറന്നിട്ടില്ല, സംസ്ഥാനത്ത് സ്വർണവിലയിൽ നേരിയ കുറവ്, ഇന്നത്തെ നിരക്കറിയാം -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
ഹാദിയ കേസില്‍ രാഹുല്‍ ഈശ്വറിനെ അറസ്റ്റ് ചെയ്യുമോ? ഹൈക്കോടതി ഇടപെടല്‍!! പോലീസിന് തിരുത്ത്
കേസില്‍ അറസ്റ്റ് സാധ്യത രാഹുല്‍ ഈശ്വര്‍ മുന്‍കൂട്ടി കണ്ടിരുന്നു. അതുകൊണ്ടു തന്നെ അദ്ദേഹം മുന്‍കൂര്‍ ജാമ്യാപേക്ഷ ഹൈക്കോടതിയില്‍ സമര്‍പ്പിക്കുകയും ചെയ്തു.
Recommended Video
കൊച്ചി: കോളിളക്കം സൃഷ്ടിച്ച ഹാദിയ കേസില്‍ ഹിന്ദുത്വപ്രചാരകന്‍ രാഹുല്‍ ഈശ്വര്‍ അറസ്റ്റിലാകുമോ? ഹാദിയയെ വൈക്കത്തെ വീട്ടില്‍ ചെന്ന് സന്ദര്‍ശിച്ച വ്യക്തിയാണ് രാഹുല്‍ ഈശ്വര്‍. ഇതിന്റെ ഫോട്ടോകളും വീഡിയോകളും രാഹുല്‍ ഈശ്വര്‍ തന്നെ പുറത്തുവിട്ടിരുന്നു.
ഇതോടെയാണ് ഹാദിയയുടെ ഇപ്പോഴത്തെ അവസ്ഥ പുറത്തായത്. യുവതി ഇപ്പോഴും വീട്ടിലെ മുറിയില്‍ കഴിയുകയാണെന്നും പുറത്തിറങ്ങാന്‍ അനുവദിക്കുന്നില്ലെന്നും കേരള സമൂഹത്തിന് ബോധ്യമായ സംഭവവും ഇതായിരുന്നു. രാഹുല്‍ ഈശ്വര്‍ ഹാദിയയുടെ ഫോട്ടോകള്‍ പുറത്തുവിട്ടതാണ് അദ്ദേഹത്തിനെതിരായ കേസിന് ആധാരം.
അറസ്റ്റ് സാധ്യത
ഈ കേസില്‍ അറസ്റ്റ് സാധ്യത രാഹുല്‍ ഈശ്വര്‍ മുന്‍കൂട്ടി കണ്ടിരുന്നു. അതുകൊണ്ടു തന്നെ അദ്ദേഹം മുന്‍കൂര്‍ ജാമ്യാപേക്ഷ ഹൈക്കോടതിയില്‍ സമര്‍പ്പിക്കുകയും ചെയ്തു.
ചിത്രങ്ങള്‍ പകര്‍ത്തി
ഹാദിയയുടെ ചിത്രങ്ങള്‍ പകര്‍ത്തി സോഷ്യല്‍ മീഡിയയില്‍ പ്രചരിപ്പിച്ചെന്നാണ് രാഹുല്‍ ഈശ്വറിനെതിരായ കേസ്. ഹാദിയയുടെ പിതാവ് അശോകനാണ് പോലീസില്‍ പരാതി സമര്‍പ്പിച്ചത്.
അറസ്റ്റ് താല്‍ക്കാലികമായി തടഞ്ഞു
രാഹുല്‍ ഇശ്വറിന്റെ മുന്‍കൂര്‍ ജാമ്യാപേക്ഷ പരിഗണിച്ച ഹൈക്കോടതി അദ്ദേഹത്തിന്റെ അറസ്റ്റ് താല്‍ക്കാലികമായി തടഞ്ഞു. അടുത്ത വ്യാഴാഴ്ച വരെ രാഹുല്‍ ഈശ്വറിനെ അറസ്റ്റ് ചെയ്യരുതെന്നാണ് ഹൈക്കോടതി നിര്‍ദേശം.
പിഴവ് കോടതി ചൂണ്ടിക്കാട്ടി
പക്ഷേ, പോലീസ് രജിസ്റ്റര്‍ ചെയ്ത കേസിലെ പിഴവ് കോടതി ചൂണ്ടിക്കാട്ടി. വിശ്വാസ വഞ്ചന എന്ന വകുപ്പ് പ്രകാരമാണ് കേസെടുത്തിരിക്കുന്നത്. എന്നാല്‍ ഇതില്‍ എന്താണ് വിശ്വാസ വഞ്ചന എന്ന ചോദ്യം സ്വാഭാവികമാണ്.
ഐടി നിയമത്തിന് കീഴില്‍
രാഹുല്‍ ഈശ്വറിനെതിരേ വിശ്വാസ വഞ്ചനയ്ക്ക് കേസ് നിലനില്‍ക്കില്ലെന്ന് ഹൈക്കോടതി ചൂണ്ടിക്കാട്ടി. ആരോപിക്കപ്പെട്ട കുറ്റം ഐടി നിയമത്തിന് കീഴില്‍ വരുന്നതാണെന്നും കോടതി വ്യക്തമാക്കി.
