കരിപ്പൂര് വിമാനത്താവളം അടച്ചുപൂട്ടിയേക്കും? കോടിക്കണക്കിന് രൂപയുടെ നഷ്ടം! ചിറകരിയുന്നത് ഡിജിസിഎ....
2016-17 സാമ്പത്തിക വര്ഷത്തില് 4.6 കോടി രൂപയുടെ നഷ്ടമാണ് രേഖപ്പെടുത്തിയിരിക്കുന്നത്.
കോഴിക്കോട്: കരിപ്പൂര് വിമാനത്താവളത്തിന്റെ നഷ്ടം വര്ദ്ധിക്കുന്നതായി റിപ്പോര്ട്ട്. 2015-16 സാമ്പത്തിക വര്ഷത്തില് 1.35 കോടി രൂപയായിരുന്നു വിമാനത്താവളത്തിന്റെ നഷ്ടമെങ്കില്, കഴിഞ്ഞ സാമ്പത്തിക വര്ഷത്തെ നഷ്ടം കുതിച്ചുയര്ന്നെന്നാണ് കണക്കുകള് സൂചിപ്പിക്കുന്നത്. 2016-17 സാമ്പത്തിക വര്ഷത്തില് 4.6 കോടി രൂപയുടെ നഷ്ടമാണ് രേഖപ്പെടുത്തിയിരിക്കുന്നത്.
വലിയ വിമാനങ്ങള്ക്ക് ഇറങ്ങാനുള്ള അനുമതി നിഷേധിച്ചതാണ് കരിപ്പൂര് വിമാനത്താവളത്തിന്റെ നഷ്ടം വര്ദ്ധിക്കാനിടയായത്. വിമാനത്താവളത്തിന്റെ ആദ്യഘട്ട നവീകരണ പ്രവര്ത്തികള് പൂര്ത്തിയായിട്ടുണ്ടെങ്കിലും വലിയ വിമാനങ്ങളിറക്കാന് ഡിജിസിഎ ഇനിയും അനുമതി നല്കിയിട്ടില്ല. ഇതുകാരണമാണ് യാത്രക്കാരുടെ എണ്ണം വര്ദ്ധിച്ചിട്ടും നഷ്ടം കൂടാനിടയായത്.
4.6 കോടി രൂപയുടെ നഷ്ടം...
2015-16 സാമ്പത്തിക വര്ഷം 1.35 കോടി രൂപയായിരുന്നു നഷ്ടം. എന്നാല് ഒരു വര്ഷം പിന്നിട്ടപ്പോള് നഷ്ടക്കണക്ക് വര്ദ്ധിച്ചു. കഴിഞ്ഞ സാമ്പത്തിക വര്ഷം മാത്രം 4.6 കോടി രൂപയുടെ നഷ്ടമാണുണ്ടായിരിക്കുന്നത്.
പക്ഷേ, ചെലവും വര്ദ്ധിച്ചു...
കരിപ്പൂര് വിമാനത്താവളം വഴി യാത്ര ചെയ്യുന്നവരുടെ എണ്ണത്തില് ക്രമാതീതമായ വര്ദ്ധനവുണ്ടായിട്ടും, വിമാനത്താവളത്തിന്റെ ചെലവ് വര്ദ്ധിച്ചതാണ് നഷ്ടം കൂടാനിടയാക്കിയത്. കഴിഞ്ഞ സാമ്പത്തിക വര്ഷം 130 കോടി രൂപ വരുമാനവും, 135 കോടി രൂപ ചെലവുമാണുണ്ടായത്.
വിട്ടുവീഴ്ചയില്ലാതെ ഡിജിസിഎ...
വലിയ വിമാനങ്ങളുടെ സര്വ്വീസ് നിലച്ചതാണ് ഒരുകാലത്ത് ലാഭത്തിലായിരുന്ന കരിപ്പൂര് വിമാനത്താവളത്തെ നഷ്ടത്തിലേക്ക് നയിച്ചതെന്നാണ് വിലയിരുത്തുന്നത്. എന്നാല് റണ്വേയുടെ നീളം വര്ദ്ധിപ്പിച്ചതിന് ശേഷം മാത്രമേ വലിയ വിമാനമിറങ്ങാന് അനുമതി നല്കുവെന്നാണ് ഡിജിസിഎയുടെ നിലപാട്.
ആശങ്കയോടെ പ്രവാസികള്...
റണ്വേയുടെ നീളം വര്ദ്ധിപ്പിക്കണമെങ്കില് ഇനിയും സ്ഥലമേറ്റെടുക്കണം. എന്നാല് പ്രദേശവാസികളുടെ എതിര്പ്പ് കാരണം സ്ഥലമേറ്റെടുക്കല് നടപടികള് നിലച്ചിരിക്കുകയാണ്. കോടിക്കണക്കിന് രൂപയുടെ നഷ്ടത്തില് പ്രവര്ത്തിക്കുന്ന വിമാനത്താവളം അടച്ചുപൂട്ടുമോ എന്ന ആശങ്കയിലാണ് പ്രവാസികളും നാട്ടുകാരും.
കരിപ്പൂരിന് താഴുവീഴും?
കണ്ണൂര് വിമാനത്താവളം തുറന്നാല് കരിപ്പൂരിലെ യാത്രക്കാരുടെ എണ്ണം കുത്തനെ കുറയുമെന്നത് തീര്ച്ചയാണ്. അങ്ങനെയാണെങ്കില് ഭീമമായ നഷ്ടത്തില് പ്രവര്ത്തിക്കുന്ന കരിപ്പൂര് വിമാനത്താവളത്തെ പാടെ അവഗണിക്കുകയോ, അടച്ചുപൂട്ടുകയോ ചെയ്യുമോ എന്നാണ് യാത്രക്കാരുടെയും ആശങ്ക.
-
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം
Click it and Unblock the Notifications
Sign in with Google