വട്ടിയൂർക്കാവിൽ തുറുപ്പുചീട്ടുമായി സിപിഎം! 'മേയർ ബ്രോ' വികെ പ്രശാന്ത് സ്ഥാനാർത്ഥിയാകും
തിരുവനന്തപുരം: ഉപതിരഞ്ഞെടുപ്പില് വട്ടിയൂര്ക്കാവ് മണ്ഡലത്തില് ശക്തമായ പോരാട്ടത്തിനൊരുങ്ങി സിപിഎം. ഈ പ്രളയകാലത്ത് കേരളത്തിന് മുഴുവന് മാതൃകയായി മാറിയ തിരുവനന്തപുരം മേയര് വികെ പ്രശാന്തിനെ വട്ടിയൂര്ക്കാവില് മത്സരിപ്പിക്കാന് സിപിഎം തീരുമാനിച്ചു.
സിപിഎം സംസ്ഥാന സമിതിയുടെ നിര്ദ്ദേശം എല്ഡിഎഫ് കണ്വീനര് എ വിജയരാഘവന് സിപിഎം ജില്ലാ സെക്രട്ടേറിയറ്റില് റിപ്പോര്ട്ട് ചെയ്തു. സ്ഥാനാര്ത്ഥിയാകാന് തയ്യാറെടുക്കാൻ പ്രശാന്തിനോട് മുതിര്ന്ന നേതാക്കള് വ്യക്തിപരമായും സംസാരിച്ചിട്ടുണ്ട് എന്നാണ് റിപ്പോര്ട്ടുകള്.
കഴിഞ്ഞ നിയമസഭ തിരഞ്ഞെടുപ്പില് സിപിഎം വലിയ തിരിച്ചടി നേരിട്ട മണ്ഡലം ആയിരുന്നു വട്ടിയൂര്ക്കാവ്. കോണ്ഗ്രസിന്റെ കെ മുരളീധരന് വിജയിച്ചപ്പോള് ബിജെപിയുടെ കുമ്മനം രാജശേഖരനും പിന്നില് മൂന്നാം സ്ഥാനത്തായിരുന്നു സിപിഎം സ്ഥാനാര്ത്ഥി ടിഎന് സീമ. ഈ പരാജയം സിപിഎമ്മിനുള്ളില് തന്നെ വലിയ വിവാദങ്ങള്ക്ക് വഴിവയ്ക്കുകയും ചെയ്തിരുന്നു.
ലോക്സഭ തിരഞ്ഞെടുപ്പില് കെ മുരളീധരന് വടകരയില് നിന്ന് മത്സരിച്ച് വിജയിച്ച സാഹചര്യത്തില് ആണ് വട്ടിയൂര്ക്കാവില് ഉപതിരഞ്ഞെടുപ്പ് നടക്കുന്നത്. വടകരയില് മുരളിയെ ജയിക്കാന് ബിജെപിയുമായി ധാരണയുണ്ടാക്കിയെന്ന രീതിയില് ആരോപണങ്ങള് ഉണ്ടായിരുന്നു. ഇതിന് പകരമായി വട്ടിയൂര്ക്കാവില് കോണ്ഗ്രസ് ബിജെപിയെ സഹായിക്കും എന്ന രീതിയിലും ചില പ്രചാരണങ്ങള് ഉണ്ടായിരുന്നു.
വികെ പ്രശാന്തിനെ മത്സരിപ്പിക്കുന്നതിലൂടെ ശക്തമായ പോരാട്ടം നടത്താനാണ് സിപിഎം ലക്ഷ്യമിടുന്നത് എന്ന് വ്യക്തമാണ്. കഴിഞ്ഞ പ്രളയകാലത്തായിരുന്നു വികെ പ്രശാന്ത് എന്ന തിരുവനന്തപുരം മേയര് കേരളത്തിന്റെ മൊത്തം 'മേയര് ബ്രോ' ആയി മാറിയത്. വടക്കന് കേരളത്തില് പ്രളയം നാശം വിതച്ചപ്പോള് തെക്കന് കേരളത്തില് നിന്ന് സഹായം എത്തുന്നില്ലെന്നായിരുന്നു ആദ്യം ഉയര്ന്ന ആരോപണം. ലോഡുകണക്കിന് ദുരിതാശ്വാസ സാമഗ്രികള് കയറ്റി അയച്ചുകൊണ്ടായിരുന്നു വികെ പ്രശാന്തിന്റെ നേതൃത്വത്തില് തിരുവനന്തപുരത്തുകാര് ഇതിനോട് പ്രതികരിച്ചത്.
ഇതോടെ കേരളം മുഴുവന് വികെ പ്രശാന്ത് ആഘോഷിക്കപ്പെടുകയും ചെയ്തു. ഈ ഒരു പ്രതിച്ഛായ വട്ടിയൂര്ക്കാവില് അനുകൂലം ആകും എന്ന പ്രതീക്ഷയില് ആണ് സിപിഎം. വട്ടിയൂര്ക്കാവിലെ കോണ്ഗ്രസ് , ബിജെപി സ്ഥാനാര്ത്ഥികളുടെ കാര്യത്തില് ഇതുവരെ അന്തിമ തീരുമാനം ആയിട്ടില്ല.
-
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
പത്തനംതിട്ടയിൽ അഞ്ചിടത്തും പഞ്ചതന്ത്രം പയറ്റി മുന്നണികൾ -
‘ഒന്ന് മാറിത്തന്നൂടെ...’- ഇനി അപരന്മാർക്ക് ഡിമാന്റുള്ള രണ്ടുനാൾ -
ത്രികോണപ്പോര് മുറുകി തലസ്ഥാന ജില്ല, മൂന്ന് ഹോട്ട്സ്പോട്ടുകൾ -
വി.എം. സുധീരനെ അപരൻ ‘തോൽപ്പിച്ചപ്പോൾ...’ -
‘ചാഞ്ചാട്ട’ മണ്ഡലങ്ങൾ പത്ത്- എൽഡിഎഫിന് ഏഴ്, യുഡിഎഫിന് മൂന്ന്, അഞ്ചിടത്ത് രണ്ടാമതെത്തിയത് എൻഡിഎ -
സാങ്കേതിക പിഴവ്; ബിജെപി സീലിൽ വിശദീകരണവുമായി തിരഞ്ഞെടുപ്പ് കമ്മീഷൻ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
'സ്വർണ വില പവന് ഇനി 30,000 രൂപ വരെ കുറയും'; 18 കാരറ്റ് വേണ്ട, 22 കാരറ്റ് തന്നെ വില കുറച്ച് വാങ്ങാം
Click it and Unblock the Notifications
Sign in with Google