Kerala Gold Rate Today: താഴാന് മടിച്ച് സ്വര്ണം; നേരിയ വിലക്കുറവ് മാത്രം, ഇന്നത്തെ പവന്, ഗ്രാം സ്വര്ണ വില
കൊച്ചി: കേരളത്തില് ഇന്നും സ്വര്ണവിലയില് നേരിയ ഇടിവ്. ചൊവ്വാഴ്ച 120 രൂപ കുറഞ്ഞ പിന്നാലെ ഇന്ന് 200 രൂപ കുറഞ്ഞു. തിങ്കളാഴ്ച വലിയ കുതിപ്പ് നടത്തിയിരുന്നു. വില കൂടുന്ന വേഗതയില് കുറയുന്നില്ല എന്നതാണ് എടുത്തു പറയേണ്ടത്. ആഗോള വിപണിയില് സംഭവിക്കുന്ന പുതിയ മാറ്റങ്ങളാണ് സ്വര്ണവിപണിയിലെ മന്ദഗതിക്ക് കാരണം. യുദ്ധം അവസാനിച്ചെങ്കിലും ചില ആശങ്കകള് ഇപ്പോഴും ബാക്കിയാണ്.
ആഗോള വിപണിയില് ക്രൂഡ് ഓയില് വില കുറഞ്ഞു വരികയാണ്. ആനുപാതികമായി ഡോളര് സൂചികയും ഇടിഞ്ഞു. ഇതേ തുടര്ന്ന് രൂപയുടെ മൂല്യം നേരിയ തോതില് മുന്നേറുന്നുണ്ട്. ഡോളര് സൂചിക കുറയുമ്പോള് സ്വര്ണവില ഉയരേണ്ടതാണ്. മറ്റു കറന്സികള് ഉപയോഗിച്ചുള്ള സ്വര്ണം വാങ്ങല് വര്ധിക്കാനുള്ള സാധ്യതയുണ്ട്. എന്നാല് പശ്ചിമേഷ്യയിലെ യുദ്ധാനന്തര വിപണി സാഹചര്യം സുസ്ഥിരമായി എന്ന് നിക്ഷേപകര് വിശ്വസിക്കുന്നില്ല.
ഈ സാഹചര്യത്തിലാണ് സ്വര്ണവിലയില് വലിയ മാറ്റങ്ങള് സംഭവിക്കാത്തത്. ഇന്ന് കേരളത്തില് 22 കാരറ്റ് സ്വര്ണം ഒരു പവന് 200 രൂപ ഉയര്ന്ന് 110800 രൂപയായി. ഗ്രാമിന് 25 രൂപ വര്ധിച്ച് 13850 രൂപയുമായി. വെള്ളിയുടെ വിലയില് കാര്യമായ മാറ്റമില്ല. ഗ്രാമിന് 265 രൂപയില് തുടരുകയാണ്. ആഗോള വിപണിയില് ഔണ്സ് സ്വര്ണത്തിന് 4333 ഡോളറാണ് പുതിയ നിരക്ക്.
സ്വര്ണം തൊടുമോ കേരള ബജറ്റ്
ബ്രെന്റ് ക്രൂഡ് ഓയില് വില ബാരലിന് 78 ഡോളറായി കുറഞ്ഞിട്ടുണ്ട്. ഇതോടെ ഡോളറിന്റെ ആവശ്യം അന്താരാഷ്ട്ര വിപണിയില് അല്പ്പം കുറഞ്ഞു. ഇത് ഡോളര് സൂചിക ഇടിയാന് കാരണമായിട്ടുണ്ട്. ഡോളര് ഇടിയുമ്പോള് മറ്റു പ്രധാന കറന്സികള് മൂല്യം ഉയരും. അവ ഉപയോഗിച്ച് കൂടുതല് സ്വര്ണം വാങ്ങുന്ന സാഹചര്യം വരും. എന്നാല് നിലവില് സ്വര്ണത്തിന് ആവശ്യക്കാര് വന്തോതില് ഉയര്ന്നിട്ടില്ല.
മാത്രമല്ല, അമേരിക്കയുടെ പലിശ നിരക്ക് സംബന്ധിച്ച വിവരം കാത്തിരിക്കുകയാണ് നിക്ഷേപകര്. പലിശ നിരക്കില് വലിയ മാറ്റം സംഭവിച്ചാല് സ്വര്ണവിലയില് പ്രകടമായ വില വ്യതിയാനമുണ്ടാകും. നിലവിലെ വിപണി സാഹചര്യം തുടരുകയാണെങ്കില് നേരിയ വില മാറ്റമേ പ്രതീക്ഷിക്കാവൂ. ഇന്ന് ഒരു പവന് ആഭരണം വാങ്ങുമ്പോള് 1.19 ലക്ഷം രൂപ വരെ ചെലവ് വരുമെന്നാണ് പ്രതീക്ഷിക്കുന്നത്.
അതേസമയം, കേരളത്തില് സ്വര്ണത്തിന്റെ നികുതി പിരിച്ചെടുക്കുന്നതില് പ്രത്യേക പദ്ധതി സര്ക്കാര് നടപ്പാക്കുമെന്ന് സൂചനയുണ്ട്. വെള്ളിയാഴ്ച മുഖ്യമന്ത്രി വിഡി സതീശന് നിയമസഭയില് അവതരിപ്പിക്കുന്ന ബജറ്റില് ഇതുസംബന്ധിച്ച പ്രഖ്യാപനം പ്രതീക്ഷിക്കുന്നുണ്ട്. ജിഎസ്ടി പിരിവ് കൃത്യമാക്കിയാല് സര്ക്കാരിന്റെ വന്കിട പദ്ധതികള് സുഗമമായി നടത്താന് സാധിക്കുമെന്നാണ് യുഡിഎഫിന്റെ പ്രതീക്ഷ.
Click it and Unblock the Notifications
Sign in with Google