പോലീസ് സ്റ്റേഷനിൽ പകുതി പേർ ഡ്യൂട്ടിയിൽ: 7 ദിവസത്തെ ഡ്യൂട്ടിയ്ക്ക് ശേഷം ഏഴ് ദിവസം വിശ്രമം, പരിഷ്കാരം
തിരുവനന്തപുരം: കേരളത്തിൽ കൊറോണ വ്യാപനത്തിന്റെ പശ്ചാത്തലത്തിൽ പോലീസ് സേനയുടെ പ്രവർത്തന ക്രമങ്ങളിൽ മാറ്റം വരുന്നു. സംസ്ഥാനത്തെ എല്ലാ യൂണിറ്റുകളിലും പകുതി പേർക്ക് വിശ്രമം നൽകുന്ന തരത്തിലാണ് പോലീസുകാരുടെ ഡ്യൂട്ടി പുനക്രമീകരിക്കുക. യൂണിറ്റ് മേധാവിമാർക്കാണ് ഇത് സംബന്ധിച്ച നിർദേശം നൽകുക. അടിയന്തര സാഹചര്യങ്ങളിൽ ആവശ്യപ്പെട്ടാൽ ഇവർ ജോലിക്ക് ഹാജരാകേണ്ടതായി വരും. ഏഴ് ദിവസം തുടർച്ചയായി ജോലി ചെയ്തുകഴിഞ്ഞാൽ ഏഴ് ദിവസം വിശ്രമം അനുവദിക്കണമെന്നാണ് ചട്ടം. പ്രസ്തുത ചട്ടം തിങ്കളാഴ്ച മുതൽ പ്രാബല്യത്തിൽ വരും. രേഖകളുടെ പരിശോധന, അറസ്റ്റ്, കുറ്റകൃത്യം നടന്ന സ്ഥലം, പരാതിക്കാരോട് സംസാരിക്കല്, വിവിധ ഉപകരണങ്ങളുടെ പ്രയോഗം എന്നിവ സംബന്ധിച്ച കാര്യങ്ങളിലാണ് മാറ്റം വരുത്തിയിട്ടുള്ളത്. ഇത് സംബന്ധിച്ച് അന്താരാഷ്ട്ര നിലവാരത്തിലുളള സ്റ്റാന്റേര്ഡ് ഓപ്പറേറ്റിംഗ് പ്രൊസീജ്യറിൽ മാറ്റംവരുത്തിയിട്ടുള്ളത്.
വിവിധ പോലീസ് സേനകളിലെ നടപടിക്രമങ്ങള് പരിശോധിച്ച് ആവശ്യമായ മാറ്റങ്ങളോടെയാണ് കേരള പോലീസ് സ്വീകരിച്ചിട്ടുള്ളത്. ഈ മാറ്റങ്ങള് ഒരു സാഹചര്യത്തിലും പോലീസിന്റെ പ്രവര്ത്തനമികവിനെ ബാധിക്കില്ലെന്ന് സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു. പോലീസ് സേനാംഗങ്ങളുടെ ക്ഷേമം ഉറപ്പാക്കുന്നതിന് പരിശീലന വിഭാഗം എഡിജിപി ഡോ.ബി സന്ധ്യ, ബറ്റാലിയന് വിഭാഗം എഡിജിപി എം.ആര് അജിത് കുമാര് എന്നിവരെ ചുമതലപ്പെടുത്തി. പോലീസ് ഉദ്യോഗസ്ഥരുടെയും കുടുംബാംഗങ്ങളുടേയും ക്ഷേമം, ആരോഗ്യം എന്നിവ ഉറപ്പ് വരുത്തുന്നതിന് ഇവര് നടപടി സ്വീകരിക്കും. രോഗബാധിതരാകുന്ന ഉദ്യോഗസ്ഥര് അക്കാര്യം ഉടന്തന്നെ മേലധികാരികളെ അറിയിക്കേണ്ടതുണ്ടെന്നും നിർദേശമുണ്ട്.
മാതൃകയായിരിക്കണം
സാമൂഹിക അകലം ഉള്പ്പെടെയുളള കൊവിഡ് സുരക്ഷാ പ്രോട്ടോക്കോള് പാലിക്കുന്നതില് പോലീസ് ഉദ്യോഗസ്ഥര് സമൂഹത്തിന് മാതൃകയായിരിക്കണം. ഇക്കാര്യത്തില് വീഴ്ച വരുത്തുന്ന ഉദ്യോഗസ്ഥര്ക്കെതിരെ കര്ശന നടപടി സ്വീകരിക്കുമെന്നും മുന്നറിയിപ്പ് നൽകിയിട്ടുണ്ട്. ഇവയില് മികവ് പുലര്ത്തുകയും മാനദണ്ഡങ്ങള് പാലിച്ച് പൊതുജനങ്ങള്ക്ക് സേവനം ലഭ്യമാക്കുകയും ചെയ്യുന്ന പോലീസ് ഉദ്യോഗസ്ഥരെ ആദരിക്കുകയും ചെയ്യും.
