സ്ഥിരമായി ചാര്ട്ടേഡ് ഫ്ളൈറ്റ്; പ്രവാസികള് ചിരി തുടങ്ങിയിട്ട് ഇപ്പോഴും നിര്ത്തിയിട്ടില്ലെന്ന് കെ സുധാകരന്
വ്യോമയാന മന്ത്രാലയത്തിന്റെ ഉള്പ്പെടെയുള്ള അനുമതികള് വേണ്ട ഈ പദ്ധതിയെ കെ റെയില്പോലത്തെ അപ്രായോഗിക പദ്ധതിയായി പ്രവാസികള് കരുതുന്നു.
തിരുവനന്തപുരം: സംസ്ഥാന സര്ക്കാരിന്റെ ബജറ്റ് പ്രവാസികളെ വറചട്ടിയില് നിന്ന് എരിതീയിലേക്ക് വലിച്ചെറിഞ്ഞെന്ന് കെ പി സി സി പ്രസിഡന്റ് കെ സുധാകരന് എം പി. പ്രവാസി ലോകത്ത് ബജറ്റിനെതിരേ ആഞ്ഞടിക്കുന്ന ജനവികാരം മനസിലാക്കാന് കരിമ്പൂച്ചകള്ക്കിടയില് നിന്ന് മുഖ്യമന്ത്രി വല്ലപ്പോഴും പുറത്തുവരണം. പ്രവാസി സംഘടനകള് അതിശക്തമായ സമരവുമായി രംഗത്തുവരും. അവരുടെ നീറുന്ന മനസും പുകയുന്ന പ്രതിഷേധവും കണക്കിലെടുത്ത് സര്ക്കാര് ബജറ്റ് അന്തിമമാക്കുന്നതിനു മുമ്പ് ഉദാരപൂര്വമായ സമീപനം സ്വീകരിക്കണം.
പ്രവാസികള്ക്ക് സ്ഥിരമായി ചാര്ട്ടേഡ് ഫ്ളൈറ്റ് ഏര്പ്പാടാക്കുമെന്ന പ്രഖ്യാപനം കേട്ട് പ്രവാസികള് ചിരി തുടങ്ങിയിട്ട് ഇപ്പോഴും നിര്ത്തിയിട്ടില്ല. വ്യോമയാന മന്ത്രാലയത്തിന്റെ ഉള്പ്പെടെയുള്ള അനുമതികള് വേണ്ട ഈ പദ്ധതിയെ കെ റെയില്പോലത്തെ അപ്രായോഗിക പദ്ധതിയായി പ്രവാസികള് കരുതുന്നു. ഒന്നിലധികം വീടുള്ളവര്ക്കും ഒഴിഞ്ഞു കിടക്കുന്ന വീടുകള്ക്കും ഏര്പ്പെടുത്തുന്ന കെട്ടിട നികുതി ഏറ്റവുമധികം ബാധിക്കുക പ്രവാസികളെയാണ്. ഭൂമിയുടെ ന്യായവില വര്ധനവും ഇവരെ സാരമായി ബാധിക്കും.
കേരളത്തില് എത്ര പ്രവാസികള് മടങ്ങിയെത്തിയെന്ന കണക്ക് സര്ക്കാരിനില്ലെങ്കിലും 15 ലക്ഷം പേര് എത്തിയെന്നാണ് കരുതപ്പെടുന്നത്. ഇവരില് വെറും 30,808 പേര്ക്കാണ് നോര്ക്ക് വെല്ഫെയല് ബോര്ഡ് പ്രവാസി പെന്ഷന് നല്കുന്നത്. കോവിഡ് മൂലം മടങ്ങിയെത്തിയവര്ക്ക് സംരംഭങ്ങള് തുടങ്ങാനുള്ള ധനസഹായം നല്കിയത് 5010 പേര്ക്കു മാത്രം. പ്രവാസികളുടെ പുനരധിവാസത്തിനുള്ള സ്വയം തൊഴില് പദ്ധതി പ്രകാരം 2020ല് 1000 പേര്ക്കും 2022 ഒക്ടോബര് വരെ 600 പേര്ക്കും മാത്രമാണ് സഹായം നല്കിയത്. 2021-22ലെ സാമ്പത്തിക സര്വെയിലുള്ള ഈ കണക്കുകള് സര്ക്കാരിന്റെ കണ്ണു തുറപ്പിക്കണം.