അഖില എന്ന ഹാദിയ
അഖില എന്ന വൈക്കം സ്വദേശിയാണ് പിന്നീട് ഇസ്ലാം സ്വീകരിച്ച് ഹാദിയ എന്ന പേര് മാറ്റിയത്. പിന്നീട് ഇവര്‍ കൊല്ലം സ്വദേശി ഷെഫിന്‍ ജഹാന്‍ എന്ന യുവാവിനെ വിവാഹം ചെയ്തു. ഈ വിവാഹം ഹൈക്കോടതി റദ്ദാക്കിയതോടെയാണ് വിവാദത്തിന് തുടക്കം.
വിവാഹം റദ്ദാക്കിയത്
ഹാദിയയുടെ രക്ഷിതാവിന്റെ സമ്മതമില്ലാതെ നടന്ന വിവാഹം നിയമപരമല്ല എന്ന് ചൂണ്ടിക്കാട്ടിയാണ് ഹൈക്കോടതി വിവാഹം റദ്ദാക്കിയത്. തുടര്‍ന്ന് ഹാദിയയോട് അവരുടെ പിതാവിന്റെ കൂടി താമസിക്കാന്‍ നിര്‍ദേശിക്കുകയും ചെയ്തു.
പോലീസ് ബലം പ്രയോഗിച്ചു
ഹാദിയക്ക് ഇഷ്ടമില്ലാതെയാണ് രക്ഷിതാക്കള്‍ക്കൊപ്പം താമസിക്കുന്നതെന്ന് നേരത്തെ റിപ്പോര്‍ട്ടുകളുണ്ടായിരുന്നു. കൊച്ചിയില്‍ നിന്ന് ബലം പ്രയോഗിച്ചാണ് പോലീസ് അവരെ കോട്ടയം വൈക്കത്തെ വീട്ടിലെത്തിച്ചത്.
ആരെയും അനുവദിക്കുന്നില്ല
ഹാദിയയെ സന്ദര്‍ശിക്കാന്‍ പോലീസ് ആരെയും അനുവദിക്കുന്നില്ല. സദാ സമയം പോലീസ് കാവലിലാണ് ഹാദിയയുടെ വീട്. ആരെങ്കിലും കാണാന്‍ ചെന്നാല്‍ അടുത്ത വീട്ടില്‍ ഇരുത്തി ഹാദിയയുടെ പിതാവ് അങ്ങോട്ട് ചെല്ലുകയാണ് ചെയ്യുന്നത്.
കാണാന്‍ വന്ന യുവതികള്‍
ഈ സാഹചര്യത്തിലാണ് ഒരു കൂട്ടം യുവതികള്‍ ഹാദിയയെ കാണാന്‍ വന്നത്. മധുരവും പുസ്തകങ്ങളുമായെത്തിയ യുവതികളെ ഹാദിയയുടെ അച്ഛന്‍ വീട്ടില്‍ കയറാന്‍ അനുവദിച്ചില്ല. പോലീസും ഇവരെ തടഞ്ഞു. തുടര്‍ന്ന് യുവതികള്‍ ഫേസ്ബുക്ക് ലൈവിലൂടെ വിവരം പുറത്തുവിട്ടിരുന്നു.
രാഹുല്‍ ഈശ്വര്‍ ചെയ്തത്
ഈ സാഹചര്യത്തിലാണ് രാഹുല്‍ ഈശ്വര്‍ ഹാദിയയെ വീട്ടില്‍ ചെന്ന് കണ്ടത്. ഹാദിയയുടെ മാതാവ് സംസാരിക്കുന്നതും പിതാവിനൊപ്പം ഹാദിയ ഇരിക്കുന്നതുമായ ചിത്രങ്ങളാണ് പുറത്തുവന്നത്.
സോഷ്യല്‍ മീഡിയയില്‍ പ്രചരിച്ചു
ഹാദിയയുടെ അമ്മയും ഹാദിയയും സംസാരിക്കുന്ന വീഡിയോയും രാഹുല്‍ ഈശ്വര്‍ റെക്കോര്‍ഡ് ചെയ്തിരുന്നു. ഇത് സോഷ്യല്‍ മീഡിയയില്‍ പ്രചരിച്ചതോടെയാണ് ഹാദിയയുടെ ഇപ്പോഴത്തെ അവസ്ഥ എല്ലാവരും അറിഞ്ഞത്.
കടുത്ത മര്‍ദ്ദനം
ഹാദിയക്ക് കടുത്ത മര്‍ദ്ദനം ഏല്‍ക്കുന്നുവെന്നും പിന്നീട് റിപ്പോര്‍ട്ടുകള്‍ വന്നു. ഈ സാഹചര്യത്തിലാണ് അശോകന്‍ രാഹുല്‍ ഈശ്വറിനെതിരേ വിശ്വാസ വഞ്ചനയ്ക്ക കേസ് കൊടുത്തത്. ഈ കേസില്‍ വ്യാഴാഴ്ച വരെ അറസ്റ്റ് ചെയ്യരുതെന്ന് ഹൈക്കോടതി നിര്‍ദേശിച്ചിരിക്കുകയാണിപ്പോള്‍.