ഉദ്യോഗസ്ഥർ ഒത്തുകൂടുന്നത് ഒഴിവാക്കണം
റോള്കാള്, ഷിഫ്റ്റ് മാറ്റം, പരേഡ്, ക്ലാസുകള് എന്നിങ്ങനെ പോലീസുദ്യോഗസ്ഥര് ഒത്തുകൂടുന്ന അവസരങ്ങള് പരമാവധി ഒഴിവാക്കണം. സേനയിലെ എല്ലാ യൂണിറ്റുകളിലും ദിനംപ്രതി ഡ്യൂട്ടിക്കായി പകുതി ജീവനക്കാരെ നിയോഗിച്ചശേഷം പകുതിപ്പേര്ക്ക് റെസ്റ്റ് നല്കുന്ന വിധത്തില് ജോലി പുന:ക്രമീകരിക്കുന്നതിന് യൂണിറ്റ് മേധാവിമാര് ശ്രമിക്കണം. ബാക്കി പകുതിപ്പേര്ക്ക് വിശ്രമം അനുവദിക്കണം. അടിയന്തിര ഘട്ടങ്ങളില് ആവശ്യപ്പെട്ടാലുടന് ജോലിക്കെത്തണം. കഴിയുന്നതും ഏഴ് ദിവസത്തെ ജോലിക്ക് ശേഷം ഏഴ് ദിവസത്തെ വിശ്രമം അനുവദിക്കണമെന്നാണ് മാർഗ്ഗനിർദേശത്തിൽ പറയുന്നത്.
ഫോൺ മുഖേന അറിയിപ്പ്
ഡ്യൂട്ടി നിശ്ചയിച്ച ശേഷം എല്ലാദിവസവും വൈകുന്നേരം അക്കാര്യം പോലീസുദ്യോഗസ്ഥരെ ഫോണ്മുഖേന അറിയിക്കണം. ഡ്യൂട്ടിക്കായി സ്റ്റേഷനില് റിപ്പോര്ട്ട് ചെയ്യുന്നതിന് പകരം പോലീസുദ്യോഗസ്ഥര് ഡ്യൂട്ടിസ്ഥലങ്ങളില് നേരിട്ട് ഹാജരായശേഷം ഫോണ്വഴി സ്റ്റേഷനില് അറിയിച്ചാല് മതിയാകും. ഡ്യൂട്ടി കഴിയുമ്പോള് വീഡിയോ കോള്, ഫോണ്, വയര്ലെസ് മുഖേന മേലുദ്യോഗസ്ഥനെ അക്കാര്യം അറിയിച്ചശേഷം മടങ്ങാം. മേലുദ്യോഗസ്ഥര് ദിനംപ്രതി നിര്ദ്ദേശങ്ങള് നല്കാന് എസ്എംഎസ്, വാട്സ്ആപ്പ്, ഓണ്ലൈന് മാര്ഗ്ഗങ്ങള് ഉപയോഗിക്കണം. പോലീസ് സ്റ്റേഷനുകളില് പോലീസുദ്യോഗസ്ഥര് ഒരുമിച്ച് വിശ്രമിക്കുന്നതും കൂട്ടംചേര്ന്ന് ഇരിക്കുന്നതും ഒഴിവാക്കണം.
അനാവശ്യ സന്ദർശനങ്ങൾ വേണ്ട
ഡ്യൂട്ടി കഴിഞ്ഞ് ഉദ്യോഗസ്ഥര് നേരെ വീടുകളിലേയ്ക്ക് പോകേണ്ടതും സുഹൃത്തുക്കളേയോ ബന്ധുക്കളേയോ സന്ദര്ശിക്കാന് പാടില്ലാത്തതുമാണ്. ജോലി ചെയ്യുന്ന സ്ഥലവും സാഹചര്യവുമനുസരിച്ചുളള സുരക്ഷാ ഉപകരണങ്ങള് എല്ലാ പോലീസുദ്യോഗസ്ഥര്ക്കും ലഭ്യമാക്കണം. പോലീസുദ്യോഗസ്ഥര് ഭക്ഷണവും വെളളവും കൈയ്യില് കരുതുകയും ഇത്തരം ആവശ്യങ്ങള്ക്ക് പരമാവധി പൊതു ഇടങ്ങളെ ആശ്രയിക്കുന്നത് ഒഴിവാക്കുകയും വേണം. ആരോഗ്യപരമായ ഭക്ഷണക്രമം പാലിച്ച് മതിയായ വ്യായാമമുറകള്, യോഗ എന്നിവ ശീലമാക്കണമെന്നും സംസ്ഥാനത്തെ പോലീസുകാർക്ക് നിർദേശമുണ്ട്.