പ്രവാസികളില് നിന്ന് ഏറ്റവുമധികം പണം ലഭിക്കുന്ന രാജ്യങ്ങളില് ഇന്ത്യ ഒന്നാമതാണ്. എന്നാല് ഇന്ത്യയില് ഒന്നാം സ്ഥാനത്തായിരുന്ന കേരളത്തെ പിന്തള്ളി മഹാരാഷ്ട്ര ഒന്നാമതെത്തി. സര്ക്കാരില് നിന്ന് യാതൊരു സഹായവും പ്രതീക്ഷിക്കാനില്ലാത്തതുകൊണ്ട് സ്വന്തമായി എന്തെങ്കിലും തുടങ്ങാന് ആഗ്രഹിക്കുന്ന ഇവരെ ആന്തൂര് അനുഭവങ്ങളാണ് കാത്തിരിക്കുന്നത്. ഇവരുടെ സംരംഭങ്ങള്ക്ക് സംരക്ഷണം നല്കുമെന്ന പ്രഖ്യാപനം പോലും ഉണ്ടായില്ല. പ്രവാസികളോട് കാട്ടുന്ന കൊടിയ വഞ്ചനയില് മനംനൊന്ത് ഇപ്പോള് വിദേശത്തുപോകുന്ന യുവതലമുറ കേരളത്തിലേക്കു മടങ്ങിവരാന് പോലും തയാറല്ലെന്ന് സുധാകരന് ചൂണ്ടിക്കാട്ടി.
അതേസമയം, കേരള സര്ക്കാര് ബജറ്റിലൂടെ നടത്തിയ ജനദ്രോഹ നടപടികള്ക്കും നികുതി കൊള്ളയ്ക്കും എതിരെ കേരളം സ്തംഭിപ്പിക്കുന്ന പ്രക്ഷോഭം കോണ്ഗ്രസ് സംഘടിപ്പിക്കുമെന്ന് കെപിസിസി ജനറല് സെക്രട്ടറി ടി.യു.രാധാകൃഷ്ണന്.ഫെബ്രുവരി 7ന്( ചൊവ്വാഴ്ച)ഡിസിസികളുടെ നേതൃത്വത്തില് തിരുവനന്തപുരത്ത് സെക്രട്ടറിയേറ്റിലേക്കും മറ്റു ജില്ലകളില് കളക്ട്രേറ്റുകളിലേക്കും പ്രതിഷേധ മാര്ച്ച് സംഘടിപ്പിക്കുമെന്നും അദ്ദേഹം അറിയിച്ചു.
ജനത്തിന്റെ നടുവൊടിക്കുന്ന നികുതി നിര്ദ്ദേശങ്ങള് പിന്വലിക്കുന്നത് വരെ അതിശക്തമായ സമരപരിപാടികളാണ് കെപിസിസി ആസൂത്രണം ചെയ്യുന്നത്. കേരളത്തിന്റെ ചരിത്രത്തില് ഇതുപോലൊരു നികുതി വര്ധനവ് ഉണ്ടായിട്ടില്ല. അതുകൊണ്ട് തന്നെ കേരളം ഇതുവരെ കാണാത്തതിലും വലിയ പ്രക്ഷോഭമായിരിക്കും ഉണ്ടാകാന് പോകുന്നതെന്നും ടി.യു.രാധാകൃഷ്ണന് പറഞ്ഞു.
-
ഡൽഹിയും മുംബൈയും തകർക്കും; ഭീഷണി മുഴക്കി മുൻ പാകിസ്ഥാൻ ഹൈക്കമ്മീഷണർ. -
കിടിലൻ ഐഡിയ; ഇവി ചാർജിങ് സ്റ്റേഷൻ ബിസിനസ്സിലൂടെ ലക്ഷങ്ങൾ വരുമാനം -
പാലക്കാട് ഐഐടിയില് ഒഴിവുകള്; ശമ്പളം 1.12 ലക്ഷം വരെ, നിങ്ങള് യോഗ്യരാണോ? -
റെയിൽടെൽ കോർപ്പറേഷനിൽ ഒഴിവുകൾ: ആർക്കൊക്കെ അപേക്ഷിക്കാം..അറിയാം -
സ്വര്ണത്തിന് റെക്കോഡ് ഇടിവ്, 17% വില കുറഞ്ഞു..! വെള്ളിക്ക് കുറഞ്ഞത് 42%; ഇപ്പോള് വില്ക്കല്ലേ..! -
'ഇത്രയും നാൾ മോഹൻലാലിന് കൊടുത്തില്ലേ, ഇനിയും അങ്ങനെ മതി, മമ്മൂട്ടി ആ അവാർഡ് നിരസിച്ചു', ശ്രീനിവാസൻ പറഞ്ഞത് -
2011 ന് ശേഷമുള്ള ഏറ്റവും വലിയ ഇടിവില് സ്വര്ണം..! 2008 ലെ ഇടിവിനേക്കാള് കൂടുതല്! സംഭവിക്കുന്നതെന്ത്? -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം
Click it and Unblock the Notifications
Sign in with Google