ക്ഷേമം ഉറപ്പാക്കാൻ നിർദേശം
പോലീസുകാരുടെ ക്ഷേമം ഉറപ്പാക്കാന് എല്ലാ പോലീസ് യൂണിറ്റുകളിലും ഒരു വെല്ഫെയര് ഓഫീസറെ നിയോഗിക്കും. ഈ ഉദ്യോഗസ്ഥന് പോലീസുകാര്ക്ക് ആവശ്യമുളള സാധനങ്ങളുടെയും സുരക്ഷാ ഉപകരണങ്ങളുടെയും ലഭ്യത ഉറപ്പാക്കുകയാണ് വേണ്ടത്. രോഗപ്രതിരോധ ശേഷി വര്ദ്ധിപ്പിക്കുന്നതിനുതകുന്ന ഹോമിയോ, ആയുര്വേദ പ്രതിരോധ മരുന്നുകള് പോലീസുദ്യോഗസ്ഥര്ക്ക് ലഭ്യമാക്കാനും നിർദേശമുണ്ട്. ജീവിതശൈലീരോഗങ്ങളുളള 50 വയസ്സിന് മുകളില് പ്രായമുള്ള പോലീസ് ഉദ്യോഗസ്ഥരെ ശ്രമകരമായ ചുമതലകളില് നിന്ന് ഒഴിവാക്കും. ഗര്ഭിണികളായ ഉദ്യോഗസ്ഥകള്ക്ക് ഓഫീസ്, കമ്പ്യൂട്ടര്, ഹെല്പ് ലൈന് ചുമതലകള് നല്കണം.
പോലീസ് വിന്യാസം എങ്ങനെ
തിരക്കേറിയ ജംഗ്ഷനുകളില് മാത്രമേ ട്രാഫിക് ചുമതല നല്കാവൂ. റെയില്വേ സ്റ്റേഷന്, വിമാനത്താവളം, ചെക്ക്പോസ്റ്റ് എന്നിവിടങ്ങളില് പരമാവധി കുറച്ച് ആള്ക്കാരെ നിയോഗിക്കണം. ആവശ്യത്തിലേറെ ഉദ്യോഗസ്ഥരെ നിയോഗിക്കുന്നത് നിരുത്സാഹപ്പെടുത്തണം.
സാധനങ്ങൾ പങ്കുവെക്കരുത്
ആഭരണങ്ങള് ഉള്പ്പെടെ വ്യക്തിഗത ഉപയോഗത്തിനുളള വസ്തുക്കള് മറ്റുളളവരുമായി പങ്ക് വയ്ക്കരുത്. യൂണിഫോം ഉപയോഗിക്കുന്നതില് ഇളവ് അനുവദിച്ചിട്ടുണ്ട്. എന്നാല് എല്ലാ ദിവസവും അലക്കിയ വൃത്തിയുളള യൂണിഫോം തന്നെ ധരിക്കേണ്ടതാണ്. ഫീല്ഡ് ജോലിയില് ആയിരിക്കുമ്പോള് റബ്ബര് ഷൂസ്, ഗം ബൂട്ട്, കാന്വാസ് ഷൂ എന്നിവ ഉപയോഗിക്കാം. ഫെയ്സ് ഷീല്ഡ് ധരിക്കുമ്പോള് തൊപ്പി നിര്ബന്ധമില്ല. മൊബൈല് ഫോണില് കഴിയുന്നതും സ്പീക്കര് മോഡില് സംസാരിക്കണം. എല്ലാ പോലീസ് ഉദ്യോഗസ്ഥര്ക്കും ഏറ്റവും പുതിയ ആരോഗ്യവിവരങ്ങളെക്കുറിച്ച് അറിവുണ്ടായിരിക്കണമെന്നും നിർദേശമുണ്ട്.
പരേഡ് ഒഴിവാക്കി
ഇനിയൊരു അറിയിപ്പുണ്ടാകുംവരെ വെളളിയാഴ്ച പരേഡ് ഒഴിവാക്കിയിട്ടുണ്ട്. പതിവ് വാഹനപരിശോധന, നിസാര കാര്യങ്ങള് സംബന്ധിച്ച അറസ്റ്റ് എന്നിവ ഒഴിവാക്കും. പോലീസുമായി നേരിട്ട് ബന്ധമില്ലാത്ത ജോലികള്, സാംസ്കാരിക പരിപാടികള് എന്നിവ ഒഴിവാക്കും. സിസിടിവി, ഹെല്പ് ലൈന്, ക്യാമറ, സാങ്കേതികവിദ്യ എന്നിവ പരമാവധി ഉപയോഗിക്കും. പൊതുജനങ്ങള് പോലീസ് സ്റ്റേഷന് സന്ദര്ശിക്കുന്നത് കഴിയുന്നതും ഒഴിവാക്കണം. പരാതികള് ഇ-മെയില്, വാട്സ് ആപ്പ് എന്നിവ മുഖേനയോ കണ്ട്രോള് നമ്പര് 112 മുഖേനയോ നല്കണമെന്നും പുതിയ മാര്ഗ്ഗനിര്ദ്ദേശങ്ങളില് വ്യക്തമാക്കിയിട്ടുണ്ട്.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google